走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 6:1 | 耶穌對遐出去，到伊的本鄉；伊的學生隨伊。 |
|---|---|
| 6:2 | 到安息日，就佇會堂教示人。多多人聽見，就奇怪，講：「此個人對叨落會按呢啊？閣所賞賜互伊的智慧是甚麼啊？也有按呢的大權能對伊的嘴出，是怎樣？ |
| 6:3 | 此個豈呣是木工嗎？豈呣是馬利亞的子雅各、約西、猶大、西門的兄弟嗎？伊的姊妹豈呣是及咱佇遮嗎？」𪜶就厭賤伊。 |
| 6:4 | 耶穌就給𪜶講：「先知佇本鄉、宗族、家己的家以外，無呣尊貴。」 |
| 6:5 | 伊佇遐𣍐得行甚麼權能，不過用手按幾若個病人，來醫好𪜶。 |
| 6:6 | 閣奇怪𪜶呣信，就四界行許個鄉社教示人。 |
| 6:7 | 耶穌召十二個學生來，就差𪜶一對一對出去，賞賜𪜶有權，來制壓許個邪神； |
| 6:8 | 閣吩咐𪜶：「莫得帶路費，獨獨一支柺仔，莫得乾糧，莫得褡褳，莫得囥錢佇腰帶； |
| 6:9 | 著穿出路的鞋，也莫得穿二領衫」； |
| 6:10 | 閣給𪜶講：「見若恁所入的厝，著住佇遐，直到離開彼個地方的時。 |
| 6:11 | 無論甚麼所在呣接納恁，呣聽恁的，到離開遐的時，著拂去腳跡底的土粉，來對𪜶做干證。」 |
| 6:12 | 𪜶就出去宣傳，講人著反悔， |
| 6:13 | 𪜶也趕出多多鬼，用油抹多多破病的人，醫好𪜶。 |
| 6:14 | 希律王聽見，因為耶穌的名聲已經出，就講：「行洗禮的約翰對死人中復活，所以有諸個權能對伊顯出。」 |
| 6:15 | 若是有別人講：「是以利亞。」閣有人講：「是先知，親像先知中的一個。」 |
| 6:16 | 總是希律聽見就講：「我所刣頭的約翰，已經復活。」 |
| 6:17 | 因為希律家己曾差人掠約翰，縛伊佇監裡，是為著希律的兄弟腓力的某希羅底的緣故，因為希律有娶伊。 |
| 6:18 | 是約翰曾給希律講：「你娶兄弟的某是不該。」 |
| 6:19 | 希羅底就怨恨約翰，愛刣伊，也𣍐得著； |
| 6:20 | 因為希律知約翰的做人義，閣聖，所以驚畏，來保護伊，聽伊的話，就大大躊躇，也歡喜聽伊。 |
| 6:21 | 當著好機會的日，就是希律佇生日，辦桌，請許個大官、千總，及加利利尊貴的人。 |
| 6:22 | 希羅底親生的查某子入去跳舞，互希律及同桌的人攏歡喜。王就給查某囝仔講：「見若你所愛的求我，我欲互你；」 |
| 6:23 | 閣及伊咒誓講：「見若你所求我的，雖然我國的一半，我也欲互你。」 |
| 6:24 | 查某囝仔出去給伊的老母講：「我欲求甚麼？」應講：「行洗禮約翰的頭殼。」 |
| 6:25 | 查某囝仔連鞭走入去見王，求講：「我愛你將行洗禮約翰的頭殼貯佇盤裡即時互我。」 |
| 6:26 | 王就大憂悶；總是為著伊所咒的誓，閣有同桌的人佇啲，所以呣愛推辭， |
| 6:27 | 王即時差一個侍衛，吩咐取伊的頭殼來。 |
| 6:28 | 伊就去監裡，刣伊的頭，貯伊的頭殼佇盤裡，捧來互查某囝仔，查某囝仔就互伊的老母。 |
| 6:29 | 約翰的學生聽見，就來收伊的身屍，埋葬佇墓裡。 |
| 6:30 | 使徒聚集就近耶穌，將𪜶所行、所教示的攏給伊講。 |
| 6:31 | 耶穌給𪜶講：「恁家己及我來去曠野的所在歇睏霎仔久。」因為往來的人多，連食也𣍐顧得。 |
| 6:32 | 𪜶就上船，去曠野的所在家己住。 |
| 6:33 | 眾人看見𪜶去，有多多人知，就對逐個城步行相及走，代先𪜶到。 |
| 6:34 | 耶穌出去，看見歸大陣的人，就憐憫伊，因為𪜶親像羊無牧者，才用多多項教示𪜶。 |
| 6:35 | 日欲落，伊的學生就近伊，講： |
| 6:36 | 「遮就是曠野，日欲落啦，請四散眾人，互𪜶去周圍的鄉社，家己買物通食。」 |
| 6:37 | 伊應講：「恁互𪜶食。」𪜶給伊講：「總無阮用二百個銀仔去買餅來互𪜶食嗎？」 |
| 6:38 | 伊給𪜶講：「恁有餅偌多，去看覓。」已經知，就講：「五個餅，二尾魚。」 |
| 6:39 | 伊就吩咐𪜶，互眾人排歸列坐佇青翠的草埔。 |
| 6:40 | 𪜶就分隊來坐，有的一百，有的五十。 |
| 6:41 | 耶穌提彼五個餅，二尾魚，向天來祝謝，擘餅互學生，來排佇眾人的面前，也用二尾魚分互眾人。 |
| 6:42 | 𪜶攏食到飽。 |
| 6:43 | 拾許個餅碎及魚屑，滿十二筐。 |
| 6:44 | 食餅的人查甫的有五千。 |
| 6:45 | 耶穌連鞭迫伊的學生上船，代先過去彼旁岸到伯賽大，聽候伊四散眾人。 |
| 6:46 | 已經及𪜶離別，就去山裡祈禱。 |
| 6:47 | 已經暗，船佇海中，只有耶穌家己佇岸裡； |
| 6:48 | 看見學生划槳真艱苦，因為是對頭風。暝時約略四更，耶穌對海面行，就近𪜶，愛欲對𪜶遐過去。 |
| 6:49 | 𪜶看見伊行佇海面，掠做怪物，就喉叫； |
| 6:50 | 因為𪜶攏看見伊，就生驚。耶穌連鞭及𪜶講話給𪜶講：「安恁的心！是我，呣免驚！」 |
| 6:51 | 就上船就近𪜶，風就定；𪜶心內不止卬愕。 |
| 6:52 | 因為𪜶𣍐曉悟彼個餅的神蹟，也𪜶的心鈍。 |
| 6:53 | 過去了，就到革尼撒勒地，船拋佇岸裡， |
| 6:54 | 已經離開船，人連鞭認得伊， |
| 6:55 | 遍遍走彼個地方，聽見伊佇甚麼所在，就將舖仔扛病人到遐。 |
| 6:56 | 見若伊所入的鄉社、城市、鄉下，𪜶將病人下佇街市，求伊若使互𪜶摸伊的衫仔裾的鬚；見若摸的人攏得著好。 |
