走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 20:1 | 有一日，耶穌佇殿裡教示百姓，傳福音的時，許個祭司頭經學士及長老迫倚來，對伊講： |
|---|---|
| 20:2 | 「著給阮講，你用甚麼權行諸個事？閣用此個權互你的是是誰？」 |
| 20:3 | 伊應講：「我也問恁一句話，恁給我講。 |
| 20:4 | 約翰的洗禮是對天？抑是對人啊？」 |
| 20:5 | 𪜶相及議論講：「若講『對天』，伊欲講：『按呢恁啥事呣信伊？』 |
| 20:6 | 若講『對人』，百姓攏欲用石頭擲咱，因為百姓攏深信約翰做先知。」 |
| 20:7 | 𪜶就應講：「呣知伊是對叨落。」 |
| 20:8 | 耶穌就給𪜶講：「我也無欲給恁講我是用甚麼權行諸個代誌。」 |
| 20:9 | 耶穌就設此個譬喻對百姓講：「有一人栽葡萄園，租互佃戶，就去別位久久。 |
| 20:10 | 到期，差一個奴僕就近佃戶，教𪜶將園內的果子納伊；總是佃戶拍伊，互伊空空去。 |
| 20:11 | 閣差別個奴僕，𪜶也拍伊，也凌辱伊，互伊空空去。 |
| 20:12 | 閣差第三個，𪜶也傷伊，閣捙伊出去。 |
| 20:13 | 園主就講：『我欲怎樣做啊？我欲差我所疼的子，𪜶敢會敬伊。』 |
| 20:14 | 若是佃戶看見伊，就相及議論講：『此個是伊承接業的子，咱來害死伊，互彼個業歸佇咱！』 |
| 20:15 | 就捙伊出園外，來害死伊。園主欲怎樣來辦𪜶啊？ |
| 20:16 | 伊欲來滅許個佃戶，將伊的園交代別人。」𪜶聽見就講：「莫得有按呢！」 |
| 20:17 | 耶穌看𪜶就講：「所記載講：師傅所棄拺的石，成做厝角頭的石。此句怎樣啊？ |
| 20:18 | 見若跋倒佇此塊石頂的，啲欲破糊糊；互此塊石壓伊的頂面的，欲幼末末。」 |
| 20:19 | 彼時許個經學士及祭司頭知伊此個譬喻是指𪜶來講，就愛欲下手掠伊，若是驚百姓。 |
| 20:20 | 就當伊，也差細作假做義人，欲掠伊的話縫，通將伊交付總督的政治及權柄。 |
| 20:21 | 就問伊講：「先生啊，阮知你所講所教示的是正直，你也無用外貌取人，就是真實用上帝的路教示人。 |
| 20:22 | 阮納稅互該撒，合宜抑無？」 |
| 20:23 | 若是耶穌知𪜶的奸詐， |
| 20:24 | 就對𪜶講：「將一個銀仔互我看。此個像及號是是誰啊？」𪜶講：「該撒。」 |
| 20:25 | 伊就給𪜶講：「按呢，恁著將該撒的物納互該撒，將上帝的物納互上帝。」 |
| 20:26 | 𪜶當百姓的面前，𣍐會掠伊的話縫，閣奇怪伊的應答，就靜靜。 |
| 20:27 | 有撒都該人就是講人無復活的。幾若個就近來問耶穌講： |
| 20:28 | 「先生啊！摩西有記來指示阮講：『若有人，伊的兄死有某也無子，伊的小弟著娶伊的某，生子來續接伊的兄。』 |
| 20:29 | 按呢有兄弟七人，大的娶某，無子就死； |
| 20:30 | 第二個、第三個也娶伊； |
| 20:31 | 七個攏按呢，無留子就死去。 |
| 20:32 | 後來婦仁人也死。 |
| 20:33 | 按呢，佇復活的時，此個婦仁人欲做𪜶中間叨落一個的某？因為此七人攏有娶伊做某。」 |
| 20:34 | 耶穌給𪜶講：「此世界的人有嫁有娶； |
| 20:35 | 若是算做會堪得得著彼個世界，也對死人中復活的就無嫁無娶； |
| 20:36 | 因為也𣍐會閣死，是親像天使一樣；已經做復活的人，就做上帝的子。 |
| 20:37 | 論死人復活，摩西佇莿帕彼篇有指明，稱呼主做亞伯拉罕的上帝，以撒的上帝，雅各的上帝。 |
| 20:38 | 伊呣是死人的上帝，是活人的上帝；因為眾人為著伊來活。」 |
| 20:39 | 有經學士幾若人應講：「先生啊！你所講的是好。」 |
| 20:40 | 因為𪜶呣敢閣問伊甚麼。 |
| 20:41 | 耶穌就對𪜶講：「人怎樣講基督做大衛的後裔啊？ |
| 20:42 | 因為佇詩篇中大衛家己講：主給我的主講：坐我的大旁， |
| 20:43 | 聽候我將你的對敵做你的腳踏椅。 |
| 20:44 | 大衛既然稱伊做主，就基督怎樣做伊的後裔啊？」 |
| 20:45 | 當眾百姓啲聽的時，伊就給伊的學生講： |
| 20:46 | 「著持防許個經學士。𪜶愛穿長衫四界行，真愛佇街市裡互人請安，會堂內坐高位，筵桌裡坐大位； |
| 20:47 | 𪜶僥吞守寡人的家伙，假意長長祈禱。𪜶欲受罪閣卡重！」 |
