走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 26:1 | 西弗人到基比亞見掃羅，講：「大衛豈呣是家己匿佇耶示們頭前的哈基拉山嗎？」 |
|---|---|
| 26:2 | 掃羅就起來，導以色列中揀選的兵三千落去到西弗的曠野，欲佇西弗的曠野尋大衛。 |
| 26:3 | 掃羅佇耶示們頭前的哈基拉山，紮營佇路裡。大衛踮佇曠野，知掃羅來曠野欲追赴伊， |
| 26:4 | 大衛就差幾若個偵探，才知掃羅真正來。 |
| 26:5 | 大衛就起來，到掃羅紮營的所在，大衛看見掃羅及伊的軍長尼珥的子押尼珥睏的所在；掃羅睏佇排列車的內面，百姓紮營佇伊的四圍。 |
| 26:6 | 大衛對赫人亞希米勒及洗魯雅的子約押的兄弟亞比篩講：「是誰欲及我落去到營盤到掃羅遐？」亞比篩講：「我及你落去。」 |
| 26:7 | 大衛及亞比篩透暝到百姓遐，看見掃羅倒佇排列車的內面啲睏；伊的槍佇頭殼邊，插佇地裡。押尼珥及百姓睏佇伊的四圍。 |
| 26:8 | 亞比篩給大衛講：「上帝今仔日將你的對敵交佇你的手，求你准我用槍給伊鑿佇地裡，鑿一下，呣免二下。」 |
| 26:9 | 大衛給亞比篩講：「呣通害死伊。是誰起手害耶和華所抹油者也無罪啊？」 |
| 26:10 | 大衛閣講：「我指永活的耶和華來咒誓，耶和華欲拍伊，豈採伊死日欲到，抑是伊欲落戰陣來死； |
| 26:11 | 我對佇耶和華，決斷呣敢起手拍耶和華所抹油者。今你通取伊頭殼邊的槍及水瓶，咱通提來去。」 |
| 26:12 | 大衛對掃羅的頭殼邊取伊的槍及水瓶，二人就去，無人看見，無人知，也無人醒，是𪜶攏啲睏，因為耶和華互𪜶睏重眠。 |
| 26:13 | 大衛過去到彼旁，遠遠徛佇山頂，及𪜶相離不止遠。 |
| 26:14 | 大衛叫百姓及尼珥的子押尼珥講：「押尼珥啊，你無應嗎？」押尼珥講：「你是是誰？啲叫王啊？」 |
| 26:15 | 大衛對押尼珥講：「你豈呣是一個勇士嗎？以色列中是誰比得你啊？你啥事無保護你的主──你的王啊？因為百姓中有一人入去欲害你的王──你的主。 |
| 26:16 | 你此號所做是呣好！我指永活的耶和華咒誓，恁攏是該死的；因為無保護恁的主，就是耶和華所抹油者。今你看王頭殼邊的槍及水瓶佇叨落？」 |
| 26:17 | 掃羅認得是大衛的聲，就講：「我的子大衛，這是你的聲嗎？」大衛講：「王啊──我的主，是我的聲」； |
| 26:18 | 閣講：「我的主啥事追趇奴僕？我做甚麼？我的手有甚麼歹？ |
| 26:19 | 王啊，我的主啊今求你聽奴僕的話：若是耶和華激動你攻擊我，願伊監納祭物；若是人激動你，願𪜶佇耶和華的面前受咒詛；因為𪜶今仔日革著我，互我無份佇耶和華的業，講：『你去服事別個上帝！』 |
| 26:20 | 今莫得互我的血流佇離開耶和華面前的地。因為以色列王出來是尋一隻虼蚤，親像人佇山裡趇一隻鷓鴣。」 |
| 26:21 | 掃羅講：「我有罪啦！我的子大衛，你通倒來，我無欲閣害你；因為你今仔日看我的生命做寶貝。看啊，我所做是真戇，錯誤到極。」 |
| 26:22 | 大衛應講：「王啊，你的槍佇遮，你著叫一個少年人過來抬。 |
| 26:23 | 耶和華欲照逐人的公義及忠信來報伊，因為今仔日耶和華將你交佇我的手。總是我呣肯伸手害耶和華所抹油者。 |
| 26:24 | 我今仔日看重你的生命，願耶和華也按呢看重我的生命，閣救我脫離攏總的患難。」 |
| 26:25 | 掃羅給大衛講：「我的子大衛，願你受祝福！你欲行出大的代誌，也穩當欲卡贏。」大衛就做伊行，掃羅倒去伊的本所在。 |
