走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 12:1 | 耶和華啊，我及你辯論的時，你是公義；總是我猶愛及你理論：歹人的路為何亨通？大行詭詐者為何得著平安？ |
|---|---|
| 12:2 | 你栽培𪜶，𪜶亦釘根，大欉閣結果子。照𪜶的嘴講，你是近，照𪜶的心想，你是遠。 |
| 12:3 | 耶和華啊，你知我，你看見我，試驗我向你的心。求你將𪜶拖出來，親像欲刣的羊，分別伊來聽候刣的日。 |
| 12:4 | 此個地悲哀，通國的草菜枯焦，欲到底時啊？為著徛起遐的百姓的歹，精牲、飛鳥攏滅無。因為𪜶講：伊無看見阮的結局。 |
| 12:5 | 耶和華講：你及步行的人相及走，尚且厭倦，豈會及馬鬥跑啊？你佇平安的地，雖然安穩，佇約但河邊的樹林欲按怎樣？ |
| 12:6 | 因為連你的兄弟，連你的老父的家，攏用奸詐款待你。𪜶亦佇你的後面大聲叫，雖然對你講好話，你亦莫得信𪜶。 |
| 12:7 | 我離開我的厝，放拺我的產業，將我的心所疼者交佇伊的對敵的手。 |
| 12:8 | 我的產業對我親像樹林內的獅，伊出聲攻擊我，因為按呢我怨恨伊。 |
| 12:9 | 我的產業對我豈親像斑點的鷹鳥嗎？許個鷹鳥豈佇伊的四圍攻擊伊嗎？恁著去聚集田野的百獸，互伊來吞食伊！ |
| 12:10 | 多多牧者毀壞我的葡萄園，睭踏我的份額，互我好好的份額變做拋荒的曠野。 |
| 12:11 | 𪜶互地拋荒；地已經荒拋，就對我悲哀。全地拋荒，因為無人掛意。 |
| 12:12 | 殘害者到曠野中一切光裸裸高的所在；耶和華的刀對地的此旁到地的彼旁一盡剿滅。見有血氣者攏無平安。 |
| 12:13 | 𪜶種麥，收成莿帕；勞苦亦攏無利益。因為耶和華的大受氣，𪜶欲為著𪜶的土產來見誚。 |
| 12:14 | 「論到一切歹厝邊，就是害著我所互我的百姓以色列承接的產業的。」耶和華有按呢講：「看啊，我欲將𪜶拔出𪜶的地，閣欲將猶大家對𪜶中間拔出來。 |
| 12:15 | 我拔出𪜶以後，我欲倒轉來憐憫𪜶，導𪜶倒來，逐人歸伊的本業，逐人歸伊的本所在。 |
| 12:16 | 𪜶若肯殷勤學習我的百姓的道路，指我名咒誓講：『耶和華是活者』，親像𪜶前教示我的百姓指巴力來咒誓一樣，𪜶就欲得著建立佇我的百姓的中間。 |
| 12:17 | 𪜶若呣聽，就我欲拔出此國，拔出來滅伊。這是耶和華講的。」 |
