走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 17:1 | 耶穌閣對伊的學生講：「塞礙人的事𣍐免得有；總是看對是誰來，彼人有災禍！ |
|---|---|
| 17:2 | 設使互諸個微細的一個受塞礙，卡好互人用大石磨吊伊的頷頸，給伊㧒落海。 |
| 17:3 | 恁著家己謹慎！若恁的兄弟犯罪，著責備伊；伊若反悔，著赦免伊。 |
| 17:4 | 若是伊一日得罪你七擺，也七擺越轉給你，講：『我反悔啦』，你就著赦免伊。」 |
| 17:5 | 使徒給主講：「加添阮的信。」 |
| 17:6 | 主講：「恁若有信親像一粒的芥菜子，就命令此欉桑材樹講：『拔你的根，去栽佇海裡』，伊也欲順趁你。 |
| 17:7 | 恁中間甚麼人有奴僕啲作園抑是顧羊，對園裡倒來，豈欲給伊講：『即時坐來食』嗎？ |
| 17:8 | 豈無欲給伊講：『備辦互我食，縖帶來服事我，聽候我飲食息，你才通飲食』嗎？ |
| 17:9 | 奴僕行所命令的，豈有給伊說謝嗎？ |
| 17:10 | 按呢，恁已經一盡行所命令恁的，就著講：『阮是無利益的奴僕，行所應該行的若定。』」 |
| 17:11 | 耶穌去耶路撒冷的時，對撒瑪利亞及加利利交界經過。 |
| 17:12 | 入一個鄉社的時，有十個癩𰣻的，抵著伊，遠遠啲徛， |
| 17:13 | 出聲講：「耶穌，先生，憐憫阮！」 |
| 17:14 | 耶穌看見，給𪜶講：「恁去將本身互祭司驗。」𪜶去的時就得著清氣。 |
| 17:15 | 其中一人看見家己已經好，就倒轉來大聲謳咾上帝， |
| 17:16 | 仆落佇耶穌的腳前來感謝伊；此人是撒瑪利亞人。 |
| 17:17 | 耶穌應講：「十人豈無攏得著清氣嗎？彼九個佇叨落？ |
| 17:18 | 此個別族的人以外，猶無別人倒轉來歸榮光上帝嗎？」 |
| 17:19 | 就給彼人講：「起來，做你去！你的信有救你。」 |
| 17:20 | 法利賽人問：「上帝的國底時會臨到？」耶穌應講：「上帝的國臨到呣是顯然。 |
| 17:21 | 也𣍐講得：『佇遮！抑是佇遐！』因為上帝的國是佇恁內中。」 |
| 17:22 | 閣對學生講：「時日欲到，恁真愛看見人子的一日，也無通看見。 |
| 17:23 | 欲有人給恁講：你看，佇遐！你看，佇遮！恁莫得去，莫得隨𪜶！ |
| 17:24 | 因為親像閃爁對天此邊啲閃，光照到天彼邊，人子佇伊的日也欲按呢。 |
| 17:25 | 總是伊的確著代先受多多艱苦，也互此世代棄拺。 |
| 17:26 | 親像佇挪亞的日怎樣，佇人子的日也欲按呢。 |
| 17:27 | 𪜶徛啲飲食啲嫁娶，到挪亞入大船的日，大水到滅𪜶眾人。 |
| 17:28 | 閣親像佇羅得的日；𪜶徛啲飲食，買賣，種作，起厝。 |
| 17:29 | 若是羅得出所多瑪的日，對天落火及硫磺，滅眾人。 |
| 17:30 | 佇人子顯現的日也欲按呢。 |
| 17:31 | 當彼日，佇厝頂的，伊的物佇厝內，莫得落來提伊；佇園裡的，也莫得倒轉來。 |
| 17:32 | 著記得羅得的某。 |
| 17:33 | 見若致意顧伊的生命的，欲失落伊；見若失落伊的，欲保全伊。 |
| 17:34 | 我給恁講，彼暝二人像床，一個取去，一個放去。 |
| 17:35 | 二個婦仁人同挨磨，一個取去，一個放去。」 |
| 17:36 | 有二人佇園裡，一個取去，一個放啲。 |
| 17:37 | 𪜶應伊講：「主啊，佇甚麼所在啊？」伊給𪜶講：「身屍若佇遐，鷹鳥也欲聚集佇遐。」 |
