走到哪裡都有麥子
走出你的個人世界 WITH

走到哪裡都有麥子～

聯繫我們

聯繫資訊

新北市永和郵局238號信箱 (02)2926-5882 .0987-300-005 服務信箱：info@awheat.org 捐款支持

線上台語聖經

麥穗田首頁 線上台語聖經

台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

  路加福音  第11章

章節快速選擇 :   
1
2
3
4
5
6
7
8
9
10
11
12
13
14
15
16
17
18
19
20
21
22
23
24
上下篇聖經查閱： 馬可福音    約翰福音     回到目錄
11:1 耶穌佇一所在祈禱；已經息，伊的學生一人對伊講：「主啊，教示阮祈禱，親像約翰也曾教示伊的學生。」
11:2 伊就給𪜶講：「恁祈禱的時，著講：父啊，願你的名聖。你的國臨到，
11:3 阮的日食，日日互阮。
11:4 赦免阮的罪，因為阮也赦免辜負阮的人。莫得導阮入佇試。」
11:5 閣對𪜶講：「恁甚麼人有朋友，你半暝去尋伊，給伊講：『朋友啊！提三個餅借我；
11:6 因為我有朋友對路裡來尋我，我無物通請伊。』
11:7 伊對內面應講：『莫得嘈齪我，門已經關，囝仔及我佇床裡，我𣍐得通起來提互你。』
11:8 我給你講，雖然無為著伊做朋友起來提互伊，猶久為著伊的迫切，欲起來照伊所欠用的互伊。
11:9 我閣給恁講，求，就互恁；尋，就抵著；拍門，就給恁開。
11:10 因為，見若求的，得著；尋的，抵著；拍門的，給伊開。
11:11 恁叨落一個做父的，有子來討餅，豈欲將石頭互伊嗎？抑是欲魚，豈欲將蛇准做魚互伊嗎？
11:12 抑是討卵，豈欲將蠍仔蟲互伊嗎？
11:13 恁諸個雖然歹，猶久會曉得用好物互恁的子兒；何況恁佇天裡的父，豈無用聖神來互求伊的人嗎？」
11:14 耶穌趕一個啞口鬼；已經出，啞口的就講話；眾人奇怪。
11:15 內中有幾若人講：「伊趕鬼是靠鬼王別西卜。」
11:16 閣有人試伊，對伊求對天來的神蹟。
11:17 耶穌知𪜶的意思，就給𪜶講：「凡若國家己爭拼，會致到拋荒；厝一間一間倒壞。
11:18 若撒但家己爭拼，伊的國豈可徛會住？因為恁講我靠別西卜趕鬼。
11:19 設使我靠別西卜趕鬼，就恁的子弟趕鬼倚靠是誰啊？按呢，𪜶欲擬斷恁。
11:20 獨獨我若靠上帝的手趕鬼，就上帝的國已經到佇恁。
11:21 猛人穿盔甲抬家私，顧守伊的厝，伊所有的就安穩；
11:22 總是比伊卡猛的到來，贏伊，就搶伊所倚靠全副的戰器，來分伊的物件。
11:23 無同我的，就是對敵我；無及我收拾的，就是啲拍散。」
11:24 「邪神已經離開人，經過無水的地，求安息；無得著，就講：『我欲倒去所出來的厝。』
11:25 到地，就看見傾掃齊整，
11:26 就去閣帶七個神比家己卡歹，入去徛起。彼人路尾的景況比起頭卡慘。」
11:27 伊講諸個話的時，眾人中有一個婦仁人大聲給伊講：「生你的腹肚互你吸的奶頭有福氣啊！」
11:28 若是耶穌講：「呣值著聽上帝的道理來守的卡有福氣。」
11:29 人聚集愈多，耶穌就講：「此世代是歹的世代，𪜶求神蹟，若是除約拿的神蹟以外，無欲神蹟互伊。
11:30 因為約拿成做神蹟來互尼尼微人，親像按呢人子也欲成做神蹟來互此世代。
11:31 南方的女王當審判的時，欲及此世代的人相及起來，續擬定此世代的罪；因為伊對地的極頭來，聽所羅門智識的話。何況佇遮有比所羅門卡大的。
11:32 尼尼微人當審判的時，欲及此世代的人相及徛起來，續擬定此世代的罪，因為𪜶對約拿所傳的來反悔。何況佇遮有比約拿卡大的。」
11:33 「無人點燈下佇隱密的所在，抑是佇斗下，就是下佇燈台頂，互入來的人看見彼個光。
11:34 身軀的燈就是你的目睭；你的目睭若金，就通身軀也光。你的目睭若花，就身軀也暗。
11:35 所以著謹慎，驚了你內面的光是暗。
11:36 設使你通身軀攏光，無一跡暗，就欲完全光，親像燈的光爁爁啲照你。」
11:37 講話的時，有法利賽人請伊相及食，耶穌就入去坐。
11:38 彼個法利賽人看見伊未洗來食就奇怪。
11:39 主就對伊講：「今恁法利賽人清氣杯及盤的外面，若是恁內面就有搶劫及惡毒滿滿。
11:40 恁戇人啊，創造外面的，豈無也創造內面嗎？
11:41 總是著將諸個內面的物賑濟人，就逐項物在恁攏清氣。
11:42 「恁法利賽人有災禍啊！因為恁將薄荷、芸香及逐樣的菜蔬十份抽一份，若是公義及疼上帝的事就放無要緊。總是諸個是應該著行的；許個也呣通放拺。
11:43 恁法利賽人有災禍啊！因為恁愛會堂內坐高位，街市裡互人請安。
11:44 恁有災禍啊！因為恁親像隱密的墓，人行佇彼頂面呣知。」
11:45 有一個教律法的先生應伊講：「先生！你講諸個話也暴辱著阮。」
11:46 若是伊講：「恁教律法的先生也有災禍啊！因為恁將𣍐得擔的擔互人擔，若是恁本身無用一支指頭仔來摸許個擔。
11:47 恁有災禍啊！因為恁創先知人的墓，也恁的祖曾害死𪜶。
11:48 按呢，恁的祖所做的，恁做干證閣歡喜伊；因為𪜶害死𪜶，也恁創𪜶的墓。
11:49 所以上帝的智慧有講：『我欲差先知及使徒就近𪜶，其中有的𪜶欲害死伊，有的𪜶欲窘逐伊。』
11:50 致到對創造世間以來所流眾先知的血攏欲給此世代討，
11:51 就是對亞伯的血，到撒迦利亞死佇殿及壇的中間的血。實在啊，我給恁講，攏欲對此世代討。
11:52 恁教律法的先生有災禍啊！因為恁將知識的鎖匙抬去，恁家己呣入，𪜶欲入的人恁就阻擋伊。」
11:53 耶穌對遐出來的時，經學士及法利賽人出力迫伊，激伊講卡多話，
11:54 當等伊，愛掠伊的話縫。

- 本章節結束 -

上一章    下一章