走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 25:1 | 當猶大王約西亞的子約雅敬的四年，就是巴比倫王尼布甲尼撒元年，有論起猶大百姓的話臨到耶利米。 |
|---|---|
| 25:2 | 先知耶利米就將此個話對猶大眾百姓以及一切徛起耶路撒冷的人講： |
| 25:3 | 「對猶大王亞們的子約西亞十三年到今，二十三年久，有耶和華的話臨到我；我已經對恁講，閣早早起來講，獨獨恁呣聽。 |
| 25:4 | 耶和華也早早起來，差伊的奴僕眾先知到恁遮（若是恁無聽趁，亦無俯耳孔來聽）， |
| 25:5 | 伊講：『恁逐人著越頭，離開伊的歹路及恁所做的歹，就通徛起耶和華所賞賜恁及恁的列祖的地，對古早到永遠。 |
| 25:6 | 呣通趁別號的上帝服事跪拜𪜶，呣通用恁的手所做的來惹我的受氣；按呢，我就無降災禍互恁。 |
| 25:7 | 總是恁無聽趁我，竟然用手所做的惹我的受氣，陷害家己。這是耶和華講的。』」 |
| 25:8 | 所以萬軍的耶和華按呢講：「因為恁無聽趁我的話， |
| 25:9 | 看啊，我欲召北方諸個族，及我的奴僕巴比倫王尼布甲尼撒，來攻擊此所在及此所在徛起的百姓，以及四圍的列邦。我欲一盡剿滅𪜶，互𪜶做通卬愕、通譏刺，永遠拋荒的所在。這是耶和華講的。 |
| 25:10 | 閣𪜶中間歡喜的聲快樂的聲，新子婿的聲，新娘的聲，挨磨的聲及燈的光，我欲互𪜶攏息。 |
| 25:11 | 全地的確拋荒，互人卬愕。諸個列邦欲服事巴比倫王七十年。 |
| 25:12 | 七十年已經滿，我欲刑罰巴比倫王及伊的國的罪，閣互迦勒底人的地永遠拋荒。這是耶和華講的。 |
| 25:13 | 我欲用我所講攻擊彼個地的事，攏到佇𪜶，就是見若記佇此本冊，耶利米所論起諸個國所讖語的。 |
| 25:14 | 因為有多多國及大的君王欲用𪜶迦勒底人做奴僕；我亦欲照𪜶的所行，及𪜶的手所做的，報應𪜶。」 |
| 25:15 | 耶和華──以色列的上帝對我按呢講：「你對我的手接此杯受氣的酒，互我所差你去的列國飲。 |
| 25:16 | 𪜶飲了就顛顛倒倒，亦欲發狂，因為我互刀劍到𪜶中間。」 |
| 25:17 | 我就對耶和華的手接此杯，互耶和華所差我去的列國飲伊， |
| 25:18 | 就是耶路撒冷及猶大諸個城，以及𪜶的列王貴族，互𪜶拋荒，做通卬愕、通譏刺、通咒詛的，親像今仔日一樣。 |
| 25:19 | 閣埃及王法老及伊的人臣、貴族、眾百姓， |
| 25:20 | 及相參插的百姓，烏斯地諸個王，非利士地諸個王（亞實基倫、迦薩、以革倫，以及亞實突所剩的人）； |
| 25:21 | 閣以東、摩押、及亞捫的後裔、 |
| 25:22 | 推羅列王、西頓列王、海外的海嶼的列王、 |
| 25:23 | 底但、提瑪、布斯、及一切剃鬢邊者； |
| 25:24 | 亞拉伯的列王、踮佇曠野相參插的百姓的列王、 |
| 25:25 | 心利的列王、以攔的列王、米太的列王、 |
| 25:26 | 北方遠近的列王，此個彼個，以及天下萬國飲伊，以後示沙克王亦欲飲伊。 |
| 25:27 | 「你著給𪜶講：『萬軍的耶和華──以色列的上帝按呢講：恁著飲，來醉，來吐，來跋倒，無閣起來，因為我互刀劍到恁中間。』 |
| 25:28 | 「𪜶若呣肯對你的手接此個杯去飲，你就著給𪜶講：『萬軍的耶和華按呢講：恁決斷著飲！ |
| 25:29 | 因為我降災禍對彼個用我的名來稱的城起手，恁會一盡免刑罰嗎？的確𣍐免得，因為我欲命令刀劍臨到地上攏總的百姓。這是萬軍的耶和華講的。』 |
| 25:30 | 「所以你著對𪜶宣傳這一切的話，來攻擊𪜶，講：耶和華欲對頂面喉叫，對伊徛起的聖所出聲，對伊的羊群大聲喉叫；伊欲對地上攏總的百姓喝喊，親像踏葡萄者一樣。 |
| 25:31 | 欲有喝的聲聽到地極，因為耶和華欲及列國計較；見有血氣者，伊欲及𪜶爭辯；論到歹人，伊欲將𪜶交互刀劍。這是耶和華講的。 |
| 25:32 | 萬軍的耶和華按呢講：看啊，欲有災禍對此國發到彼國，閣有大颶頭風對地極起。 |
| 25:33 | 「當彼日，耶和華所刣者對地的此旁到地的彼旁攏有。無人啼哭，無人給伊收拾，無人給伊埋葬，欲成做地上的糞埽。 |
| 25:34 | 牧者啊，恁著哀哭，喉叫；羊群的頭目啊，恁著翱佇火灰中；因為恁受刣及分散的日期已經到。恁欲倒落去，親像人所歡喜的器具磕落。 |
| 25:35 | 牧者無路通逃走；羊群的頭目亦無路通脫離。 |
| 25:36 | 有牧者喉叫的聲，有羊群的頭目啲哀哭，因為耶和華互𪜶的草場拋荒。 |
| 25:37 | 耶和華發出猛烈的受氣，平安的羊牧成做冷靜。 |
| 25:38 | 伊親像獅離開伊的穴，因為欺壓的猛烈閣因為伊受氣的猛烈，𪜶的地攏成做通卬愕的。」 |
