走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 耶穌閣佇海邊開嘴教示。有歸大陣的人聚集就近伊，致到伊上船浮佇海面啲坐。眾人攏倚近海，徛佇乾地。 |
|---|---|
| 4:2 | 伊就用譬喻教示𪜶多多項。啲教示的時，給𪜶講： |
| 4:3 | 「著聽啊！你看，有撒種的出去撒種。 |
| 4:4 | 撒的時，有的磕落佇路邊，飛鳥到一盡食伊； |
| 4:5 | 有的磕落佇石的地，土淺的位，因為土無深，就發真緊， |
| 4:6 | 若是日出曝伊，因為無根，就枯焦； |
| 4:7 | 有的磕落佇莿仔內，莿仔發起，遮蔽伊，就無結實； |
| 4:8 | 有的磕落佇好的土地，就發起愈大欉，結實有的三十倍，有的六十倍，有的一百倍」； |
| 4:9 | 閣講：「有耳孔通聽的，著聽！」 |
| 4:10 | 耶穌家己佇啲的時，隨伊的人及十二個學生問伊諸個譬喻。 |
| 4:11 | 伊就給𪜶講：「上帝國的奧妙有互恁，若是許個外面人，凡事是用譬喻， |
| 4:12 | 互𪜶，看會看，也𣍐見；聽會聽，也𣍐明；驚了𪜶越輪轉，來得著赦免。」 |
| 4:13 | 閣給𪜶講：「恁𣍐曉得此個譬喻嗎？也豈可會知眾譬喻啊？ |
| 4:14 | 撒種者是報揚道理。 |
| 4:15 | 撒佇路邊，報揚道理的所在的，就是人聽道理，撒但連鞭來，將所撒佇𪜶心內的道理搶去。 |
| 4:16 | 諸個親像撒佇石的地的，就是𪜶聽著道理，連鞭歡喜承受伊， |
| 4:17 | 若是內面無根，不過是暫時若定，到為著道理抵著有患難、窘逐，連鞭著觸。 |
| 4:18 | 撒佇莿仔內的，就是人已經聽著道理， |
| 4:19 | 就有世間的掛慮、錢財的迷惑，及別物的私慾入來，遮蔽彼個道理，就無結實。 |
| 4:20 | 諸個撒佇好的土地的，就是人聽道理，亦承受伊，亦結實，有的三十倍，有的六十倍，有的一百倍。」 |
| 4:21 | 閣給𪜶講：「人抬燈來，豈是欲下佇斗下，抑是床下，豈呣是欲下佇燈台頂？ |
| 4:22 | 因為有隱密的，無呣是欲顯出；收囥的，無呣是欲露現。 |
| 4:23 | 若有耳孔通聽的，著聽！」 |
| 4:24 | 閣給𪜶講：「著謹慎所聽的。恁用甚麼量來量，也欲用這量互恁，閣欲加添互恁。 |
| 4:25 | 因為見若有的，欲互伊；無的，連伊所有的也欲給伊搶去。」 |
| 4:26 | 閣講：「上帝的國親像人撒種佇地裡。 |
| 4:27 | 暝時睏，日時起來，彼個種子發閣漸漸大，伊呣知彼個所以然。 |
| 4:28 | 地自然生物：起頭是秧，後來有穗，閣後來穗就結成五穀； |
| 4:29 | 五穀已經熟，就用鍥仔，因為收割的時到啦。」 |
| 4:30 | 閣講：「上帝的國，咱欲怎樣來比並伊？抑是用甚麼譬喻表明伊啊？ |
| 4:31 | 是親像一粒芥菜子，撒落地，雖然比地上百項的種子卡細粒， |
| 4:32 | 若是已經撒落去，就發生，漸漸卡大佇攏總的菜蔬，閣發出大的枝，致到空中的鳥會歇伊的蔭下。」 |
| 4:33 | 伊用多多親像此號的譬喻，傳道理互𪜶，照𪜶所會聽的。 |
| 4:34 | 若無用譬喻，就無給𪜶講；到單單學生及伊佇啲的時，就攏總給𪜶解明。 |
| 4:35 | 彼日已經暗，伊給學生講：「咱過來去彼旁岸。」 |
| 4:36 | 𪜶離開眾人，導耶穌就按呢落船，及𪜶相及去；猶有別隻船及伊去。 |
| 4:37 | 颶頭風大起，湧潑入船，致到船啲欲滿。 |
| 4:38 | 若是伊佇船尾，倒佇枕頭啲睏。學生叫伊醒，給伊講：「先生！阮欲無命，你無要緊嗎？」 |
| 4:39 | 伊就醒，責備風，給海講：「著靜靜！」風就息，也大平定。 |
| 4:40 | 伊就給𪜶講：「恁啥事許驚？恁猶未有信嗎？」 |
| 4:41 | 𪜶就大驚，相及講：「此個是甚麼人，連風及海攏順伊。」 |
