走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 13:1 | 耶和華對我按呢講：「你著去買一條麻布的帶來縖腰，呣通下佇水裡。」 |
|---|---|
| 13:2 | 我就照耶和華的話，買一條帶縖腰。 |
| 13:3 | 耶和華的話第二擺臨到我講： |
| 13:4 | 「著提你所買的帶，就是你腰裡的帶，起來去伯拉，佇遐囥伊佇石磐孔。」 |
| 13:5 | 我就去，囥伊佇伯拉，照耶和華所吩咐我的。 |
| 13:6 | 過多多日，耶和華對我講：「你起來去伯拉，將我吩咐你囥佇遐的腰帶提來。」 |
| 13:7 | 我就去伯拉來掘，對我所囥的所在提彼條帶，看啊，彼條帶已經歹去，攏無路用。 |
| 13:8 | 耶和華的話臨到我講： |
| 13:9 | 「耶和華按呢講：我欲照按呢敗壞猶大的驕傲及耶路撒冷的大驕傲。 |
| 13:10 | 此個歹的百姓呣肯聽我的話，照𪜶的心的剛硬去行，閣趁別號的上帝，服事伊，跪拜伊，𪜶欲親像此條無路用的帶。」 |
| 13:11 | 耶和華講：「腰帶怎樣連佇人的腰，我有互以色列全家及猶大全家連佇我，亦是按呢，欲互𪜶做我的百姓，做我的名聲，做我的謳咾，做我的榮光；總是𪜶呣肯聽。」 |
| 13:12 | 「你著閣對𪜶講此個話：『以色列的上帝──耶和華按呢講：逐個甕欲貯酒滿滿。』𪜶欲對你講：『阮豈呣知逐個甕欲貯酒滿滿嗎？』 |
| 13:13 | 你就著對𪜶講：『耶和華按呢講：看啊，我欲互此所在一切徛起的百姓，就是坐大衛寶座的列王及祭司、先知，以及耶路撒冷一切徛起的百姓，攏大大酒醉。』」 |
| 13:14 | 耶和華講：「我欲互𪜶大家相磕，就是父及子相磕；我無欲可憐，無欲疼惜，無欲憐憫，來呣滅伊。」 |
| 13:15 | 恁著聽，著俯耳孔。莫得驕傲，因為耶和華已經講伊。 |
| 13:16 | 黑暗未到，恁的腳未著觸佇黑暗的山，所向望的光猶未變做死無的蔭影，黑黑暗暗的代先，恁著歸榮光恁的上帝──耶和華。 |
| 13:17 | 恁若呣聽此個話，就我的心欲因為恁的驕傲佇隱密的所在啼哭；我的目睭欲目屎泚泚倒，因為耶和華的羊群受掠。 |
| 13:18 | 你著對君王及太后講：恁著謙卑，坐佇下面；因為恁榮光的冕旒，對恁的頭殼落落去。 |
| 13:19 | 南方諸個城攏關，無人開；猶大全族受掠；閣掠到了了。 |
| 13:20 | 恁著抬目看對北方來的人。前所互你的羊群，就是你娞的羊群，今佇叨落啊？ |
| 13:21 | 你平素所親密的朋友，設使伊設立𪜶做頭來管轄你，你猶有甚麼話通講？痛苦豈無擒住你，親像生子的婦仁人？ |
| 13:22 | 你若心內講：這一切的事為何到佇我咧？是因為你的罪過真重，所以你露體赤腳。 |
| 13:23 | 古實的人會變換皮膚？豹會變換斑點嗎？若會，就恁諸個慣練行歹的會行好。 |
| 13:24 | 所以我欲拍散𪜶，親像草幼互曠野的風吹去一樣。 |
| 13:25 | 耶和華講：這是你所應該抵著的，是我量互你的份額，因為你𣍐記得我，去倚靠虛假。 |
| 13:26 | 所以我欲掀起你的裙，罩佇你的面，你的見誚就露出。 |
| 13:27 | 你許個可惡的事──就是佇山裡田裡行姦淫，出嘰嘰哮的聲，娼妓款的淫亂──我攏看見啦。耶路撒冷啊，你有災禍！你呣肯清氣，欲到底時啊？ |
