走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 37:1 | 約西亞的子西底家王替約雅敬的子哥尼雅做王，巴比倫王尼布甲尼撒曾設立伊做王佇猶大地。 |
|---|---|
| 37:2 | 總是伊及伊的人臣，及國內的百姓，攏呣聽耶和華的話，就是伊託先知耶利米所講的。 |
| 37:3 | 西底家王差示利米雅的子猶甲及祭司瑪西雅的子西番雅去見先知耶利米，講：「求你替阮祈禱耶和華──咱的上帝。」 |
| 37:4 | 彼時耶利米出入佇百姓的中間，因為𪜶猶未給伊關落監。 |
| 37:5 | 法老的軍兵已經對埃及出來，許個圍困耶路撒冷的迦勒底人聽見𪜶的風聲，就撤營離開耶路撒冷。 |
| 37:6 | 耶和華的話臨到先知耶利米講： |
| 37:7 | 「耶和華──以色列的上帝按呢講：猶大王差恁來我遮問我，恁著按呢給伊講：『看啊，法老的軍兵許個出來欲幫助恁者欲倒去埃及本國。 |
| 37:8 | 迦勒底人欲閣來攻擊此個城，欲取伊，亦欲用火燒伊。 |
| 37:9 | 耶和華按呢講：恁呣通家己騙講「迦勒底人的確欲離開阮」，因為𪜶無欲離開。 |
| 37:10 | 恁就若拍敗攻擊恁的迦勒底的全軍，𪜶中間只剩受傷的人，𪜶逐人亦欲對伊的布棚內起來，用火燒此個城。』」 |
| 37:11 | 迦勒底的軍兵因為驚法老的軍兵，就撤營離開耶路撒冷， |
| 37:12 | 彼時耶利米出耶路撒冷，欲去便雅憫的地，愛得著伊的份額佇百姓的中間。 |
| 37:13 | 伊到便雅憫門遐，有顧門的官名叫伊利雅，是哈拿尼亞的孫、示利米雅的子，伊就掠先知耶利米，講：「你是啲投降迦勒底人噢！」 |
| 37:14 | 耶利米講：「無影，我呣是投降迦勒底人。」伊利雅呣聽伊，就掠耶利米，送伊到貴族遐。 |
| 37:15 | 諸個貴族受氣耶利米，就拍伊，關伊佇監裡佇書記約拿單的厝，因為𪜶用彼間做監牢。 |
| 37:16 | 耶利米已經到地陷的穴內，耶利米住遐多多日。 |
| 37:17 | 西底家王差人帶伊來，王佇伊的宮內暗靜問伊講：「有甚麼話對耶和華來無？」耶利米講：「有！」閣講：「你欲交佇巴比倫王的手。」 |
| 37:18 | 耶利米閣對西底家王講：「我有甚麼得罪你，抑是得罪你的人臣及此個百姓，才互你給我關監？ |
| 37:19 | 你諸個先知對恁讖語講巴比倫王的確無來攻擊恁及此個所在，今𪜶佇叨落？ |
| 37:20 | 今我的主──我的王啊，請你聽我，准我所求；呣通互我倒轉去書記約拿單的厝，免得我死佇遐。」 |
| 37:21 | 西底家王就命令，關耶利米佇拘留所的院，逐日對做餅的街提一粒麵包互伊，直到城內無麵包才息。按呢，耶利米猶原住佇拘留所的院內。 |
