台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

馬可福音第12章

章節快速選擇 :

上下篇聖經查閱：馬太福音路加福音回到目錄

12:1	耶穌就用譬喻對𪜶講：「有一人栽葡萄園，用籬笆圍伊，開一孔來做酒窟，起一座守更樓，租互佃戶，就去別所在。
12:2	到期，差一個奴僕就近佃戶，欲對佃戶收園內的果子。
12:3	佃戶掠來拍伊，互伊空空倒去。
12:4	閣差別個奴僕就近𪜶。佃戶傷伊的頭殼，閣凌辱伊。
12:5	閣差別個奴僕，𪜶就刣死伊。閣差多多奴僕，有的互𪜶拍，也有的互𪜶刣死。
12:6	伊猶有一個是伊所疼的子，路尾也差伊就近𪜶，拍算講：『𪜶欲尊敬我的子。』
12:7	若是諸個佃戶相及講：『此個是伊的後嗣。咱來給伊刣死，業就歸咱！』
12:8	就掠來，給伊害死，將伊㧒佇葡萄園外。
12:9	按呢，園主欲怎樣做啊？伊欲來滅諸個佃戶，將伊的園交代別人。
12:10	聖經所記載講：師傅所棄拺的石，成做厝角頭的石。
12:11	這是主所成的，咱的目睭看做奇怪。恁豈未讀嗎？」
12:12	許個人知此個譬喻是指𪜶來講，就愛欲掠伊，總是驚眾人，就離開伊去。
12:13	後來，差法利賽及希律黨幾若人就近伊，愛就伊所講的話來當伊。
12:14	已經到，給伊講：「先生啊，阮知你是真實，也無掠甚麼人做要緊；因為你無看人的外貌，就是真實將上帝的路來教示人。納稅互該撒合宜抑無？
12:15	阮著納抑呣免？」若是耶穌知𪜶的假好，就給𪜶講：「恁啥事試我啊？提一個銀仔互我看！」
12:16	𪜶就提來。耶穌給𪜶講：「此個像及號是是誰？」
12:17	𪜶給伊講：「該撒。」耶穌給𪜶講：「恁著將該撒的物納互該撒，將上帝的物納互上帝。」𪜶大奇怪伊。
12:18	有撒都該人就是講人無復活的。就近伊問講：
12:19	「先生啊，摩西寫來指示阮講：『若有人伊的兄死，留伊的某佇啲，也無留子，伊的小弟著娶伊的某，生子來續接伊的兄。』
12:20	有兄弟七人，大的娶某，死，也無留子。
12:21	第二個娶伊，也無留子，就死。第三個也是按呢。
12:22	𪜶七人攏無留子；到路尾，婦仁人也死。
12:23	到復活的時，伊欲做𪜶中間叨落一個的某？因為此七人攏有娶伊」。
12:24	耶穌給𪜶講：「恁的錯豈呣是對呣識聖經，及上帝的權嗎？
12:25	因為對死人中復活的時，無嫁無娶，是親像天使佇天裡。
12:26	今論死人復活，恁豈未讀著摩西的冊，莿帕彼篇所記的？上帝給摩西講：『我是亞伯拉罕的上帝，以撒的上帝，雅各的上帝。』
12:27	伊呣是死人的上帝，是活人的上帝。恁有大大錯啦。」
12:28	有經學士一人到，聽𪜶辯論，知耶穌𠢕應，就問伊講：「諸個誡命中叨落一條是第一要緊？」
12:29	耶穌應講：「彼個第一要緊的是講：『以色列啊，著聽，主──咱的上帝是獨一的主。
12:30	你著盡心、盡性、盡意、盡力疼主──就是你的上帝。』
12:31	第二個講：『著疼你的厝邊親像家己。』其餘的誡命未有比此二條卡大的。」
12:32	經學士給伊講：「好啊，先生啊，你所講的真正著；上帝只有一個，以外無別個；
12:33	若盡心、盡智、盡力疼伊，閣疼厝邊親像家己，就贏過攏總歸隻精牲的燒祭及祭祀。」
12:34	耶穌看見伊應了真通，就給伊講：「你離開上帝國無遠啦。」對彼時，無人敢閣問伊。
12:35	耶穌佇殿堂教示𪜶講：「諸個經學士怎樣講，基督做大衛的後裔嗎？
12:36	大衛互聖神感動來家己講：主給我的主講：坐我的大旁，聽候我將你諸個對敵做你的腳踏椅。
12:37	大衛既然家己稱伊做主，就基督按怎樣做伊的後裔？」眾人攏歡喜聽伊。
12:38	耶穌教示的時，閣講：「著持防許個經學士；𪜶愛穿長衫四界行，愛佇街市裡互人請安，
12:39	會堂內坐高位，筵桌裡坐大位。
12:40	𪜶僥吞守寡人的家伙，假意長長祈禱。𪜶欲受罪閣卡重！」
12:41	耶穌坐佇庫房的對面，眾人啲用錢㧒落庫房。有多多富人用多多錢㧒落去。
12:42	有一個喪鄉的守寡人來，㧒二個半厘的，就是一厘。
12:43	耶穌就叫伊的學生來，給𪜶講：「我實在給恁講，此個喪鄉的守寡人所㧒的，比眾㧒落庫房的卡多。
12:44	因為，許個眾人是對𪜶有剩的，來㧒；若是此個婦仁人是對佇伊的無夠，來一盡㧒伊所有的，就是伊所倚靠來活的。」

- 本章節結束 -

聯繫資訊

線上台語聖經

台語聖經

馬可福音第12章

快速導航

相關資訊

聯絡麥穗田

聯繫資訊

線上台語聖經

台語聖經

馬可福音 第12章

馬可福音第12章