經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
27:1 | 大衛心內講:「欲有一日我死佇掃羅的手,呣值著走去非利士的地。掃羅對佇我就絕望,無閣佇以色列的境內尋我;按呢我就通脫離伊的手。」 |
---|---|
27:2 | 大衛就起來,及隨伊的六百人過去到迦特王──瑪俄的子亞吉遐。 |
27:3 | 大衛及伊二個某,就是耶斯列人亞希暖及曾做拿八的某的迦密人亞比該,及隨大衛的人,以及逐人的家眷,攏踮佇迦特亞吉遐。 |
27:4 | 有人給掃羅講:「大衛走去迦特。」掃羅就無閣尋伊。 |
27:5 | 大衛對亞吉講:「我若佇你的面前得著恩典,求你用山場一個城互我,我就有所在通徛起。因為你的奴僕啥事著及你相及徛起佇京城啊?」 |
27:6 | 當彼日亞吉將洗革拉互伊,因為按呢洗革拉屬猶大王,直到今仔日。 |
27:7 | 大衛踮佇非利士人的地共一年閣四月日。 |
27:8 | 大衛及隨伊的人上去,侵取基述人、基色人、亞瑪力人。因為此幾族平素徛起佇彼所在,對書珥去到埃及。 |
27:9 | 大衛拍彼所在,無論男女無一個活,閣搶𪜶的羊、牛、驢、駱駝,及衣服,倒轉來見亞吉。 |
27:10 | 亞吉講:「恁今仔日去侵取甚麼地方啊?」大衛講:「拍猶大的南方、耶拉篾人的南方、基尼人的南方。」 |
27:11 | 大衛無留一個男女活,帶到迦特。是拍算講:「驚了𪜶將阮的事報人知,講大衛按呢行,閣伊踮佇非利士人的地的時,也常常照此款來行。」 |
27:12 | 亞吉信大衛,心內講:「大衛互伊本族以色列人真厭惡,所以伊欲永遠做我的奴僕。」 |