走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 12:1 | 所以耶穌佇𨃟過節前六日，到伯大尼，就是拉撒路所住的所在，伊是耶穌對死人中互伊復活的。 |
|---|---|
| 12:2 | 𪜶就佇遐為著耶穌備辦下昏頓；馬大啲伺候，拉撒路亦是同桌的一個。 |
| 12:3 | 馬利亞就提一斤極貴氣真的哪噠香油，抹耶穌的腳，閣用家己的頭毛拭伊的腳，香油的芳滿厝。 |
| 12:4 | 有伊的學生一個，欲賣伊的，就是加略人猶大， |
| 12:5 | 講：「啥事呣將此個膏油賣銀仔三百個來互喪鄉人啊？」 |
| 12:6 | 伊講按呢，呣是因為伊關心佇喪鄉人，是因為伊是賊，閣管錢袋，偷提所下的若定。 |
| 12:7 | 耶穌就講：「出在伊！將此個留啲到我埋葬的日。 |
| 12:8 | 因為常常有喪鄉人及恁佇啲，若是我無常常及恁佇啲。」 |
| 12:9 | 猶太的百姓多多知耶穌佇遐，就來，呣若因為耶穌的緣故，亦愛欲看伊，所互伊對死人中復活的拉撒路。 |
| 12:10 | 獨獨諸個祭司頭計謀欲續刣死拉撒路； |
| 12:11 | 因為猶太人多多為著伊的緣故，去信耶穌。 |
| 12:12 | 隔日，有多多赴節的人已經聽見耶穌欲到耶路撒冷， |
| 12:13 | 就抬棕樹枝出去迎接伊，叫講：和散那！奉主的名來的就是以色列的王，願伊得著謳咾！ |
| 12:14 | 耶穌得著一隻細隻驢，騎伊，親像聖經所記： |
| 12:15 | 郇城的查某子啊，莫得驚！你的王來啦，騎驢仔子！ |
| 12:16 | 學生起頭𣍐明諸個事，到耶穌已經得著榮光的時才記得有記載諸個事指伊，亦人果然對伊行諸個事。 |
| 12:17 | 當耶穌叫拉撒路出墓，互伊對死人中復活的時，及伊佇啲的眾人做干證。 |
| 12:18 | 對按呢眾人去迎接伊，因為聽見伊有行此個的神蹟。 |
| 12:19 | 法利賽人相及講：「可見恁攏無採工，恁看通世間攏去隨伊啦。」 |
| 12:20 | 當節期上來敬拜的，中間有幾若個希利尼人。 |
| 12:21 | 𪜶就近加利利的伯賽大人腓力，求伊講：「先生啊，阮愛見耶穌。」 |
| 12:22 | 腓力來給安得烈講，安得烈及腓力來給耶穌講。 |
| 12:23 | 耶穌應講：「人子得著榮光的時到啦。 |
| 12:24 | 我實實給恁講，一粒麥無落佇地裡來死，就猶原一粒若定，死，就結實多多。 |
| 12:25 | 疼家己的生命的，就喪失伊；怨恨家己的生命佇此世間的，的確保伊到永活。 |
| 12:26 | 人若服事我，就著隨我；我所佇啲的所在，服事我的人亦欲佇遐；人若服事我，我的父欲對重伊。」 |
| 12:27 | 「今我的心大迫腹，欲怎樣講？父啊，救我出此個時；總是我為著此個才到佇此時。 |
| 12:28 | 父啊，願你榮顯你的名！」就對天有聲，講：「我已經榮顯，欲閣再榮顯伊。」 |
| 12:29 | 徛佇邊仔的眾人聽見，就講：「是雷鳴。」有人講：「是天使給伊講話。」 |
| 12:30 | 耶穌應講：「此個聲來呣是為著我，就是為著恁。 |
| 12:31 | 佇此霎此世間受審判，佇此霎此世間的人君欲受趕逐。 |
| 12:32 | 我若受舉起離開地，就欲引導眾人就近我。」 |
| 12:33 | 伊講此個話，是指伊欲甚麼款來死。 |
| 12:34 | 眾人就應伊講：「阮聽見律法有講，基督永永佇啲，你怎樣講『人子著受舉起』？此個人子是是誰啊？」 |
| 12:35 | 耶穌就給𪜶講：「光佇恁的中間猶有霎仔久的時，恁有光的時，就著行，免得暗到佇恁；彼個行佇暗的，伊呣知行到叨落。 |
| 12:36 | 恁有光的時，就著信光，互恁成做光明的人。」耶穌講諸個話，就離開𪜶家己隱密。 |
| 12:37 | 雖然佇𪜶的面前行即多神蹟，𪜶猶原呣信伊。 |
| 12:38 | 這是欲應驗先知以賽亞的話，講：主啊，阮所傳互人聽是誰信啊？主手骨的力對是誰顯明啊？ |
| 12:39 | 所以𪜶徛𣍐信，因為以賽亞閣有講： |
| 12:40 | 主互𪜶的目睭睛暝，心硬，免得𪜶用目睭看見，用心曉悟，越倒轉，就我醫好𪜶。 |
| 12:41 | 以賽亞講諸個，因為看見伊的榮光來論到伊。 |
| 12:42 | 雖然按呢，𪜶的序大卻有多多信伊，為著法利賽人才無認伊，免得革出會堂。 |
| 12:43 | 因為𪜶意愛對人來的榮光卡過頭對上帝來的榮光。 |
| 12:44 | 耶穌叫講：「信我的人，呣是信我，就是信差我的。 |
| 12:45 | 看見我的，就是看見差我的。 |
| 12:46 | 我就是光，來入世間，互見若信我的人，無徛起佇暗。 |
| 12:47 | 人若聽我的話亦呣守，我無審判伊。因為我來呣是欲審判世間，是欲救世間。 |
| 12:48 | 棄拺我、亦呣接納我的話的人，就有審判伊的─就是我所講的道理欲佇末日審判伊。 |
| 12:49 | 因為我所講呣是出佇家己，就是差我的父，伊有命令我，著傳甚麼，講甚麼。 |
| 12:50 | 我知伊的命令是永活。所以，我所講的是照父所傳互我的來講伊。」 |
