走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 諸個事以後，耶穌四界行佇加利利，呣愛行佇猶太，因為猶太人愛欲刣伊。 |
|---|---|
| 7:2 | 彼時猶太人的節，就是搭寮節近啦。 |
| 7:3 | 伊的兄弟就對伊講：「你著離開遮，去猶太，互你的學生亦通看見你所行的事。 |
| 7:4 | 人愛出名，就無佇暗靜的所在做代誌；你若行諸個事，就著將家己顯明佇世間。」 |
| 7:5 | 因為伊的兄弟亦無信伊。 |
| 7:6 | 耶穌就給𪜶講：「我的時猶未到；若是恁的時常常便。 |
| 7:7 | 世間𣍐會怨恨恁，是怨恨我，因為我干證伊的所行是歹。 |
| 7:8 | 恁上去赴節，我猶未通上去赴此個節，因為我的時猶未滿。」 |
| 7:9 | 已經給𪜶講按呢，就猶原𫢶加利利。 |
| 7:10 | 伊的兄弟已經上去赴節，伊本身亦上去，呣是顯然，是親像暗靜。 |
| 7:11 | 猶太人佇節期中尋耶穌，講，伊佇叨落？ |
| 7:12 | 眾人為著伊多多嗤舞嗤呲，有的講：「是好人」。有的講：「呣是，是迷惑眾人若定。」 |
| 7:13 | 獨獨無人顯然講伊的事，因為驚猶太人的緣故。 |
| 7:14 | 當節期的中站，耶穌上殿教示。 |
| 7:15 | 猶太人就奇怪，講：「此個人未有入學，對叨落識冊？」 |
| 7:16 | 耶穌就應講：「我的教示呣是屬佇家己，是屬佇差我者。 |
| 7:17 | 人若願行伊的旨意，就會知此個教示是對上帝出，抑是我對家己來講的。 |
| 7:18 | 對家己來講的，是求家己的榮光；獨獨求差伊者的榮光，彼個人就是真，亦伊的內面無不義。 |
| 7:19 | 摩西豈無用律法傳互恁嗎？若是恁中間無一人行律法。恁啥事愛欲刣我？」 |
| 7:20 | 眾人應講：「你患著鬼！是誰愛欲刣你？」 |
| 7:21 | 耶穌應講：「我曾行一項事，恁攏掠做奇怪。 |
| 7:22 | 因為按呢摩西用割禮傳互恁（其實呣是對摩西，是對列祖），亦恁佇安息日給人行割禮。 |
| 7:23 | 人若佇安息日受割禮，免得違逆摩西的律法，就我佇安息日互一人全體攏好，恁因為按呢受氣我嗎？ |
| 7:24 | 莫得照外貌來擬斷，著趁公義來擬斷。」 |
| 7:25 | 對按呢耶路撒冷的人，有的講：「此個豈呣是𪜶所愛刣的嗎？ |
| 7:26 | 你看，伊好膽啲講，亦無人對伊講甚麼，豈是諸個官府真正知此個是基督嗎？ |
| 7:27 | 若是，咱識此個人對叨落來；呣拘基督來的時，無人知伊對叨落來。」 |
| 7:28 | 對按呢，耶穌佇殿裡教示，叫講：「恁識我，亦知我對叨落來；我呣是自專來。差我來的是真實。恁呣識伊， |
| 7:29 | 我識伊；因為我對伊來，亦伊差我。」 |
| 7:30 | 𪜶就愛欲掠伊；總是無人下手，因為伊的時猶未到。 |
| 7:31 | 眾人中多多人信伊，講：「基督來的時，豈欲行神蹟比此人所行的卡多嗎？」 |
| 7:32 | 法利賽人聽見眾人按呢嗤舞嗤呲啲講伊，就諸個祭司頭及法利賽人差衙役欲掠伊。 |
| 7:33 | 耶穌就講：「我猶有霎仔久及恁佇啲，後來欲倒去就近差我的。 |
| 7:34 | 恁欲尋我，亦尋𣍐著；我所住的所在恁𣍐會到。」 |
| 7:35 | 猶太人，就相及講：「伊欲叨落去，致到咱尋伊𣍐著？豈欲就近希利尼中四散徛起的猶太人，來教示希利尼人嗎？ |
| 7:36 | 伊所講：『恁欲尋我𣍐著；我所住的所在，恁𣍐會到』，這是甚麼話啊？」 |
| 7:37 | 當節期的尾日，就是上大的日，耶穌徛啲叫講：「若有嘴乾的人，著就近我來飲。 |
| 7:38 | 信我的人親像聖經所講：『有活水的溪，欲對伊的腹內流出。』」 |
| 7:39 | 伊講按呢是指信伊的人所欲受的聖神。彼時未有賞賜聖神，因為耶穌未有得著榮光。 |
| 7:40 | 眾人中有的聽見諸個話來，講：「此人真正是彼個先知。」 |
| 7:41 | 有的講：「此人就是基督。」若是有的講：「基督豈對加利利出嗎？ |
| 7:42 | 聖經豈無講『基督是大衛的後裔，對大衛的本鄉伯利恆出』嗎？」 |
| 7:43 | 對按呢眾人因為伊來分旁。 |
| 7:44 | 其中有人愛掠伊，總是無人下手。 |
| 7:45 | 衙役就來見諸個祭司頭及法利賽人。𪜶就對衙役講：「啥事無帶伊來？」 |
| 7:46 | 衙役應講：「從來未有人講話親像伊按呢！」 |
| 7:47 | 法利賽人應講：「恁亦受迷惑嗎？ |
| 7:48 | 諸個官府抑是法利賽人豈有人信伊？ |
| 7:49 | 獨獨諸個呣識律法的百姓是受咒詛的！」 |
| 7:50 | 𪜶中間有尼哥底某，就是前就近耶穌的，給𪜶講： |
| 7:51 | 「無代先聽人的話，來知伊的所行，咱的律法豈有定伊的罪嗎？」 |
| 7:52 | 𪜶就應伊講：「你亦是對加利利出嗎？你去查考，就知加利利無出先知。」 |
