台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

馬可福音第9章

章節快速選擇 :

上下篇聖經查閱：馬太福音路加福音回到目錄

9:1	耶穌閣給𪜶講：「我實在給恁講，徛佇遮的，有人猶未死，會看見上帝的國用權能臨到。」
9:2	過六日，耶穌帶彼得、雅各、約翰另外導𪜶絔上高山，干單𪜶及伊佇啲，
9:3	當𪜶的面前形狀變換，伊的衫燦爛極其白，世間漂布的𣍐會互伊白到按呢。
9:4	有以利亞及摩西對𪜶顯現，及耶穌講話。
9:5	彼得對耶穌講：「拉比，咱佇遮真好！阮來搭三間寮仔，一間互你，一間互摩西，一間互以利亞。」
9:6	是伊呣知著怎樣講，因為𪜶真驚。
9:7	就有雲罩𪜶；閣有聲對雲裡出，講：「此個是我疼的子，恁著聽伊。」
9:8	𪜶忽然四界看，無看見一人，只有耶穌及𪜶佇遐若定。
9:9	𪜶落山的時，耶穌禁𪜶講：「人子猶未對死人中復活，莫得用所看見的給人講。」
9:10	學生執此句話，相及議論看「對死人中復活」此句甚麼意思。
9:11	閣問耶穌講：「經學士講以利亞著代先到，是怎樣？」
9:12	伊應講：「以利亞果然代先來興起萬項事；閣怎樣記載講，人子著受多多艱苦互人看輕啊？
9:13	若是我給恁講，以利亞已經到，人也出在意思款待伊，攏照所記載指伊的話。」
9:14	已經到學生的所在，就看見歸大陣人圍𪜶，也有經學士及𪜶辯論。
9:15	人看見耶穌，連鞭大卬愕，走來就近伊。給伊請安。
9:16	伊問𪜶講：「恁及𪜶辯論甚麼？」
9:17	眾人中一人應伊講：「先生，我有導我的子到你遮，伊患著啞口的神。
9:18	無論佇甚麼所在，掠伊，就給伊摔倒，伊就流涎，咬齒，閣佳膋去。我曾請你的學生趕伊，也𪜶徛𣍐會。
9:19	耶穌應講：「嗐啊，呣信的世代啊，我欲及恁住偌久啊？我欲吞愞恁偌久啊？帶伊來就近我。」
9:20	𪜶就帶伊來。一下看見耶穌，彼個鬼連鞭互伊大抽惙，就倒佇土腳，翻來翻去，流涎。
9:21	耶穌問伊的老父講：「伊患著此個偌久啦？」講：「對細漢的時。
9:22	沓沓將伊㧒落火、㧒落水，欲滅伊。總是你若會做甚麼，著憐憫，來幫助阮。」
9:23	耶穌給伊講：「怎樣講，你若會啊？有信的人，逐項攏會。」
9:24	囝仔的老父連鞭喉叫講：「我信啦！我所信無夠的，你著幫助我。」
9:25	耶穌看見歸陣人走倚來，就責備彼個邪神，給伊講：「你啞口臭耳聾的神啊，我命令你離開此個人，無閣入伊。」
9:26	彼個神喉叫，大搝徛搙伊，才出去。彼個囝仔親像死一樣，致到人卡多講：「伊已經死。」
9:27	若是耶穌牽伊的手，扶伊起來，伊就起來。
9:28	入厝，伊的學生暗靜問伊講：「阮𣍐趕伊是怎樣？」
9:29	伊給𪜶講：「若呣是用祈禱，此類就𣍐得伊出。」
9:30	𪜶對遐去，經過加利利；耶穌呣愛人知。
9:31	因為伊教示伊的學生，給𪜶講：「人子欲受解送佇人的手，人欲害死伊；害死了後，三日欲復活。」
9:32	𪜶𣍐曉悟此個話，也呣敢問伊。
9:33	𪜶來到迦百農。耶穌佇厝內問𪜶講：「恁佇路裡議論甚麼？」
9:34	學生靜靜，因為佇路裡曾爭論是誰最大。
9:35	伊就坐啲，叫十二個學生，給𪜶講：「若愛做代先的，著做眾人的路尾，也做眾人的差用。」
9:36	閣導一個囝仔，互伊徛佇中間，續抱伊，給學生講：
9:37	「見若為著我的名接納一個親像此號的囝仔的，就是接納我；見若接納我的，呣是接納我，就是接納差我的。」
9:38	約翰給耶穌講：「先生，阮曾看見一人用你的名趕鬼，阮就禁止伊，因為伊無隨咱。」
9:39	耶穌講：「莫得禁伊；因為無有人奉我的名行權能，也會連鞭誹謗我。
9:40	見若無攻擊咱的，就是為咱。
9:41	見若因為恁屬基督，就用一杯水互恁飲的，我實在給恁講，伊將來無失落伊的賞。」
9:42	「見若互諸個信我的微細的一個去犯罪，彼人寧可受大石磨縛伊的頷頸，㧒佇海裡。
9:43	設使
9:44	你一手致到你犯罪，就著斬斷伊；你寧可破相入佇活，莫得二手去地獄，入𣍐熄的火。
9:45	設使你一腳致到你犯罪，就著斬斷伊；
9:46	你寧可跛腳入活，莫得二腳受㧒落地獄。
9:47	設使你一目致到你犯罪，就著挖去；你寧可一目入佇上帝的國，莫得二目㧒落地獄。
9:48	佇遐，𪜶的蟲無死，火無熄。
9:49	因為逐人欲用火來豉伊。
9:50	鹽是好，鹽若失落伊的鹹，欲用甚麼來復倒伊的味？恁的內面應該著有鹽，也大家著相和好。」

- 本章節結束 -

聯繫資訊

線上台語聖經

台語聖經

馬可福音第9章

快速導航

相關資訊

聯絡麥穗田

聯繫資訊

線上台語聖經

台語聖經

馬可福音 第9章

馬可福音第9章