走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 21:1 | 耶穌抬目看見諸個好額人將𪜶所獻的㧒落庫房， |
|---|---|
| 21:2 | 閣看見一個喪鄉的守寡人將二個半厘㧒落去， |
| 21:3 | 就講：「我真實給恁講，此個喪鄉的守寡人所㧒的比眾人所㧒的卡多， |
| 21:4 | 因為眾人是對𪜶有剩的，㧒落去獻，若是此個婦仁人是對伊的無夠的，一盡㧒伊所倚靠來活的。」 |
| 21:5 | 有人講起殿堂是用好石及所獻的物來妝飾；彼時耶穌講： |
| 21:6 | 「恁所看見許個物，日子欲到，佇遮欲無一塊石留佇石的頂面，也無捙落去。」 |
| 21:7 | 𪜶就問伊講：「先生啊！按呢甚麼時欲有許個事？閣諸個事欲成的時有甚麼兆頭啊？」 |
| 21:8 | 耶穌講：「著謹慎，免得受迷惑；因為欲有多多人託我的名來，講：『我就是基督』，閣講：『時近啦』，恁呣通去隨𪜶！ |
| 21:9 | 恁欲聽見交戰及擾亂的事，彼時呣免驚惶；因為諸個代誌的確代先有，總是末期無連鞭到。」 |
| 21:10 | 就給𪜶講：「百姓欲起來攻擊百姓，國也欲起來攻擊國； |
| 21:11 | 地欲大振動，也多多所在有飢荒、瘟疫，對天裡也欲有通驚的象及大的神蹟。 |
| 21:12 | 諸個事的代先，人欲下手掠恁，窘逐恁，將恁送交佇會堂，及監牢，也為著我的名帶恁到佇君王、官府的面前。 |
| 21:13 | 諸個事欲成做恁的干證。 |
| 21:14 | 所以，恁的心志著決斷，無代先掛慮欲怎樣分訴； |
| 21:15 | 因為我欲賞賜恁口才、智慧，就是恁的眾對敵所𣍐會抵當、辯駁的。 |
| 21:16 | 恁也欲互父母、兄弟、親戚、朋友解送； |
| 21:17 | 恁中間有的欲互𪜶害死。恁因為我的名欲互眾人怨恨， |
| 21:18 | 總是，恁一支頭毛也𣍐失落。 |
| 21:19 | 恁用吞愞，得著恁的活命。」 |
| 21:20 | 「恁看見耶路撒冷互軍兵所圍，就知伊的拋荒近啦。 |
| 21:21 | 彼時，佇猶太的著走去山裡；佇城內的著出來；佇園裡的呣通入城； |
| 21:22 | 因為諸個日是伸冤的日，互所有記載的攏應驗。 |
| 21:23 | 當許個日，有娠孕及互嬰仔食奶的婦仁人有災禍！因為欲有大的困苦到佇彼個地方，也受氣到佇此個百姓。 |
| 21:24 | 𪜶欲互刀刣死，受掠到萬邦。耶路撒冷欲互列邦人睭踏，到列邦的期滿。」 |
| 21:25 | 佇日、月、星辰啲欲有兆頭，佇地上列邦困苦；為著海及湧的嘩嘩哮，就紛亂。 |
| 21:26 | 人對驚惶以及聽候所欲到佇天下的事，就昏去，因為天象欲振動。 |
| 21:27 | 佇彼時，欲看見人子用權能，及大榮光坐雲來。 |
| 21:28 | 抵抵有諸個事，恁著挺身起來抬頭，因為恁的贖回近啦。」 |
| 21:29 | 閣用譬喻給𪜶講：「試看無花果及攏總的樹； |
| 21:30 | 𪜶發芛的時，恁看見，就家己知夏天近啦。 |
| 21:31 | 按呢，恁看見諸個事，就著知上帝的國近啦。 |
| 21:32 | 我實在給恁講，此世代猶未過去，諸個代誌攏欲成。 |
| 21:33 | 天及地欲無去，我的話𣍐無去。」 |
| 21:34 | 「若是恁著家己謹慎，驚了恁的心互貪食、酒醉，及此世間的掛慮拍亂，就彼日親像活罩忽然到佇恁； |
| 21:35 | 因為彼日欲親像按呢到佇見若徛起全地面的眾人。 |
| 21:36 | 若是恁著逐時警醒，祈禱，互恁會得閃避將來攏總的事，來徛佇人子的面前。」 |
| 21:37 | 耶穌日時佇殿裡教示人，暝時出去，歇佇彼個名做橄欖的山。 |
| 21:38 | 眾百姓透早去殿裡尋伊，愛欲聽伊。 |
