台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

馬可福音第2章

章節快速選擇 :

上下篇聖經查閱：馬太福音路加福音回到目錄

2:1	過幾若日，耶穌閣入迦百農。人聽見伊佇厝內，
2:2	就多多人聚集，致到無空地連門口也無；伊就講道理互𪜶聽。
2:3	有帶一個半徛者就近伊，是四人扛伊來；
2:4	因為人多，𣍐會近倚，就佇耶穌𫢶的所在，拆厝頂，互伊歸孔，就將半徛者倒佇舖仔墜落去。
2:5	耶穌看見𪜶的信，就給半徛者講：「細子，你的罪赦免啦。」
2:6	有幾若個經學士坐佇遐，心內議論，講：
2:7	「此個人怎樣按呢講啊？伊是僭權濫糝。除上帝以外，是誰會赦免罪啊？」
2:8	耶穌心內連鞭知𪜶有此號的議論，就給𪜶講：「恁啥事佇心內議論諸個啊？
2:9	給半徛者講『你的罪赦啦』，抑是講『起來！夯你的舖仔來行』，叨落一項卡快？
2:10	獨獨欲互恁知，人子佇地裡有權通赦罪。」就給半徛者講：
2:11	「我給你講，起來！夯你的舖仔倒去你的厝。」
2:12	伊就起來，佇眾人的面前，隨時夯伊的舖仔出去，致到眾人攏卬愕，歸榮光上帝，講：「阮從來未曾看見按呢生！」
2:13	耶穌閣出去到海墘，眾人攏就近伊，就教示𪜶。
2:14	經過的時，看見亞勒腓的子利未坐佇餉關，就給伊講：「隨我。」伊就起來，隨伊。
2:15	耶穌坐桌佇利未的厝，有多多抽餉者及歹人及耶穌參伊的學生同坐；因為許個人是多，也啲隨伊。
2:16	法利賽的經學士看見伊及歹人以及抽餉者相及食，就給伊的學生講：「伊及抽餉者以及歹人相及飲食啊？」
2:17	耶穌聽見，就給𪜶講：「勇健的無欠醫生，若是破病的就著。我來呣是欲招義人，是欲招歹人。」
2:18	約翰的學生及法利賽人當啲禁食。𪜶就近來給伊講：「約翰的學生及法利賽人的學生禁食，你的學生無禁食，是怎樣？」
2:19	耶穌給𪜶講：「新子婿及賀娶的人佇啲的時，𪜶豈會禁食嗎？新子婿猶同佇啲，𪜶𣍐會禁食。
2:20	若是時日欲到，新子婿欲對𪜶中間無去，彼日𪜶就欲禁食。
2:21	無人用新布補舊衫，若有，就所補的彼塊會糾裂伊，就是新的糾裂舊的，伊的破孔閣卡大。
2:22	也無人用新酒貯佇舊皮囊，若有，就新酒會爆裂皮囊，酒漏，囊也拍歹；獨獨新酒著入佇新皮囊。」
2:23	耶穌佇安息日對麥園經過。伊的學生行路的時，摘麥穗。
2:24	法利賽人給伊講：「你看，𪜶佇安息日行所呣應該行的是怎樣？」
2:25	耶穌給𪜶講：「大衛及跟隨的人，當欠缺閣枵的時所行的，恁未讀著嗎？
2:26	就是當亞比亞他做祭司頭的時，伊有怎樣入上帝的厝，食排列的餅，續互跟隨伊的人。此號餅若呣是祭司，就呣通食。」
2:27	閣給𪜶講：「安息日為著人來設立，呣是人為著安息日。
2:28	所以，人子也是安息日的主。」

- 本章節結束 -

聯繫資訊

線上台語聖經

台語聖經

馬可福音第2章

快速導航

相關資訊

聯絡麥穗田

聯繫資訊

線上台語聖經

台語聖經

馬可福音 第2章

馬可福音第2章