走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 11:1 | 亞捫人拿轄上到基列的雅比，紮營欲攻擊伊。雅比的眾人給拿轄講：「你及阮立約，阮就欲服事你。」 |
|---|---|
| 11:2 | 亞捫人拿轄應講：「我及恁立約，著按呢就是挖恁眾人的正目，我通用此個來凌辱以色列人。」 |
| 11:3 | 雅比的長老給伊講：「求你寬容阮七日，互阮差人去以色列的全境；若無人救阮，阮就出來就你。」 |
| 11:4 | 所差的人到掃羅的基比亞，將諸個話講互百姓聽，百姓就攏開聲哮。 |
| 11:5 | 掃羅抵當對田裡趕牛倒來，掃羅講：「百姓為啥事啼哭？」𪜶就將雅比人的話給伊講。 |
| 11:6 | 掃羅聽見諸個話，上帝的神大大感動伊，伊大受氣。 |
| 11:7 | 伊就將一對牛切一塊一塊，交代使者送到以色列的全境，講：「見若無出來跟隨掃羅及撒母耳的，也欲按呢款待伊的牛。」耶和華互百姓驚，𪜶就攏出來，親像一人。 |
| 11:8 | 佇比色點算許個人：以色列人有三十萬，猶大人有三萬。 |
| 11:9 | 𪜶給所差的人講：「恁著按呢回覆基列的雅比人講，明仔日將近中晝的時，恁欲得著拯救。」所差的人倒去給雅比人講，𪜶就歡喜。 |
| 11:10 | 雅比人就給亞捫人講：「明仔日阮欲出來就恁，恁通出在意思款待阮。」 |
| 11:11 | 隔日，掃羅分百姓做三隊，佇五更早的時入亞捫人的軍營，拍死𪜶到日欲晝，所剩的人攏走四散，無二人相及住一位。 |
| 11:12 | 百姓給撒母耳講：「彼個講『掃羅豈會管轄咱』的是是誰啊？著掠許個人出來，阮欲刣死伊。」 |
| 11:13 | 掃羅講：「今仔日一人也呣通刣死，因為今仔日耶和華拯救以色列。」 |
| 11:14 | 撒母耳給百姓講：「來啊，咱來去吉甲，佇遐重再建立國。」 |
| 11:15 | 眾百姓就去吉甲，佇吉甲當耶和華的面前設立掃羅做王，𪜶佇遐獻謝恩祭佇耶和華的面前。掃羅及以色列眾人大大歡喜。 |
