走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 10:1 | 以色列家啊，著聽耶和華對恁所講的話。 |
|---|---|
| 10:2 | 耶和華按呢講：恁呣通學列國的所行，亦呣通為著天的兆頭來驚惶，因為列國為著這來驚惶。 |
| 10:3 | 眾百姓的風俗是空虛；𪜶佇樹林內剉一欉樹，師傅的手用斧頭造成的。 |
| 10:4 | 𪜶用金用銀鑲伊，用釘及鎚仔釘住，互伊無搖動。 |
| 10:5 | 伊親像車圓的柱，𣍐講話，著人扛，因為伊𣍐行。恁莫得驚伊；因為𪜶𣍐降災禍，亦無權通降福氣。 |
| 10:6 | 耶和華啊，無甚麼會比並得你！獨獨你做大，你的名大閣有能力。 |
| 10:7 | 萬百姓的王啊，是誰呣著驚畏你？這是合佇你；因為佇列國智慧的人中間，雖然有權威者，亦𣍐比得你。 |
| 10:8 | 𪜶攏是愚蠢無知。偶像的教示，不過是柴若定。 |
| 10:9 | 有銀拍歸片，對他施帶來的，亦有對烏法來的金，攏是師傅及銀匠的手做的，閣有藍色紫色的料做衫，攏是奇巧的師傅做的。 |
| 10:10 | 獨獨耶和華是真的上帝，伊是活的上帝，是永遠的王。伊一下受氣，地就振動；伊一下痛恨，列國攏擋𣍐住。（ |
| 10:11 | 恁著給𪜶按呢講：許個呣是創造天地的上帝，攏欲對地上及天下滅無去！） |
| 10:12 | 耶和華用能力創造地，用智慧建立世界，用聰明展開諸個天。 |
| 10:13 | 伊一下出聲，空中就有多多水激動；伊互雲霧對地極淐起來；伊為著雨創造閃爁，伊互風對伊的府庫出來。 |
| 10:14 | 逐人攏愚蠢，無智識；逐個銀匠攏為著伊雕刻的偶像來見誚。因為伊所鑄的偶像是假的，亦無活氣佇伊的內面， |
| 10:15 | 攏是空空的，是迷惑人的所做；到辦理𪜶的時的確受除滅。 |
| 10:16 | 雅各的份額無親像諸個，因為伊是創造萬物的主。以色列亦是伊產業的支派，萬軍的耶和華是伊的名。 |
| 10:17 | 你徛起受圍的城者，著對地裡收拾你的物件。 |
| 10:18 | 因為耶和華按呢講：看啊，我此時欲將此所在徛起的百姓甩出去，閣欲困苦𪜶，互𪜶曉悟。 |
| 10:19 | 我有災禍啊！因為我受毀傷；我的傷真傷重。總是我講：這是我的痛苦，的確著忍受。 |
| 10:20 | 我的布棚毀壞；我的索攏斷。我的子兒離開我出去，今攏無啦。無人閣搭我的布棚，掛我的帳幅。 |
| 10:21 | 因為牧者攏愚蠢，無尋求耶和華，所以𣍐得著亨通；𪜶的羊群亦攏四散。 |
| 10:22 | 有風聲！看啊，來啦！有大擾亂對北方出來，欲互猶大諸個城拋荒，做野狗徛起的所在。 |
| 10:23 | 耶和華啊，我知人的路呣是對家己，行路的人亦𣍐注意家己的腳步。 |
| 10:24 | 耶和華啊，你責備我著從寬，呣通佇你的受氣中責備我，驚了互我歸佇無去。 |
| 10:25 | 願你傾出你的受氣佇呣識你的列國的頂面，以及無求叫你的名的逐族；因為𪜶吞食雅各，吞伊，滅伊，互伊徛起的所在拋荒。 |
