走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
目的：按著次序說明耶穌降世拯救的事蹟，而基督教是一個歷史的宗教。有四大特徵： 一．綜合性的福音書。既然路加是「從起頭」，「詳細考察」，「按著次序」 所以是最詳盡的福音書。它是新約里最長的一卷書；甚至到最後還講不完，要接下集寫使徒行傳。 二．它是一本歷史書。書內的所記載的歷史過程最長闊。書內的「救恩歷史」是最詳細的。 三．表達耶穌人性的福音書。耶穌從馬利亞生，耶穌的童年，耶穌對人的注重；包括社會中的基層人士，婦女，小孩。 四．普世性的福音書。天使報「給萬民」的佳音(2:10)。西面說衪是「照亮外邦人的光」(2:32)。引用以賽亞書40:3-5形容施洗約翰說：「凡有血氣的都要見神的救恩」(3:6)。好撒瑪利亞人的比喻(10:33)。筵席的比喻(14:16-24)。還說「從東、從西、從南、從北將有人來在神的國里坐席」(13:29)。
| 1:1 | 因為有多多人將咱中間已經成的事，曾抬筆來排列做傳， |
|---|---|
| 1:2 | 就是照許個做道理的差用的人，對起頭親目看見來傳互咱的。 |
| 1:3 | 我已經對起頭詳細查考攏總的事，就想著照次序寫伊來寄互提阿非羅大人， |
| 1:4 | 互你知所學習的的確實。 |
| 1:5 | 當猶太王希律的時，有屬亞比雅班的祭司，名撒迦利亞；伊的某是亞倫的後裔，名叫以利沙白。 |
| 1:6 | 𪜶二人佇上帝的面前是義的人，照主一切的誡命禮儀來行，無通嫌， |
| 1:7 | 總是𪜶無子；因為以利沙白𣍐懷孕，二人年歲又閣老。 |
| 1:8 | 彼時撒迦利亞照伊的班列行祭司的職佇上帝的面前， |
| 1:9 | 照祭司職份的例抽籤，得著入主的殿燒香。 |
| 1:10 | 當燒香的時，百姓歸陣佇外面祈禱。 |
| 1:11 | 主的天使出現互伊看，徛佇香壇的正旁。 |
| 1:12 | 撒迦利亞看見，就卬愕驚惶。 |
| 1:13 | 天使對伊講：「撒迦利亞啊，莫得驚，因為你的祈禱已經聽見啦。你的某以利沙白欲生子，你著給伊號名叫約翰。 |
| 1:14 | 你欲歡喜閣快樂；多多人也欲為著伊出世，來歡喜。 |
| 1:15 | 因為伊佇主的面前欲做大，葡萄酒及一切的酒攏無飲，對老母的胎就互聖神充滿。 |
| 1:16 | 伊欲互以色列後裔多多人越轉，來歸主──就是𪜶的上帝。 |
| 1:17 | 伊欲用以利亞的心神及才能，行做頭佇主的面前，互做父的越轉心向佇子，互悖逆的人趁義人的智慧，為著主備辦合用的百姓。」 |
| 1:18 | 撒迦利亞對天使講：「我對怎樣會知此個事啊？因為我已經老，我的某年歲也老啦。」 |
| 1:19 | 天使應伊講：「我就是加百列，徛佇上帝的面前的，奉差及你講話，報你諸個好消息。 |
| 1:20 | 今你欲靜靜𣍐講話，到諸個事得著成的日；因為你呣信我的話，就是許個到期欲應驗的話。」 |
| 1:21 | 百姓聽候撒迦利亞，奇怪伊久久佇殿內。 |
| 1:22 | 到出來，𣍐及𪜶講話，就知伊佇殿裡有看見異象；伊就對𪜶比意思，竟然是啞口。 |
| 1:23 | 到伊照職份服事的日滿，就倒去𪜶。 |
| 1:24 | 諸個日了後，伊的某以利沙白有娠，𫢶密五月日， |
| 1:25 | 講：「講：「主佇看顧我的日，款待我親像按呢，來洗我的見誚佇人的中間。」，款待我親像按呢，來洗我的見誚佇人的中間。」 |
| 1:26 | 到六月日，天使加百列奉上帝所差到加利利一個城名叫拿撒勒， |
| 1:27 | 就近一個在室女，是已經配定著互大衛家的一人，名叫約瑟。此個在室女名叫馬利亞； |
| 1:28 | 天使入去，對伊講：「得著大恩的人啊，平安，主及你佇啲！」 |
| 1:29 | 馬利亞不止卬愕伊的話，想此個請安是甚麼意思。 |
| 1:30 | 天使給伊講：「馬利亞啊，莫得驚！因為你得著上帝的恩典。 |
| 1:31 | 今你欲懷孕生子，著給伊號名叫耶穌。 |
| 1:32 | 伊欲做大，稱做至高者的子；主上帝欲用伊的祖大衛的位互伊。 |
| 1:33 | 伊欲做王佇雅各的家，到代代；伊的國也無窮盡。」 |
| 1:34 | 馬利亞對天使講：「我未有嫁人，怎樣欲有此個事？」 |
| 1:35 | 天使應伊講：「聖神欲臨到你，至高者的權能欲致蔭你，所以對你生的欲稱做聖做上帝的子。 |
| 1:36 | 閣你的親戚以利沙白，已經老也懷孕，平素稱做𣍐懷孕的，今有娠六月日啦。 |
| 1:37 | 因為，上帝所講的話，無一句無力。」 |
| 1:38 | 馬利亞講：「我是主的女婢，願照你的話應驗佇我。」天使就離開伊去。 |
| 1:39 | 佇諸個日的中間，馬利亞起身，趕緊去山地，到猶大一個城； |
| 1:40 | 入撒迦利亞的厝，請安以利沙白。 |
| 1:41 | 以利沙白一下聽見馬利亞請安，胎孕佇腹肚內就趒跳。以利沙白互聖神充滿， |
| 1:42 | 就大聲講：「眾婦仁人的中間你得著福氣，你所懷孕的也得著福氣！ |
| 1:43 | 我的主的老母來就近我，我對叨落會得著按呢啊？ |
| 1:44 | 因為你請安的聲一下入我的耳孔，佇我腹肚內的胎就歡喜來趒跳。 |
| 1:45 | 信的婦仁人有福氣啊！因為主所給伊講的話欲應驗。」 |
| 1:46 | 馬利亞講： |
| 1:47 | 我的心尊敬主做大；我的神因為救我的上帝來歡喜； |
| 1:48 | 因為伊看顧女婢的卑微；對今以後，萬世代欲講我有福氣。 |
| 1:49 | 因為彼個有權能者，為著我做大的代誌；伊的名是聖。 |
| 1:50 | 敬畏伊的人伊憐憫𪜶，到代代。 |
| 1:51 | 伊曾用伊的手出氣力；心志驕傲的人伊有趕散𪜶。 |
| 1:52 | 有權能的人伊𢬳徛𪜶的位，卑微的人伊升𪜶做高； |
| 1:53 | 枵的人伊用好物互𪜶食到飽，富的人伊互𪜶空空倒去。 |
| 1:54 | 伊扶助伊的奴僕以色列， |
| 1:55 | 來紀念憐憫，照伊對咱的祖所講的話，來施落互亞伯拉罕及伊的後裔到永世代。 |
| 1:56 | 馬利亞及伊相及住，約略有三月日，才倒去𪜶兜。 |
| 1:57 | 以利沙白生產的期已經到，就生子。 |
| 1:58 | 厝邊親戚聽見主大憐憫伊，就及伊相及歡喜。 |
| 1:59 | 到第八日，𪜶來欲給嬰仔行割禮，愛照伊的老父的名號伊做撒迦利亞。 |
| 1:60 | 伊的老母應講：「無啦！著名伊做約翰。」 |
| 1:61 | 𪜶就對伊講：「你的親戚中無人號此個名。」 |
| 1:62 | 𪜶就比意思問伊的老父，愛給伊號甚麼名。 |
| 1:63 | 伊的老父討寫字的板，寫講：「伊的名是約翰。」大家奇怪。 |
| 1:64 | 撒迦利亞的嘴連鞭開，舌也解，就講話來謳咾上帝。 |
| 1:65 | 四圍徛起的人攏驚；諸個一切的話遍遍報揚佇猶太的山地。 |
| 1:66 | 聽見的人攏將諸個事囥佇心裡，講：「按呢此個嬰仔將來欲怎樣？」因為主的手及伊佇啲。 |
| 1:67 | 伊的老父撒迦利亞就互聖神充滿，做先知來講： |
| 1:68 | 著謳咾主──以色列的上帝！因為伊有看顧伊的百姓，來贖回伊， |
| 1:69 | 替咱興起拯救的角，佇伊的奴僕大衛的家， |
| 1:70 | 照伊對有世間以來用伊聖的先知的嘴所講的， |
| 1:71 | 就是救咱脫離對敵，及見若怨恨咱的人的手， |
| 1:72 | 來行憐憫佇咱的列祖，來紀念伊聖的約── |
| 1:73 | 就是及咱的祖亞伯拉罕所咒的誓─── |
| 1:74 | 互咱已經脫離諸個對敵的手， |
| 1:75 | 一世人佇伊的面前，用聖、用義無驚來服事伊。 |
| 1:76 | 嬰仔啊！你也欲稱做至高者的先知；因為你欲行佇主的面前，來備辦伊的路， |
| 1:77 | 互伊的百姓對得著赦罪，就知拯救的恩。 |
| 1:78 | 為著咱的上帝憐憫的心，對按呢互早起時的日對頂面來到佇咱， |
| 1:79 | 來照許個坐佇黑暗及死蔭中的人，導咱的腳入平安的路。 |
| 1:80 | 嬰仔漸漸大，心神日日勇壯，𫢶佇曠野，到顯明佇以色列的日。 |
- 本章節結束 -
下一章