走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 當彼幾日，眾人閣大聚集，無甚麼通食。耶穌叫伊的學生來，給𪜶講： |
|---|---|
| 8:2 | 「我可憐眾人；因為𪜶已經及我住三日，也無物通食。 |
| 8:3 | 我若互𪜶枵枵倒去𪜶厝：「𪜶佇路裡會厭倦，因為𪜶中間有的對遠遠來。」 |
| 8:4 | 學生應伊講：「佇此個曠野，對叨落會得著餅，互許個人食飽？」 |
| 8:5 | 耶穌問𪜶講：「恁有偌多餅？」𪜶講：「七個。」 |
| 8:6 | 就命令眾人坐佇地裡，提彼七個餅祝謝，來擘，交互伊的學生，互𪜶排列，𪜶就排列佇眾人的面前。 |
| 8:7 | 閣有淡薄細尾魚；已經祝謝，也教𪜶著排列。 |
| 8:8 | 人攏食到飽，拾所剩的餅碎七籃。 |
| 8:9 | 人額約略有四千。 |
| 8:10 | 就互𪜶四散，本身連鞭及學生搭船，到大瑪努大的境界。 |
| 8:11 | 法利賽人出去，就辯駁伊，對伊求一個出佇天裡的神蹟，是欲試伊。 |
| 8:12 | 耶穌心內大吐氣，講：「此世代啥事求神蹟啊？我實在給恁講，決斷無欲用神蹟互此世代。」 |
| 8:13 | 就離開𪜶，閣搭船去彼旁岸。 |
| 8:14 | 學生𣍐記得帶餅；船內只有一個餅，以外無別項的食物。 |
| 8:15 | 耶穌警戒𪜶講：「恁著謹慎，持防法利賽人的酵及希律的酵。」 |
| 8:16 | 學生相及議論講：「是咱無餅。」 |
| 8:17 | 耶穌知，就給𪜶講：「啥事因為無餅啲相及議論啊？恁猶久未知，未曉悟嗎？恁的心猶久鈍嗎？ |
| 8:18 | 恁有目睭，也無啲看？有耳孔，也無啲聽？也𣍐記得嗎？ |
| 8:19 | 我擘五個餅分互五千人，恁拾餅碎滿幾筐啊？」𪜶講：「十二。」 |
| 8:20 | 閣七個餅分互四千人，恁拾餅碎滿幾籃啊？」 |
| 8:21 | 𪜶講：「七籃。」就給𪜶講：「恁猶久未曉悟嗎？」 |
| 8:22 | 相及到伯賽大，有人導一個睛暝者就近伊，求伊摸伊。 |
| 8:23 | 耶穌牽睛暝人的手，導伊出鄉里外，呸涎佇伊二蕊目睭，用手按伊，問講：「你有看見甚麼無？」 |
| 8:24 | 伊抬頭看，講：「我看見人；因為看見𪜶親像樹，也啲行。」 |
| 8:25 | 閣用手按伊二蕊的目睭，伊注目看，就齊全好，看逐項物到明明。 |
| 8:26 | 耶穌教伊倒去𪜶兜，講：「此個鄉社你也莫得入。」 |
| 8:27 | 耶穌及學生出去，到該撒利亞腓立比屬許個鄉社；路裡問伊的學生講：「人講我是是誰？」 |
| 8:28 | 𪜶給伊講：「行洗禮的約翰；也有人講以利亞；閣有人講先知中的一個。」 |
| 8:29 | 伊閣問𪜶講：「若是恁講我是誰？」彼得應伊講：「你是基督。」 |
| 8:30 | 伊就禁戒𪜶，莫得將伊的事給人講。 |
| 8:31 | 就教示𪜶講：「人子的確著受多多苦楚，互諸個長老、祭司頭、經學士棄拺，閣受害死，過三日就復活。」 |
| 8:32 | 耶穌用此個話明明給𪜶講，彼得牽來責備伊。 |
| 8:33 | 若是伊越轉身，看伊的學生，就責備彼得講：「撒但，退去我的後面！因為你所想呣是上帝的事，是人的事。」 |
| 8:34 | 就叫眾人及伊的學生來，給𪜶講：「若有人愛隨我，就著看無家己，夯伊的十字架來隨我。 |
| 8:35 | 因為，見若愛救伊的生命的，欲失落伊；見若為著我及福音來失落伊的生命的，欲救伊。 |
| 8:36 | 人若得著全世界，來喪失伊的生命，有甚麼利益？ |
| 8:37 | 因為人欲出甚麼來對換伊的生命？ |
| 8:38 | 凡若佇此個姦淫有罪的世代，掠我及我的話做見誚的，人子用父的榮光，及諸個聖的天使來的時，也欲掠伊做見誚。」 |
