台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

路加福音第22章

章節快速選擇 :

上下篇聖經查閱：馬可福音約翰福音回到目錄

22:1	除酵節（也名𨃟過節）近啦。
22:2	諸個祭司頭及經學士尋看有甚麼法通害死耶穌，因為是驚百姓。
22:3	撒但入佇彼個叫做加略的猶大；伊是十二個學生的一個。
22:4	就去及諸個祭司頭有司官相及參詳，欲用甚麼法將耶穌交𪜶。
22:5	𪜶歡喜，約欲銀互伊。
22:6	猶大應伊，就尋機會，當百姓無佇啲的時將耶穌交𪜶。
22:7	除酵節，應該刣徛𨃟過節的羊羔，彼個日已經到。
22:8	耶穌差彼得、約翰講：「恁去替咱備辦𨃟過節的筵席，互咱通來食。」
22:9	𪜶給伊講：「愛阮佇甚麼所在備辦？」
22:10	伊給𪜶講：「恁去入城，就有一人帶水瓶欲抵著恁，著隨伊，入伊所入的厝，
22:11	給彼間厝的主人講：『先生問講：客廳佇叨落？我欲佇遐及我的學生食𨃟過節。』
22:12	伊欲用樓頂排設的大廳互恁看，恁著佇遐備辦。」
22:13	𪜶去，果然抵著照伊所給𪜶講的；就佇遐備辦𨃟過節。
22:14	時到，耶穌坐桌，使徒也及伊坐。
22:15	伊對𪜶講：「佇受害的代先我不止意愛及恁食此個𨃟過節。
22:16	因為我給恁講，我無欲閣食伊，到伊應驗佇上帝的國。」
22:17	就接杯，祝謝了，講：「恁將此個分互恁逐人。」
22:18	因為我給恁講，今了後，我無欲飲葡萄汁，到上帝的國來。」
22:19	閣提餅，祝謝，來擘互𪜶，講：「此個是我的身軀，為著恁來獻的，恁行此個，來記念我。」
22:20	食了後捧杯也是按呢，講：「此個杯是新約，佇我的血來設立的，就是為著恁流出的。
22:21	若是賣我的人，伊的手及我佇桌裡。
22:22	因為人子真正去照所定著的，若是伊互甚麼人賣，彼人有災禍！」
22:23	𪜶就相對問，其中甚麼人欲做此個代誌。
22:24	𪜶有啲相爭，看從中甚麼人算最大。
22:25	耶穌就給𪜶講：「列邦的君王做主來治理𪜶，管轄𪜶的稱做恩主。
22:26	若是恁就呣是按呢；恁中間最大的，著親像序細，做頭的，著親像差用。
22:27	甚麼號人最大？是坐桌的？抑是做差用的啊？豈呣是坐桌的嗎？若是我佇恁中間親像做差用的。
22:28	恁就是常常及我佇試煉中的。
22:29	我用國封恁，親像我的父曾用國封我一樣，
22:30	互恁佇我的國，飲食佇我的桌，恁也欲坐佇座位，審判以色列十二個支派。」
22:31	閣講：「西門！西門啊！你看，撒但曾愛得著恁，愛簸恁親像簸麥；
22:32	若是我有替你祈禱，互你的信無失落。你歸正了後，著堅固你的兄弟。」
22:33	彼得給伊講：「主啊，我便便及你關落監，也及你死。」
22:34	伊就講：「彼得啊，我給你講，今仔日雞猶未啼，你欲三擺呣認我。」
22:35	閣給學生講：「我前差恁無帶錢袋，及褡褳，及鞋，恁有欠甚麼無？」𪜶講：「無。」
22:36	伊就給𪜶講：「若是今有錢袋的著帶伊，有褡褳的也著按呢，無刀的著賣伊的衫來買刀。
22:37	因為我給恁講，所記載的講：『算伊及不法的人同列。』此句話的確應驗佇我，因為干涉我的今欲成啦。」
22:38	𪜶講：「主啊，你看！佇遮有二支刀。」伊給𪜶講：「夠額啦。」
22:39	耶穌出去，照常去橄欖山，學生也隨伊。
22:40	到彼所在，就給𪜶講：「恁著祈禱，免得入迷惑。」
22:41	就離開𪜶約略有㧒石頭的遠，跪落去祈禱，講：
22:42	「父啊！你若肯，著將此個杯離開我；獨獨呣是我的意思，是你的意思著成。」
22:43	有一個天使對天出現，來壯伊的力。
22:44	耶穌苦痛到極，祈禱愈迫切，伊的汗是親像大點血滴落地。
22:45	祈禱息起來，去就近學生，看見𪜶為著憂悶啲睏，
22:46	就給𪜶講：「啥事睏？起來祈禱，免得入迷惑！」
22:47	猶啲講的時，有歸陣人到。十二學生的一個，彼個叫做猶大的，行佇𪜶的頭前，近倚耶穌欲給伊唚。
22:48	若是耶穌給伊講：「猶大！你用唚嘴賣人子嗎？」
22:49	左右的人看見所欲到的事，就講：「主啊！阮著用刀來刣徛𪜶嗎？」
22:50	其中一人刣祭司頭的奴僕，削去伊正旁的耳仔。
22:51	耶穌應講：「代誌到按呢，請容允這！」就摸伊的耳仔，來醫好伊。
22:52	耶穌對許個來攻擊伊的祭司頭、殿司、長老講：「恁抬刀及槌出來，親像攻擊賊嗎？
22:53	我日日及恁佇殿裡，恁無伸手攻擊我。若是此霎是恁的時，及黑暗的權勢。」
22:54	𪜶就掠伊，帶伊去，帶伊入祭司頭的厝。彼得遠遠隨伊。
22:55	人佇庭裡起火，相及啲坐；彼得也坐佇𪜶中間。
22:56	有一個女婢看見伊向火光啲坐，注目看伊，講：「此人也是及伊做陣。」
22:57	伊呣認講：「婦仁人啊，我呣識伊。」
22:58	霎仔久，閣一人看見，講：「你也是𪜶的人。」彼得講：「人啊！我呣是。」
22:59	過半時久，閣一人出力講：「此人真正及伊做陣，因為伊也是加利利人。」
22:60	若是彼得講：「人啊！你所講的我呣知。」猶啲講的時，雞連鞭啼。
22:61	主越頭看彼得，彼得就記得主的話有怎樣給伊講：「今仔日雞啼的代先，你欲三擺呣認我。」
22:62	伊就出去外面大啼哭。
22:63	顧守耶穌的人戲弄伊，拍伊，
22:64	掩伊的面，問伊講：「你著做先知來講，拍你的是是誰啊？」
22:65	閣講多多項來褻瀆伊。
22:66	到天光，百姓的長老會聚集，其中有諸個祭司頭及經學士，𪜶就帶耶穌到𪜶的公會，
22:67	講：「你若是基督，著給阮講。」耶穌給𪜶講：「我若給恁講，恁呣信；
22:68	若問恁，恁也呣應。
22:69	總是今了後人子欲坐佇上帝權能的大旁。」
22:70	大家講：「按呢，就你是上帝的子嗎？」伊對𪜶講：「恁講我就是。」
22:71	𪜶講：「乜使用別項的干證？咱本身有聽見伊親嘴所講的。」

- 本章節結束 -

聯繫資訊

線上台語聖經

台語聖經

路加福音第22章

快速導航

相關資訊

聯絡麥穗田

聯繫資訊

線上台語聖經

台語聖經

路加福音 第22章

路加福音第22章