台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

路加福音第2章

章節快速選擇 :

上下篇聖經查閱：馬可福音約翰福音回到目錄

2:1	當彼時，該撒亞古士督有出詔，命令天下攏造家甲。
2:2	這頭一擺的家甲，是居里扭做敘利亞總督的時來做的。
2:3	眾人去造家甲，逐人倒去本城。
2:4	約瑟的世系屬佇大衛的家，所以對加利利的拿撒勒城上去猶太，到大衛的城，名叫伯利恆的，
2:5	欲及伊所聘定的馬利亞相及造家甲。彼時馬利亞已經有娠孕。
2:6	𪜶佇遐的時生產的期到，
2:7	就生頭上子，用布包伊，互伊睏佇槽裡，因為客館無所在通容允𪜶。
2:8	彼地方有顧羊的住佇山裡，暝時守更顧𪜶的羊群。
2:9	主的天使徛佇𪜶的身邊，主的榮光圍纍照𪜶；顧羊的大驚。
2:10	天使給𪜶講：「莫得驚！因為我報恁大歡喜的好消息，互百姓攏有份；
2:11	因為今仔日佇大衛的城，已經為著恁生一個拯救者，就是主基督。
2:12	恁欲看見一個嬰仔，用布包，睏佇槽裡的，此個就是互恁做記號。」
2:13	忽然，有多多天兵及彼個天使相及佇啲謳咾上帝講：
2:14	佇極高的位榮光歸佇上帝！地上和平佇伊所歡喜的人的中間！
2:15	諸個天使離開𪜶，上天的時，顧羊的相及講：「今咱來去伯利恆，看所成的事，就是主所報咱知的。」
2:16	就緊緊去，尋著馬利亞及約瑟，閣看見嬰仔睏佇槽裡；
2:17	看了，就將天使所對𪜶講此個嬰仔的事報人知。
2:18	聽見的人攏奇怪顧羊的所對𪜶講的事。
2:19	獨獨馬利亞將諸個話記住住，心內常常啲想。
2:20	顧羊的倒去，為著所聽見的所看見的，就是天使所對𪜶講的，來歸榮光謳咾上帝。
2:21	到第八日，給嬰仔行割禮的期，就號伊的名叫耶穌；就是伊未投胎的時，天使所號的。
2:22	照摩西的律例，𪜶清氣的日已經滿，就抱嬰仔上耶路撒冷，欲獻互主。（
2:23	照主的律例所記載講：「見若頭上的查甫子欲稱做聖歸佇主；」）
2:24	也欲獻祭，照主的律例所講，用一對的鳩鵻，抑是二隻鴿仔子。
2:25	抵當佇耶路撒冷有一人，名叫西面；此人義閣敬虔，平時欣慕彼個安慰以色列的，聖神𫢶佇伊。
2:26	伊曾得著聖神指示，知伊猶未死欲代先看見主的基督。
2:27	伊互聖神感動，就入殿，抵仔耶穌的父母抱嬰仔入來，欲給伊照律法的例來行。
2:28	彼時西面用手接嬰仔，謳咾上帝講：
2:29	主啊！今照你的話，啲解放你的奴僕安然過世；
2:30	因為我的目睭已經看見你的拯救
2:31	——就是你所備辦佇萬百姓的面前的：
2:32	做光來照外邦，閣做你以色列百姓的榮光。
2:33	伊的父及伊的母啲奇怪所論嬰仔的話。
2:34	西面給𪜶祝福，閣對伊的老母馬利亞講：「此個嬰仔受設立，欲互以色列中多多人跋倒，多多人起來；也做受辯駁的記號，
2:35	閣你家己的心也欲有劍鑿透過，互多多人心內的念頭會露出。」
2:36	閣有亞設的支派，法內力的查某子亞拿，伊是做先知，年歲已經老，對在室女的時，嫁互丈夫七年久，
2:37	就守寡八十四年，攏無離開殿，禁食祈禱，暝日服事。
2:38	抵抵彼時，伊進前稱謝上帝，對見若欣慕耶路撒冷得著贖回的人講起此個嬰仔的事。
2:39	𪜶照主的律法行逐項代誌明白，倒去加利利，到本城拿撒勒。
2:40	嬰仔漸漸大，日日勇壯，智慧充滿，上帝的恩典及伊佇𪜶。
2:41	逐年𨃟過節的時，伊的父母去耶路撒冷。
2:42	到伊十二歲的時，照節期的例攏上耶路撒冷。
2:43	節期已經明白，𪜶倒去的時，囝仔耶穌猶住佇耶路撒冷。伊的父母呣知，
2:44	拍算伊佇同行的人的中間，行一日的路站，才佇親戚及相識的人的中間尋伊，
2:45	尋無著，就倒轉去耶路撒冷尋伊。
2:46	三日後，尋著伊佇殿裡，坐佇許個先生的中間，也啲聽，也啲問。
2:47	聽伊的人，攏奇怪伊的聰明及伊的應答。
2:48	父母看見伊就卬愕。伊的老母對伊講：「子啊！你啥事按呢款待阮？你看，你的父及我傷心尋你！」
2:49	伊給𪜶講：「啥事尋我？豈呣知我應該佇我的父的厝嗎？」
2:50	𪜶徛𣍐曉得，伊所給𪜶講的話。
2:51	耶穌就及𪜶落去，到拿撒勒，來承順𪜶。伊的老母將諸個話攏記佇心裡。
2:52	耶穌的智慧及年歲愈加添，上帝及人愈疼伊。

- 本章節結束 -

聯繫資訊

線上台語聖經

台語聖經

路加福音第2章

快速導航

相關資訊

聯絡麥穗田

聯繫資訊

線上台語聖經

台語聖經

路加福音 第2章

路加福音第2章