走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 10:1 | 「我實實給恁講，入羊群，無對彼個門，來對別所在𨃟過的，是賊，是強盜。 |
|---|---|
| 10:2 | 對門入的，是羊的牧者。 |
| 10:3 | 顧門的給伊開；羊聽伊的聲。就隨名叫家己的羊，導𪜶出。 |
| 10:4 | 已經將家己的羊攏放伊出去，就做頭行，羊亦隨伊，因為認得伊的聲。 |
| 10:5 | 決斷無隨生份人；就是閃避伊，因為𪜶認得生份人的聲。」 |
| 10:6 | 耶穌用此個譬喻給𪜶講，𪜶呣知伊所給𪜶講的是甚麼。 |
| 10:7 | 所以，耶穌閣給𪜶講：「我實實給恁講，我就是羊的門。 |
| 10:8 | 見若代先我來的是賊，是強盜；若是羊無聽𪜶。 |
| 10:9 | 我就是門；若有對我入的，欲得著救，閣欲出入亦欲得著草料。 |
| 10:10 | 賊來，無呣是愛偷，愛刣，愛滅無；我來，是欲互𪜶有活，閣有豐盛。 |
| 10:11 | 我就是好的牧者；好的牧者為著羊放拺生命。 |
| 10:12 | 做倩工的，呣是做牧者，羊也呣是伊家己的羊，看見豺狼來，放拺羊就逃走；豺狼咬𪜶，趕散𪜶。 |
| 10:13 | 這是因為伊做倩工，無關心佇羊。 |
| 10:14 | 我是好的牧者；我識許個屬我的，屬我的亦識我， |
| 10:15 | 親像父識我，我識父一樣；閣我為著羊放拺生命。 |
| 10:16 | 我猶有羊，呣是屬此t枵的；我的確著導𪜶來，𪜶亦欲聽我的聲，閣欲成做一群，歸一個牧者。 |
| 10:17 | 所以父疼我；因為我放拺我的生命，通閣復倒伊。 |
| 10:18 | 無人對我取伊，是我家己放拺伊。我有權通放拺，亦有權通復倒。這是我對我的父所受的命令。」 |
| 10:19 | 因為諸個話猶太人的中間閣有分旁。 |
| 10:20 | 其中多多人講：「伊患著鬼，啲發狂，乜使聽伊啊？」 |
| 10:21 | 閣有人講：「這呣是患著鬼的人的話。鬼豈會開睛暝人的目睭嗎？」 |
| 10:22 | 佇耶路撒冷有獻殿節，是冬天時。 |
| 10:23 | 耶穌佇殿裡，行佇所羅門的兩廊。 |
| 10:24 | 猶太人圍纍，來給伊講：「你互阮的心躊躇欲到甚麼時啊？你若是基督，著明明給阮講。」 |
| 10:25 | 耶穌應講：「我曾給恁講，若是恁呣信。我佇我的父的名所行的事諸個是做我的干證； |
| 10:26 | 若是恁呣信，因為恁呣是我的羊。 |
| 10:27 | 我的羊聽我的聲，我識𪜶，𪜶亦隨我。 |
| 10:28 | 閣我互𪜶有永活；𪜶決斷永遠𣍐沈淪，無一個會對我的手搶𪜶去。 |
| 10:29 | 我的父就是用羊互我的，卡大萬項有，無一個會對父的手搶去。 |
| 10:30 | 我及父是一個。」 |
| 10:31 | 猶太人閣提石頭愛擲伊。 |
| 10:32 | 耶穌應講：「我對父用多多好事互恁看，其中為著叨落一項用石擲我？」 |
| 10:33 | 猶太人應伊講：「阮用石擲你呣是為著好事，就是為著褻瀆；因為你是人，亦家己掠做上帝。」 |
| 10:34 | 耶穌應講：「恁的律法豈無記載講『我講恁是上帝』嗎？ |
| 10:35 | 既然講奉上帝的話者做上帝，亦聖經𣍐會廢無； |
| 10:36 | 今論父所分別做聖、差伊入世間的，恁就講『你啲褻瀆』嗎？因為我講，我是上帝的子。 |
| 10:37 | 我若無行我的父的事，就莫得信我； |
| 10:38 | 我若行伊，雖莽呣信我；著信許個事，互恁也知也明白父𫢶佇我，我𫢶佇父。」 |
| 10:39 | 𪜶閣再欲掠耶穌，伊就脫離𪜶的手去。 |
| 10:40 | 閣去約但外，到約翰起頭行洗禮的所在，住遐徛起。 |
| 10:41 | 人多多就近伊。閣講：「約翰攏無行神蹟，獨獨約翰所講指此人的，攏是真。」 |
| 10:42 | 佇遐人多多信伊。 |
