走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 35:1 | 當猶大王約西亞的子約雅敬坐位的時，耶和華的話臨到耶利米講： |
|---|---|
| 35:2 | 「你著去利甲族的厝，及𪜶講話，導𪜶到耶和華的厝入一間房，用酒互𪜶飲。」 |
| 35:3 | 我就將哈巴洗尼雅的孫雅利米雅的子雅撒尼亞及伊的兄弟，及伊的眾子，以及利甲全族的人， |
| 35:4 | 導𪜶到耶和華的厝，入上帝的奴僕伊基大利的子哈難眾子的房。彼間房佇貴族的房的隔壁，貴族的房就是佇沙龍的子把門的瑪西雅的房的頂面。 |
| 35:5 | 我就用碗用杯貯酒滿滿排佇利甲族人的面前，給𪜶講：「請恁飲酒。」 |
| 35:6 | 𪜶就講：「阮呣飲酒；因為阮的先祖利甲的子約拿達曾吩咐阮講：『恁及恁的子孫永永呣通飲酒， |
| 35:7 | 亦呣通起厝、呣通撒種、呣通栽種葡萄園，呣通有諸個，一世人著住佇布棚，互恁長歲壽佇恁寄腳的地方。』 |
| 35:8 | 見若阮先祖利甲的子約拿達吩咐阮的話，阮攏聽趁。阮及阮的某，阮的子，阮的查某子，一世人攏無飲酒， |
| 35:9 | 亦無起厝來家己徛起，亦無有葡萄園，無有田園，無有種子。 |
| 35:10 | 獨獨徛起布棚，攏遵趁阮的先祖約拿達，所命令的來行。 |
| 35:11 | 獨獨巴比倫王尼布甲尼撒上來此個地的時，阮就講：『來啊，咱著上耶路撒冷。』來閃避迦勒底人的兵及亞蘭的兵，因為按呢，阮才徛起耶路撒冷。」 |
| 35:12 | 耶和華的話臨到耶利米講： |
| 35:13 | 「萬軍的耶和華──以色列的上帝按呢講：你著去給猶大人及耶路撒冷徛起的百姓講，耶和華講：恁呣受教示，呣聽趁我的話嗎？ |
| 35:14 | 利甲的子約拿達所吩咐伊的子孫呣通飲酒的話，𪜶攏遵守，到今仔日亦無飲，因為𪜶聽趁先祖的命令。總是我有對恁講，早早起來講，若是恁呣聽我。 |
| 35:15 | 我亦差我的眾奴僕諸個先知就近恁，早早起來差𪜶，講：『恁著越頭，逐人離開伊的歹路，改換恁的所做，無趁別號的上帝來服事𪜶，恁就通徛起我所賞賜恁及恁列祖的地。』總是恁呣俯耳孔，亦呣聽我。 |
| 35:16 | 因為利甲的子約拿達的子孫有遵守𪜶的先祖所吩咐𪜶的命令，獨獨此個百姓無有聽趁我！ |
| 35:17 | 所以，耶和華──萬軍的上帝、以色列的上帝按呢講：看啊，我欲互我所講攻擊𪜶一切的災禍臨到猶大人及耶路撒冷一切徛起的百姓。因為我對𪜶講，𪜶無有聽趁；我叫𪜶，𪜶無應。」 |
| 35:18 | 耶利米對利甲族的人講：「萬軍的耶和華──以色列的上帝，按呢講：因為恁聽趁恁的先祖約拿達的命令，守伊一切的誡命，行伊攏總所命令恁的， |
| 35:19 | 所以萬軍的耶和華──以色列的上帝按呢講：利甲的子約拿達的確永遠有人徛佇我的面前。」 |
