走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 14:1 | 「恁的心莫得迫腹；恁著信上帝，亦著信我。 |
|---|---|
| 14:2 | 佇我的父的家有多多厝宅；若無，就我已經給恁講啦。因為我去是給恁備辦所在。 |
| 14:3 | 若去給恁備辦所在，就欲閣來接納恁歸佇我，互我所佇啲的，恁亦佇遐。 |
| 14:4 | 我所去的所在，恁識彼條路。」 |
| 14:5 | 多馬給伊講：「主啊，你去的所在阮都呣知，豈會知彼條路啊？」 |
| 14:6 | 耶穌給伊講：「我就是路、是真理、是活命；若無對我，就無人就近父。 |
| 14:7 | 恁若已經識我，就亦識我的父。今了後，恁識伊，亦曾看見伊。」 |
| 14:8 | 腓力給伊講：「主啊，用父互阮看，就夠額。」 |
| 14:9 | 耶穌給伊講：「腓力，我及恁𫢶到即久，你猶呣識我嗎？已經看見我的，就是看見父；你怎樣講『用父互阮看』啊？ |
| 14:10 | 我𫢶佇父，父亦𫢶佇我，你呣信嗎？我所給恁講的話，呣是出佇家己來講，就是父住佇我來行伊的代誌。 |
| 14:11 | 我𫢶佇父，父𫢶佇我，恁著信我；若無，就著因為所行的事來信我。 |
| 14:12 | 我實實給恁講，信我的人，我所行的伊欲行伊，就比諸個事卡大的亦欲行伊，因為我歸佇父。 |
| 14:13 | 恁佇我的名凡所求的，我欲行伊，互父佇子得著榮光。 |
| 14:14 | 恁若佇我的名有所求我的，我欲行伊。」 |
| 14:15 | 「恁若疼我，就欲守我的命令。 |
| 14:16 | 我亦欲對父求，就伊欲用閣一個保惠師互恁，互伊永遠及恁住， |
| 14:17 | 就是真理的神，世間所𣍐接納的；因為無看見伊，閣呣識伊。獨獨恁識伊，因為伊及恁相及住，閣欲𫢶佇恁。 |
| 14:18 | 我無欲放恁做無父的子，我來就近恁。 |
| 14:19 | 猶霎仔久，世間無閣看見我，獨獨恁看見我；因為我活，恁亦活。 |
| 14:20 | 彼日，恁欲知我𫢶佇我的父，恁𫢶佇我，我𫢶佇恁。 |
| 14:21 | 有我的命令閣守伊的人，此個就是疼我；疼我的人欲得著我的父疼伊，我亦欲疼伊，閣將本身顯明佇伊。」 |
| 14:22 | 有猶大（呣是加略人的）給伊講：「主啊，有甚麼事你欲將本身顯明佇阮，無顯明佇世間啊？」 |
| 14:23 | 耶穌應伊講：「人若疼我，伊欲守我的道理；我的父欲疼伊，阮亦欲就近伊，閣及伊同徛起。 |
| 14:24 | 無疼我的人就無守我諸個話。閣恁所聽的道理呣是我的，就是差我的父的。 |
| 14:25 | 「我猶及恁住的時，有將諸個話給恁講。 |
| 14:26 | 若是保惠師就是聖神，父佇我的名所欲差的，伊欲將一切的事教示恁，閣欲互恁記得我一切所給恁講的。 |
| 14:27 | 我用平安留啲互恁；我將我的平安賞賜恁。我啲互恁，呣是親像世間啲互人的款。恁的心莫得迫腹，亦莫得驚惶。 |
| 14:28 | 恁已經聽見我有給恁講，我去閣來就近恁。恁若疼我，就因為我歸佇父，恁會歡喜，因為父比我卡大。 |
| 14:29 | 今事猶未成，我已經給恁講，互恁佇事成的時通信。 |
| 14:30 | 以後我無及恁講多多話，因為世間的人君啲來啦。伊佇我無所有； |
| 14:31 | 獨獨欲互世間知我疼父，亦照父所命令我的，我按呢來行。起來，咱對遮來去！」 |
