走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 以色列人出去欲及非利士人交戰，紮營近佇以便以謝；非利士人紮營佇亞弗。 |
|---|---|
| 4:2 | 非利士人排陣攻擊以色列人。交戰的時，以色列人刣輸佇非利士人的面前；非利士人佇平洋刣死𪜶的軍兵約略四千人。 |
| 4:3 | 百姓倒來到營內，以色列的長老講：「耶和華今仔日啥事互咱刣輸佇非利士人的面前啊？咱呣值著扛耶和華的約櫃對示羅來咱遮，互伊佇咱中間通救咱脫離咱的對敵的手。」 |
| 4:4 | 百姓就差人到示羅，對遐扛坐佇𠼻𡀔兵的中間萬軍的耶和華的約櫃來。以利二個子何弗尼、非尼哈及上帝的約櫃佇遐。 |
| 4:5 | 耶和華的約櫃到營中，以色列眾人就大聲喝，地續會應聲。 |
| 4:6 | 非利士人聽見大聲啲喝的聲音，就講：「佇希伯來的營按呢大聲喝，是甚麼緣故？」後來就知耶和華的約櫃到營中。 |
| 4:7 | 非利士人就驚惶，講：「有上帝到𪜶的營中」；閣講：「咱有災禍啦！平素呣曾有此個事。 |
| 4:8 | 咱有災禍啦！是誰會救咱脫離諸個大權能的上帝的手啊？前佇曠野用逐樣的災禍拍埃及人的，就是諸個上帝。 |
| 4:9 | 非利士人啊，恁著勇敢，著做大丈夫，免得恁服事希伯來人，親像𪜶服事恁一樣。恁著做大丈夫，及𪜶交戰。」 |
| 4:10 | 非利士人就交戰，以色列人刣輸，逐個走倒去𪜶的布棚，刣死真多，以色列的步兵死三萬人。 |
| 4:11 | 上帝的約櫃互𪜶搶去，以利二個子何弗尼、非尼哈也死。 |
| 4:12 | 有一個便雅憫人對戰陣走來，衫拆裂，頭殼摻土粉，像彼日到示羅。 |
| 4:13 | 伊到的時，抵當以利佇路邊坐佇伊的位啲瞭望，因為伊的心為著上帝的約櫃來掛慮。彼人入城報消息，通城的人就攏喉叫。 |
| 4:14 | 以利聽見喉叫的聲就問講：此個嘩嘩哮的聲是甚麼緣故啊？」彼人趕緊來報以利。 |
| 4:15 | 彼時以利九十八歲，目睭柴柴，𣍐會看見。 |
| 4:16 | 彼人給以利講：「我是對戰陣來的，今仔日我對戰陣走來。」以利講：「我的子啊，代誌怎樣？」 |
| 4:17 | 報消息的應講：「以色列人佇非利士人的面前逃走，百姓中受刣的不止多！你二個子何弗尼、非尼哈也死，上帝的約櫃續互𪜶搶去。」 |
| 4:18 | 伊一下講起上帝的櫃，以利就對伊的坐位向對後面，跋倒佇門邊頷頸折就死；因為伊年老，身體重。以利做以色列的士師四十年。 |
| 4:19 | 以利的媳婦、非尼哈的某懷孕欲到期，伊聽見上帝的櫃互人搶去，乾官及丈夫攏死的消息，就曲痀來生子，因為大痛疼忽然到； |
| 4:20 | 啲欲死的時，邊頭啲徛許個婦仁人給伊講：「呣免驚！你生查甫囝仔啦。」總是伊無應，也無關心。 |
| 4:21 | 伊給囝仔號名以迦博，講：「榮光離開以色列！」這是因為上帝的櫃互人搶，閣因為乾官及丈夫也死。 |
| 4:22 | 伊閣講：「榮光離開以色列，因為上帝的櫃受搶。」 |
