走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 29:1 | 非利士人聚集𪜶的軍兵到亞弗；以色列人紮營佇耶斯列的水泉邊。 |
|---|---|
| 29:2 | 非利士人許個首領導兵，有的一百有的一千，進前去；大衛及隨伊的人及亞吉隨佇後面。 |
| 29:3 | 非利士人的首領講：「諸個希伯來人佇遮做甚麼？」亞吉給非利士人的首領講：「此個豈呣是以色列王掃羅的人臣大衛嗎？伊及我住已經有諸個日諸個年。對伊投降我到今仔日，我未曾看見伊有過失。」 |
| 29:4 | 非利士人的首領受氣伊，非利士人的首領給伊講：「著互此人倒去，倒去你所安置伊的所在，呣通互伊及咱落陣，驚了伊佇陣內做咱的對敵。伊欲及伊的主人復和欲用甚麼啊？豈呣是諸個人的頭殼？ |
| 29:5 | 前𪜶有人跳舞唱和講：『掃羅刣死𪜶的千千，大衛刣死𪜶的萬萬』，所講的，豈呣是此個大衛嗎？」 |
| 29:6 | 亞吉叫大衛來，給伊講：「我指永活的耶和華來咒誓，你是正直。你及我出入佇軍隊中，我看是好。因為對你來我遮的時到今仔日，我呣曾看見你有甚麼過失，獨獨諸個首領看你做呣好。 |
| 29:7 | 今你倒去，安然去，驚了你所做非利士人的首領無歡喜。」 |
| 29:8 | 大衛給亞吉講：「我曾做甚麼？對我起頭來你的面前的時，到今仔日，你佇你的奴僕有看出甚麼代誌，互我無通及王──我的主的對敵交戰啊？」 |
| 29:9 | 亞吉應大衛講：「我知你佇我的目睭前是好，親像上帝的使者一樣；總是非利士人的首領講：『此人呣通及咱去交戰。』 |
| 29:10 | 所以你以及你的主的奴僕，及你來的，著早早起來，你已經起來到天光就著去！」 |
| 29:11 | 隔早起大衛及隨伊的人早早起來，起身倒去非利士的地。非利士人也上去耶斯列。 |
