走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 19:1 | 耶穌入耶利哥，啲過去的時， |
|---|---|
| 19:2 | 有一人名叫撒該，是做抽餉的頭人，也是好額。 |
| 19:3 | 伊愛欲看耶穌是甚麼人；若是人多，看𣍐著，因為伊身軀矮細， |
| 19:4 | 就走做前，絔上桑材樹，欲看伊，因為耶穌欲對遐過。 |
| 19:5 | 耶穌到彼位，抬頭看伊，講：「撒該，緊緊落來！因為今仔日我的確著𫢶你的家。」 |
| 19:6 | 就緊緊落來，歡喜接納伊。 |
| 19:7 | 眾人看見，耦耦唸講：「伊入去歇佇歹人的厝。」 |
| 19:8 | 撒該徛啲對主講：「主啊，我將所有的一半互喪鄉人；若是曾彎甚麼人，就將四倍賠伊。」 |
| 19:9 | 耶穌對伊講：「今仔日拯救到佇此個家，為著伊也是亞伯拉罕的子孫。 |
| 19:10 | 因為人子到，是欲尋失落的，來救伊。」 |
| 19:11 | 𪜶聽見諸個話的時，耶穌閣設一個譬喻，是因為伊已經近耶路撒冷，𪜶也拍算上帝的國欲連鞭顯明， |
| 19:12 | 伊就講：「有一個尊貴的人去遠遠的所在，欲受封來得著國才倒轉來， |
| 19:13 | 就叫伊十個奴僕，用銀十斤互𪜶，對𪜶講：『去做生理，到我倒來。』 |
| 19:14 | 總是伊本國的百姓怨恨伊，差使者隨後去，講：『阮呣愛此人做阮的王。』 |
| 19:15 | 伊得著國倒轉來，就吩咐叫許個對伊領銀的奴僕來，愛欲知𪜶做生理所趁的。 |
| 19:16 | 頭一個來伊的面前，講：『主啊，你一斤的銀已經趁十斤啦。』 |
| 19:17 | 伊給伊講：『好啊！好的奴僕，因為你佇至小可的事已經盡忠，今互你管十個城。』 |
| 19:18 | 彼個第二個來，講：『主啊，你一斤的銀已經得著五斤啦。』 |
| 19:19 | 伊也給伊講：『互你也管五個城。』 |
| 19:20 | 閣一個來講：『主啊，你看，你一斤的銀佇遮，我用手巾包囥啲。 |
| 19:21 | 因為我驚你，你是嚴愒的人；提所無下的，割所無撒的。』 |
| 19:22 | 伊給伊講：『歹的奴僕啊，就你所講的我欲擬斷你。你既然知我是嚴愒的人，提所無下的，割所無撒的， |
| 19:23 | 啥事呣將我的銀去橐佇錢店，到我來的時，通連彼個利息續提。』 |
| 19:24 | 就給邊仔徛的人講：『將伊一斤的銀給伊提來，互彼個有十斤的。』 |
| 19:25 | 𪜶給伊講：『主啊，伊有十斤啦。』 |
| 19:26 | 『我給恁講，見若有的，欲互伊；無的，連伊所有的也欲給伊提去。 |
| 19:27 | 若是我許個對敵，呣愛我做𪜶的王的，著拖𪜶來，佇我的面前刣死𪜶！』」 |
| 19:28 | 耶穌講息，進前行，上耶路撒冷。 |
| 19:29 | 行近伯法其及伯大尼，佇彼個名叫橄欖的山，就差二個學生，講： |
| 19:30 | 「恁去對面的鄉社，入去的時，欲抵著一隻驢仔縛佇遐，猶未曾有人騎的，解開給伊牽來。 |
| 19:31 | 若有人問恁解驢欲啥事？恁著講：『主欠用伊。』」 |
| 19:32 | 所差的人去，果然抵著照伊所給𪜶講的。 |
| 19:33 | 解驢仔的時，主人對𪜶講：「解驢仔欲啥事？」 |
| 19:34 | 𪜶講：「主欠用伊。」 |
| 19:35 | 就牽伊就近耶穌，將𪜶的衫披佇驢仔頂，扶耶穌騎伊。 |
| 19:36 | 伊行的時，人用𪜶的衫舖佇路裡。 |
| 19:37 | 已經近，欲落橄欖山，歸陣的學生就歡喜，大聲謳咾上帝，為著所看見攏總的權能， |
| 19:38 | 講：佇主的名來的王應該得著謳咾！佇天裡和平；佇至高的位榮光。 |
| 19:39 | 眾人中有幾若個法利賽人對伊講：「先生啊，著責備你的學生！」 |
| 19:40 | 伊應講：「我給恁講，𪜶若靜靜，許個石頭欲喉叫。」 |
| 19:41 | 已經近，看見城，就為著伊啼哭， |
| 19:42 | 講：「設使你佇此日若知關係平安的事；總是今對你的目睭隱密。 |
| 19:43 | 因為時日欲到，你的對敵欲周圍起土城，來圍你，四面困苦你， |
| 19:44 | 閣欲互你及你內中的子兒攏倒地，無留二塊石相褡，因為你呣知眷顧你的日。」 |
| 19:45 | 已經入殿堂，就趕出許個賣物的， |
| 19:46 | 給𪜶講：「有記載講：我的厝欲做祈禱的厝，若是恁互伊做賊巢。」 |
| 19:47 | 耶穌日日佇殿裡教示人。諸個祭司頭經學士以及百姓的序大計謀欲滅伊， |
| 19:48 | 總是尋無步，因為百姓攏致意聽伊。 |
