走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 有一個法利賽人，名尼哥底某，是猶太人的官。 |
|---|---|
| 3:2 | 暝時來就近耶穌，對伊講：「拉比，阮知你做先生是對上帝來的；因為若呣是上帝及伊佇啲，就無人會行你所行諸個神蹟。」 |
| 3:3 | 耶穌應伊講：「我實實給你講，人若無重頭生，就𣍐會看見上帝的國。」 |
| 3:4 | 尼哥底某對伊講：「人已經老，怎樣會重頭生？豈會閣入老母的腹肚來生嗎？」 |
| 3:5 | 耶穌應講：「我實實給你講，人若無對水對聖神來生，就𣍐會入上帝的國。 |
| 3:6 | 對肉體生的是肉體；對神生的是神。 |
| 3:7 | 我講：『恁的確著重頭生』，你莫得掠做奇怪。 |
| 3:8 | 風出在意思來吹，你聽見伊的聲，呣知伊對叨落來，叨落去；見若對神生的，亦是按呢。」 |
| 3:9 | 尼哥底某應伊講：「怎樣會按呢啊？」 |
| 3:10 | 耶穌應伊講：「你做以色列的先生，也呣知這嗎？ |
| 3:11 | 我實實給你講，阮是講阮所知的；干證阮所看見的；若是恁呣接納阮的干證。 |
| 3:12 | 我給恁講地上的事，恁尚且呣信，若給恁講天頂的事，恁豈欲信？ |
| 3:13 | 無人曾上天，只有佇天裡的人子，對天降落的若定。 |
| 3:14 | 閣親像摩西舉起蛇佇曠野，人子亦的確著按呢受舉起， |
| 3:15 | 互見若信的人𫢶佇伊有永活。 |
| 3:16 | 「因為上帝將獨生的子賞賜世間，互見若信伊的人，𣍐沈淪，會得著永活，伊疼世間到按呢。 |
| 3:17 | 因為上帝差子入世間，呣是欲審判世間；是欲互世間對伊得著救。 |
| 3:18 | 信伊的人，無受審判；呣信的人，已經受審判，因為伊呣信上帝獨生子的名。 |
| 3:19 | 所審判的，就是光入世間，亦人愛暗卡過頭佇光，因為伊所行是歹。 |
| 3:20 | 見若做歹的怨恨光，亦呣就近光，驚了伊的所行受責備。 |
| 3:21 | 獨獨行真理的人就近光，來顯明伊的所行是佇上帝來行。」 |
| 3:22 | 諸個代誌以後，耶穌及伊的學生到猶太地，及𪜶住遐來行洗禮。 |
| 3:23 | 約翰亦啲行洗禮佇近撒冷的哀嫩；因為佇遐有多多水，人到遐來受洗禮。（ |
| 3:24 | 因為約翰猶未關落監。） |
| 3:25 | 對按呢有約翰的學生及一個猶太人爭辯清氣的事， |
| 3:26 | 𪜶來就近約翰，給伊講：「拉比啊，從前及你佇約但外、你所干證的，你看，伊啲行洗禮，眾人攏就近伊。」 |
| 3:27 | 約翰應講：「若呣是對天互伊，就人𣍐得著甚麼。 |
| 3:28 | 恁家己為著我做干證，我曾講：『我呣是基督，就是奉差佇伊的頭前若定。』 |
| 3:29 | 有新娘的是新子婿；新子婿的朋友徛啲聽伊，為著新子婿的聲就歡喜到極。所以，我此個歡喜充滿啦。 |
| 3:30 | 伊的確興旺，我的確衰微。」 |
| 3:31 | 「對頂面來的是佇萬類的頂面；彼個對地裡的是對地才有，也對地來講。對天來的是佇萬類的頂面。 |
| 3:32 | 伊將所聽見的來干證，亦無人接納伊的干證。 |
| 3:33 | 接納伊的干證的，已經蓋印，來干證上帝是真實。 |
| 3:34 | 因為上帝所差的講上帝的話，是上帝賞賜聖神無限量。 |
| 3:35 | 父疼子，已經將萬物交付伊的手。 |
| 3:36 | 信子的人有永活；呣順子的人𣍐看見活，上帝的受氣𫢶佇伊的頂面。」 |
