走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 13:1 | 𨃟過節前，耶穌知伊離開此世間歸佇父的時到。已經疼佇世間屬伊的人，到尾亦疼𪜶。 |
|---|---|
| 13:2 | 食下昏頓的時，魔鬼已經將賣耶穌的意思下佇加略人西門的子猶大的心。 |
| 13:3 | 耶穌知父已經將萬物交佇伊的手，閣知伊對上帝出，亦欲歸佇上帝， |
| 13:4 | 就離開桌，褪衫，提巾家己縖， |
| 13:5 | 倒水佇盤裡，洗學生的腳，將所縖的巾給𪜶拭。 |
| 13:6 | 洗到西門彼得，彼得給伊講：「主啊，你洗我的腳嗎？」 |
| 13:7 | 耶穌應伊講：「我所做的，你現今呣知，後來就會曉得。」 |
| 13:8 | 彼得講：「你永遠無通洗我的腳！」耶穌應伊講：「我無給你洗，你就及我無干涉。」 |
| 13:9 | 西門彼得給伊講：「主啊，呣若我的腳，連手及頭殼亦著。」 |
| 13:10 | 耶穌給伊講：「人洗浴了，只有著洗腳，就齊全清氣。恁諸個是清氣，若是無逐個按呢。」 |
| 13:11 | 因為耶穌知賣伊的人是是誰，所以講：「恁無逐個清氣。」 |
| 13:12 | 已經洗𪜶的腳，穿衫，閣坐，就給𪜶講：「我對恁所有行的，恁知嗎？ |
| 13:13 | 恁稱呼我先生啊，主啊，恁的話著，我實在是。 |
| 13:14 | 我做主，做先生，尚且給恁洗腳，恁亦著相共洗腳。 |
| 13:15 | 因為我已經用模樣互恁，互恁照我所對恁行的來行。 |
| 13:16 | 我實實給恁講，奴僕無卡大伊的主人，奉差的無卡大差伊的。 |
| 13:17 | 恁既然知諸個事，若去行伊就有福氣。 |
| 13:18 | 我呣是指恁眾人來講，我所揀的我知𪜶。獨獨欲互聖經應驗：『食我的餅的人抬起腳後ti踢我。』 |
| 13:19 | 今代誌猶未成，我先給恁講，到代誌成，互恁信我就是伊。 |
| 13:20 | 我實實給恁講，接納我所差的，就是接納我；接納我，就是接納差我的。」 |
| 13:21 | 耶穌講按呢，心內大迫腹，就干證講：「我實實給恁講，恁中間一人欲賣我。」 |
| 13:22 | 學生相看，想呣出伊是講甚麼人。 |
| 13:23 | 有一個學生，就是耶穌所疼的，撐近耶穌的胸前。 |
| 13:24 | 西門彼得點頭給伊講：「請給阮講，伊所講的是甚麼人？」 |
| 13:25 | 伊就向身倚耶穌的胸坎，給伊講：「主啊，是是誰？」 |
| 13:26 | 耶穌就應講：「我搵一塊仔物互伊，彼個人就是。」隨時搵一塊仔，提互加略人西門的子猶大。 |
| 13:27 | 伊受物了後，撒但就入伊的心。耶穌就給伊講：「你所做的，緊緊去做！」 |
| 13:28 | 同桌的人無人知為著怎樣對伊講此個。 |
| 13:29 | 因為猶大管錢袋，有人拍算敢是耶穌給伊講：「你去買咱守節所欠用的」，抑是教伊去賑濟喪鄉人。 |
| 13:30 | 猶大接著彼個物，連鞭出去。彼時暝時。 |
| 13:31 | 已經出去，耶穌講：「今人子得著榮光，上帝亦佇伊得著榮光。 |
| 13:32 | 閣上帝欲佇本身榮光人子，亦欲連鞭榮光伊。 |
| 13:33 | 細子啊，我猶有霎仔久及恁佇啲；恁欲尋我，我所去的所在恁𣍐會到。我曾給猶太人講，今亦按呢給恁講。 |
| 13:34 | 我用新的誡命互恁，就是恁著相疼；親像我曾疼恁，恁亦著按呢相疼。 |
| 13:35 | 恁若相疼，眾人欲對按呢知恁是我的學生。」 |
| 13:36 | 西門彼得給伊講：「主啊，欲叨落去？」耶穌應伊講：「我所去的所在，你現時𣍐隨我，後來欲隨我。」 |
| 13:37 | 彼得給伊講：「主啊，我現時怎樣𣍐隨你啊？我欲為著你放拺生命！」 |
| 13:38 | 耶穌應講：「你欲為著我放拺你的生命嗎？我實實給你講，雞猶未啼，你欲三擺呣認我。」 |
