走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 當眾人挨夾伊，啲聽上帝的道理的時，耶穌徛佇革尼撒勒湖邊。 |
|---|---|
| 5:2 | 看見二隻船佇湖邊；討漁人離開船啲洗網。 |
| 5:3 | 其中一隻是西門的，耶穌上去，請伊將船放卡開，就坐佇船裡教示眾人。 |
| 5:4 | 講息，就對西門講：「放到深的所在，拋網討魚。」 |
| 5:5 | 西門應講：「先生，阮通暝著磨，討攏無。總是因為你的話，我就欲拋網。」 |
| 5:6 | 𪜶拋落去，就圍著魚真多，網到欲裂， |
| 5:7 | 就搧別隻船的同伴來鬥相共。𪜶就來，拾魚滿二隻船，到欲沈落去。 |
| 5:8 | 西門彼得看見按呢，就仆佇耶穌的腳下，講：「主啊，離開我，我是有罪的人！」 |
| 5:9 | 因為西門及同佇啲的人，為著𪜶一下拋落去所掠著的魚無呣卬愕。 |
| 5:10 | 西門的同伴西庇太的子雅各、約翰，也是按呢。耶穌對西門講：「莫得驚！對此霎了後，你欲得著人。」 |
| 5:11 | 𪜶已經拖船倚岸，就放拺一切來隨伊。 |
| 5:12 | 耶穌佇一個城，抵當有一人遍身癩ko，看見伊，就面仆佇地裡，求講：「主啊，你若肯，就會互我清氣。」 |
| 5:13 | 伊伸手摸伊講：「我肯，你通清氣！」 |
| 5:14 | 癩ko即時除去。耶穌吩咐伊莫得給人講，獨獨著去將本身互祭司驗，也為著你得著清氣，獻摩西所吩咐的，來做證據佇人。」 |
| 5:15 | 總是伊的名聲益發報揚。歸大陣的人聚集欲聽，也欲得著醫好𪜶的病。 |
| 5:16 | 若是耶穌退去𫢶佇曠野祈禱。 |
| 5:17 | 有一日，耶穌啲教示人，有法利賽人及教律法的先生佇遐啲坐；𪜶是對加利利逐鄉社及猶太及耶路撒冷來的。主的權能及耶穌佇啲，互伊醫好人。 |
| 5:18 | 抵當有人將舖仔扛半𤻄的來，愛欲扛入去下佇伊的面前， |
| 5:19 | 因為人多，尋無縫通扛入去，就上厝頂，對厝蓋中將人連舖仔墜落去，下佇中央，佇耶穌的面前。 |
| 5:20 | 耶穌看見𪜶的信，就講：「某人啊，你的罪赦啦。」 |
| 5:21 | 經學士及法利賽人就議論講：「此個講僭權濫糝的話的是是誰啊？上帝以外，是誰會赦罪啊？」 |
| 5:22 | 耶穌知𪜶的議論，就應講：「恁心內啲議論甚麼啊？ |
| 5:23 | 講『你的罪赦』，抑是講『你起來行』，叨落一項卡快？ |
| 5:24 | 總是欲互恁知，人子佇地裡有權通赦免罪。就給半𤻄的講：我給你講，起來，夯你的舖仔倒去你的厝！」 |
| 5:25 | 彼人佇眾人的面前即時起來，夯伊所睏的倒去伊的厝，歸榮光上帝。 |
| 5:26 | 眾人攏卬愕，也歸榮光上帝，閣滿心驚惶，講：「咱今仔日看見意外的事。」 |
| 5:27 | 諸個代誌了後，耶穌出去，看見一個抽餉的，名叫利未，坐佇餉關，就給伊講：「隨我。」 |
| 5:28 | 伊就放拺一切，起來，隨伊。 |
| 5:29 | 利未為著伊辦大筵席佇𪜶兜，有抽餉的以及別人多多及𪜶同坐桌。 |
| 5:30 | 法利賽人及𪜶的經學士對伊的學生耦耦唸講：「恁啥事及抽餉的以及歹人飲食啊？」 |
| 5:31 | 耶穌應講：「勇壯的人無欠用醫生；若是破病的人就著。 |
| 5:32 | 我來呣是欲招義人，是欲召歹人來反悔。」 |
| 5:33 | 𪜶對伊講：「約翰的學生沓沓禁食祈禱，法利賽的學生也是按呢；若是你的學生也飲也食。」 |
| 5:34 | 耶穌對𪜶講：「新子婿及賀娶的人相及佇啲，豈會互賀娶的人禁食嗎？ |
| 5:35 | 若是日子欲到，新子婿對𪜶中間無去，佇許個日𪜶就欲禁食。」 |
| 5:36 | 閣用譬喻對𪜶講：「無人拆新衫來補舊衫；若按呢，就拆破新衫，閣所補彼塊新的無合佇舊的。 |
| 5:37 | 也無人用新酒貯佇舊皮囊；若按呢，就新酒欲爆裂皮囊，酒漏，囊也拍歹。 |
| 5:38 | 獨獨新酒著入佇新的皮囊。 |
| 5:39 | 閣無人飲舊酒也愛彼個新的；因為講舊的是好。」 |
