走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 18:1 | 耶穌設一個譬喻，教示𪜶著常常祈禱， |
|---|---|
| 18:2 | 呣通厭。講：「某城有一個審判官，無驚上帝，也無對重人。 |
| 18:3 | 佇彼個城內有一個守寡人，沓沓去見伊，講：『有人及我做對敵，求你替我伸冤。』 |
| 18:4 | 伊久久無欲，後來想講：『我雖然無驚上帝，無對重人， |
| 18:5 | 若是因為此個守寡人沓沓來攪擾，我欲替伊伸冤，免得伊永永來苦楚我！』」 |
| 18:6 | 主閣講：「恁著聽此個不義的官所講的。 |
| 18:7 | 何況上帝揀的百姓暝日喉叫伊，伊也為著𪜶寬容，豈無欲替𪜶伸冤嗎？ |
| 18:8 | 我給恁講，伊欲緊緊替𪜶伸冤。雖然按呢，人子到的時，豈欲抵著世間有信嗎？」 |
| 18:9 | 有倚靠家己做義，來看輕別人的，耶穌設一個譬喻給𪜶講： |
| 18:10 | 「有二人上殿欲祈禱：一個是法利賽人，一個是抽餉的。 |
| 18:11 | 法利賽人徛啲，家己祈禱講：『上帝啊，我感謝你，因為我無親像別人勒索、不義、姦淫，也無親像此個抽餉的。 |
| 18:12 | 我一禮拜禁食二擺，閣將凡所得著的十份抽一份。』 |
| 18:13 | 若是彼個抽餉的遠遠徛啲，連抬目向天也呣敢，干單搥胸講：『上帝啊，憐憫我此個有罪的人！』 |
| 18:14 | 我給恁講，此個人倒去伊的厝得著稱做義贏過彼個人；因為，見若自高的，欲互伊卑微；家己卑微的，欲高升伊。」 |
| 18:15 | 有人帶嬰仔就近耶穌，欲互伊摸𪜶；學生看見就責備𪜶。 |
| 18:16 | 若是耶穌叫許個嬰仔來，講：「容允細子就近我，莫得禁伊，因為上帝的國是此號人的。 |
| 18:17 | 我實在給恁講，凡若承接上帝的國，無親像細子的，決斷𣍐得通入去。」 |
| 18:18 | 有一個做官的問伊講：「好的先生啊，我著怎樣做才通承接永活？」 |
| 18:19 | 耶穌給伊講：「你啥事稱呼我是好啊？無一個好，獨獨上帝若定。 |
| 18:20 | 諸個誡你已經知：『莫得姦淫；莫得刣死人；莫得偷提；莫得濫糝做干證；著敬你的父母。』」 |
| 18:21 | 伊就講：「諸個我對細漢攏守伊啦。」 |
| 18:22 | 耶穌聽見，就給伊講：「你猶欠一項；著賣你一切所有的，來互喪鄉人，就欲有財寶佇天裡；閣來隨我。」 |
| 18:23 | 彼人聽見諸個話，真憂悶，因為伊真好額。 |
| 18:24 | 耶穌看見伊，就講：「富人入上帝的國啊！ |
| 18:25 | 因為駱駝穿過針鼻比富人入上帝的國猶卡快！」 |
| 18:26 | 聽見的人講：「按呢，是誰會得著救啊？」 |
| 18:27 | 耶穌講：「在人所𣍐會的，在上帝是會。」 |
| 18:28 | 彼得講：「阮已經放拺家己所有的來隨你。」 |
| 18:29 | 耶穌給𪜶講：「我實在給恁講，無有人為著上帝的國來放拺厝宅，抑是某，抑是兄弟，抑是父母，抑是子兒， |
| 18:30 | 也無佇此世得著幾若倍卡多，來世得著永活。」 |
| 18:31 | 耶穌帶十二個學生，對𪜶講：「你看，咱諸個上耶路撒冷，見若對先知所記的攏欲應驗佇人子。 |
| 18:32 | 因為伊欲受解送互異邦人；閣受戲弄，凌辱，呸涎， |
| 18:33 | 𪜶欲鞭拍，來害死伊；第三日伊欲復活。」 |
| 18:34 | 許個代誌學生無一項會曉得，閣此個話對佇𪜶是隱密；𪜶也呣知伊所講的。 |
| 18:35 | 近耶利哥的時，有一個睛暝的坐佇路邊啲乞食。 |
| 18:36 | 聽見多多人經過，就問是甚麼代誌。 |
| 18:37 | 人給伊講，拿撒勒耶穌對遮過。 |
| 18:38 | 伊就喉叫講：「大衛的後裔耶穌，可憐我！」 |
| 18:39 | 頭前行的人責備伊，教伊著靜靜；若是伊益發大聲喉叫講：「大衛的後裔啊，可憐我！」 |
| 18:40 | 耶穌停腳，教人牽伊來，已經近倚，就問伊講： |
| 18:41 | 「愛我給你做甚麼？」伊就講：「主啊，我愛得著看見，」 |
| 18:42 | 耶穌給伊講：「你通得著看見！你的信有救你啦。」 |
| 18:43 | 伊連鞭得著看見，就隨耶穌，歸榮光上帝。眾人看見也攏歸榮光上帝。 |
