走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 9:1 | 耶穌叫十二個學生攏來，互𪜶有能力、權柄，會制壓攏總的鬼，醫好病症， |
|---|---|
| 9:2 | 就差𪜶去傳上帝的國，醫好破病人， |
| 9:3 | 閣對𪜶講：「莫得帶路費，莫得枴仔，莫得褡褳，莫得乾糧，莫得銀，也莫得二領衫。 |
| 9:4 | 見所入的厝，著住佇遐，也著對遐起身。 |
| 9:5 | 凡若呣接納恁的，出𪜶的城的時，著拂去恁腳裡的土粉，來干證𪜶。」 |
| 9:6 | 學生就出去，遍行許個鄉社傳福音，逐所在醫病。 |
| 9:7 | 分封的人君希律聽見一切的事，就不止躊躇；因為有人講：「約翰對死人中復活」； |
| 9:8 | 有的講：「以利亞出現」；也有的講：「古早的先知一人復活。」 |
| 9:9 | 若是希律講：「約翰我已經給伊刣頭，今我聽見伊此號事，這是甚麼人？」就尋機會愛看見伊。 |
| 9:10 | 使徒倒來，將𪜶所行的排列互耶穌聽，耶穌就導𪜶退開，到一個城，名伯賽大。 |
| 9:11 | 若是眾人知，就隨伊；伊接納𪜶，對𪜶講論上帝的國，凡若欠用醫病就給伊醫。 |
| 9:12 | 日欲落，十二個學生來給伊講：「請四散眾人，互𪜶去四圍的鄉社及山場投歇設法食，因為咱遮是曠野的所在。」 |
| 9:13 | 耶穌對𪜶講：「恁互𪜶食！」𪜶講：「阮若無去替諸個眾人買食，就不過有五個餅，二尾魚若定。」 |
| 9:14 | 因為許個人約略有五千。耶穌對學生講：「互眾人坐歸列，每列五十人。」 |
| 9:15 | 學生照按呢行，互眾人攏坐。 |
| 9:16 | 耶穌提五個餅，二尾魚，向天祝謝，來擘伊，互學生排佇眾人的面前。 |
| 9:17 | 攏食夠飽，拾所剩的屑仔十二筐。 |
| 9:18 | 耶穌家己啲祈禱，學生及伊佇遐。伊就問𪜶講：「眾人講我是是誰？」 |
| 9:19 | 應講：「是行洗禮的約翰；也有人講是以利亞；閣有人講是古早的先知一人復活。」 |
| 9:20 | 伊給𪜶講：「若是恁講我是是誰？」彼得應講；「是上帝的基督。」 |
| 9:21 | 伊就禁戒𪜶，莫得將這給人講， |
| 9:22 | 續講：「人子的確著受多多艱苦，互諸個長老、祭司頭、經學士所棄拺，閣受害死，第三日復活。」 |
| 9:23 | 閣對眾人講：「若有人愛隨我，就著看無家己，日日夯伊的十字架來隨我。 |
| 9:24 | 因為見若愛救伊的生命的，欲失落伊；總是見若為著我來失落伊的生命的，啲欲救伊。 |
| 9:25 | 因為人若得著全世界，來失落家己，損壞家己，有甚麼利益啊？ |
| 9:26 | 見若掠我及我的話來做見誚的，人子用家己及父及聖天使的榮光來的時，也欲掠彼人做見誚。 |
| 9:27 | 我真實給恁講，徛佇遮的，有人猶未死，欲看見上帝的國。」 |
| 9:28 | 講諸個話了後差不多八日，耶穌帶彼得、約翰、雅各相及上山祈禱。 |
| 9:29 | 祈禱的時，伊的面貌有各樣，伊的衫白閣光爁爁。 |
| 9:30 | 忽然有二人及伊講話，就是摩西、以利亞； |
| 9:31 | 𪜶佇榮光出現，談論伊的過世，就是伊佇耶路撒冷所欲歷過的。 |
| 9:32 | 彼得及同佇啲的人厭倦眠去，到𪜶精神，就看見耶穌的榮光，以及及伊徛啲彼二人。 |
| 9:33 | 當彼二人離別伊的時，彼得對耶穌講：「先生，咱佇遮真好！阮來搭三間寮仔，一間互你，一間互摩西，一間互以利亞。」是呣知伊所講的。 |
| 9:34 | 講諸個話的時，有雲罩𪜶；𪜶入佇雲內就驚。 |
| 9:35 | 有聲對雲裡出，講：「此個是我的子，我所揀的，恁著聽伊。」 |
| 9:36 | 彼個聲已經出，就看見耶穌家己佇啲。學生靜靜，彼時無將所看見的給人講。 |
| 9:37 | 隔日，𪜶落山的時，有歸陣人來接伊。 |
| 9:38 | 從中有一人大聲叫講：「先生啊！求你看我的子，伊是我孤生的。 |
| 9:39 | 有神掠伊就連鞭喉叫；互伊抽惙到流涎，閣重重傷伊，離開伊實在。 |
| 9:40 | 我曾求你的學生趕伊，也𪜶徛𣍐會。」 |
| 9:41 | 耶穌應講：「嗐啊！呣信閣悖逆的世代啊，我及恁住，吞愞恁欲到偌久啊？著導你的子來遮！」 |
| 9:42 | 來的時，鬼摔互伊倒，互伊大抽惙。耶穌就責備邪神，醫好彼個囝仔，交互伊的老父。 |
| 9:43 | 眾人攏卬愕上帝的大威嚴。眾人奇怪伊所做攏總的事，彼時，耶穌對伊的學生講： |
| 9:44 | 「諸個話恁著聽去落耳，因為人子欲抵著解送佇人的手。」 |
| 9:45 | 學生𣍐曉悟此個話，是對𪜶隱密，互𪜶徛𣍐明白，𪜶也呣敢用此個話問伊。 |
| 9:46 | 學生中生起辯論，看是誰欲最大。 |
| 9:47 | 若是耶穌看出𪜶心內所辯論，就牽一個囝仔，互伊徛佇身邊， |
| 9:48 | 才給𪜶講：「見若為著我的名接納此個囝仔的，就是接納我；見若接納我的，是接納差我的。因為恁眾人的中間第一微細的，伊是做大的。」 |
| 9:49 | 約翰應講：「先生，阮曾看見一人用你的名趕鬼，阮就禁止伊，因為伊無及阮隨你。」 |
| 9:50 | 耶穌對伊講：「莫得禁止伊；因為見若無攻擊恁的，就是為恁。」 |
| 9:51 | 耶穌受接接上天的日期欲到，就決意向耶路撒冷來行， |
| 9:52 | 差使者做頭去。𪜶去入撒瑪利亞人一個鄉社，欲給伊備辦。 |
| 9:53 | 若是𪜶呣接納伊，因為伊向耶路撒冷啲行。 |
| 9:54 | 伊的學生雅各、約翰看見按呢，就講：「主啊，你愛阮叫火對天落來滅𪜶嗎？」 |
| 9:55 | 耶穌越轉身責備𪜶。 |
| 9:56 | 大家就去別個鄉社。 |
| 9:57 | 𪜶行路的時，有人對耶穌講：「你無論叨落去，我欲隨你。」 |
| 9:58 | 耶穌給伊講：「狐狸有孔，天中的飛鳥有巢，獨獨人子無靠頭殼的所在。」 |
| 9:59 | 閣對一人講：「隨我！」彼人講：「主啊，互我倒去先埋葬我的老父。」 |
| 9:60 | 耶穌給伊講：「出在死人埋葬𪜶的死人，若是你著去傳報上帝的國。」 |
| 9:61 | 閣一人講：「主啊，我欲隨你，總是准我先去及家內的人相辭。」 |
| 9:62 | 耶穌對伊講：「見若手按犁尾來看後面的，無合佇上帝的國。」 |
