走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 13:1 | 耶穌出殿的時，有一個學生給伊講：「先生，你看咧，此號石！此號厝宅！」 |
|---|---|
| 13:2 | 耶穌給伊講：「你看諸個大厝嗎？佇遮欲無一塊石留佇石的頂面，也無捙落去。」 |
| 13:3 | 耶穌佇橄欖山坐佇殿的對面。彼得、雅各、約翰，及安得烈暗靜問伊講： |
| 13:4 | 「請給阮講，甚麼時有諸個事？閣諸個事欲成的時有甚麼兆頭啊？」 |
| 13:5 | 耶穌才給𪜶講：「恁著謹慎，莫得互人迷惑。 |
| 13:6 | 欲有多多人託我的名來，講：『我就是基督』，來迷惑多多人。 |
| 13:7 | 閣恁聽見交戰及交戰的風聲的時，莫得驚。因為諸個事的確有，總是末期猶未到。 |
| 13:8 | 因為百姓欲起來攻擊百姓，國也欲攻擊國；逐所在欲有地動，也欲有飢荒。諸個事就是苦痛的起頭。 |
| 13:9 | 若是恁著家己謹慎；因為人欲將恁送交公會，恁欲受拍佇會堂裡，也欲為著我的緣故徛佇官府及君王的面前，來對𪜶做干證。 |
| 13:10 | 總是，福音的確代先傳佇萬邦。 |
| 13:11 | 人拖恁將恁送交的時，莫得代先掛慮欲怎樣講；當彼時，所賞賜恁講的，恁著講伊；因為呣是恁家己講，就是聖神啲講。 |
| 13:12 | 兄弟欲將兄弟送交去死，父款待子也是按呢；子兒欲起來攻擊父母，互伊死； |
| 13:13 | 也恁因為我的名欲互眾人怨恨。獨獨吞愞到路尾的，伊欲得著救。」 |
| 13:14 | 「總是恁看見彼個殘害可惡的，徛佇伊呣應該徛的所在（讀的人著曉悟）。彼時，佇猶太的，著走去山裡； |
| 13:15 | 佇厝頂的，莫得入去厝內提甚麼； |
| 13:16 | 佇園裡的，莫得倒來徛伊的衫。 |
| 13:17 | 當許個日，有娠孕及互嬰仔食奶的婦仁人有災禍！ |
| 13:18 | 恁著祈禱，免得冬天時抵著此個事。 |
| 13:19 | 因為許個日欲有患難，就是對上帝創造世間的起頭到此霎，未有按呢，後來也無。 |
| 13:20 | 若呣是主減少許個日，就凡有肉體的，無一個得救；總是為著揀的百姓，就是伊所揀者的緣故，伊有減少許個日。 |
| 13:21 | 彼時若有人給恁講：『基督佇遮』，抑是講：『佇遐』，莫得信！ |
| 13:22 | 因為欲有假基督、假先知起來，行神蹟及兆頭，欲是會，連揀的百姓也迷惑𪜶。 |
| 13:23 | 總是恁著謹慎。我已經代先攏給恁講。」 |
| 13:24 | 「當許個日，彼個患難的了後，日欲黑暗，月無出伊的光， |
| 13:25 | 星對天磕落，佇天裡的象欲振動。 |
| 13:26 | 彼時，欲看見人子用大權能及榮光，佇雲中臨到。 |
| 13:27 | 彼時伊欲差伊的天使，對四方，聚集伊所揀的百姓，對地極到天邊。」 |
| 13:28 | 「恁著學無花果樹此個譬喻：當枝軟葉發的時，恁就知夏天近啦。 |
| 13:29 | 按呢，恁看諸個事，著知是近，到門口啦。 |
| 13:30 | 我實在給恁講，此世代猶未過去，到諸個代誌攏成。 |
| 13:31 | 天地欲廢無，我的話𣍐廢無。」 |
| 13:32 | 「若是論彼日，彼時，人呣知，佇天裡的天使也呣知，子也呣知，獨獨父知伊。 |
| 13:33 | 著謹慎，警醒來祈禱，因為恁呣知彼個期是佇甚麼時。 |
| 13:34 | 是親像一人離開伊的家，去出外，將權交代伊諸個奴僕，有派工互逐人做，閣吩咐顧門者著張持。 |
| 13:35 | 所以，恁著張持；因為恁呣知恁的主甚麼時欲來，或是日暗，或是半暝，或是雞啼，或是天光早； |
| 13:36 | 驚了伊忽然來，抵著恁啲睏。 |
| 13:37 | 我所給恁講的，也給眾人講：著張持！」 |
