走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 29:1 | 先知耶利米對耶路撒冷寄批互受掠猶佇啲者的老大，及諸個祭司、先知、眾百姓，就是尼布甲尼撒對耶路撒冷掠到巴比倫者。 |
|---|---|
| 29:2 | （這是佇耶哥尼雅王、及太后、太監、及猶大、耶路撒冷的貴族，以及工匠、鐵匠攏離開耶路撒冷的了後。） |
| 29:3 | 彼張批託仗沙番的子以利亞薩及希勒家的子基瑪利帶去。此二人就是猶大王西底家差去巴比倫見巴比倫王尼布甲尼撒者。 |
| 29:4 | 批內講：「萬軍的耶和華──以色列的上帝對一切受掠去者（就是我互𪜶對耶路撒冷受掠到巴比倫的人）按呢講： |
| 29:5 | 恁著起厝，來徛起，作園來食伊的果子； |
| 29:6 | 娶某來生子，查某子，給恁的子娶某，互恁的查某子出嫁，互𪜶生子，查某子。通佇遐加添多多，無減少。 |
| 29:7 | 我所互恁受掠去彼個城，恁著圖謀伊的平安，替伊祈禱耶和華；因為伊得著平安，恁亦隨伊平安。 |
| 29:8 | 萬軍的耶和華──以色列的上帝按呢講：莫得互恁中間的先知及卜卦者引誘，亦莫得信恁的夢，就是恁所夢見的； |
| 29:9 | 因為𪜶託我的名對恁宣傳白賊話，我並無差𪜶。這是耶和華講的。 |
| 29:10 | 「因為耶和華按呢講：巴比倫七十年的期限已經滿，我欲臨到恁，成我對恁所講的好話；互恁倒來此個所在。 |
| 29:11 | 耶和華講：我知我對恁所存的意思是賞賜平安的意思，呣是降災禍，欲互恁尾境有向望。 |
| 29:12 | 彼時恁欲求叫我，欲去祈禱我，我欲聽恁。 |
| 29:13 | 恁欲尋我，來抵著，因為恁欲專心尋我。 |
| 29:14 | 耶和華講：我欲互恁尋著，我亦欲互恁受掠的人倒轉來，欲對我所趕恁到的逐國逐所在聚集恁，亦欲互恁倒來本所在就是我所互恁對遐受掠的。這是耶和華講的。 |
| 29:15 | 「因為恁講：『耶和華佇巴比倫給阮興起先知』； |
| 29:16 | 今耶和華論到坐大衛寶座的王，亦論到踮佇此個城的眾百姓，就是無及恁相及受掠的兄弟， |
| 29:17 | 萬軍的耶和華按呢講：『看啊，我欲用刀劍，用飢荒、用瘟疫到佇𪜶，互𪜶親像極歹的無花果，歹到𣍐食得。 |
| 29:18 | 我欲用刀劍、用飢荒、用瘟疫追趇𪜶，互𪜶流落佇天下萬國，佇我趕𪜶到的逐國，做通咒詛，通卬愕通譏刺，通凌辱者。 |
| 29:19 | 耶和華講：這是因為𪜶無聽趁我的話，就是我差我諸個奴僕眾先知給𪜶講的話，是早早起來差𪜶；總是恁無聽。這是耶和華講的。 |
| 29:20 | 所以恁一切受掠去者，就是我對耶路撒冷差到巴比倫者，恁攏著聽耶和華的話。』」 |
| 29:21 | 萬軍的耶和華──以色列的上帝，按呢講：「論到哥奈雅的子亞哈，及瑪西雅的子西底家，𪜶託我的名對恁宣傳白賊，看啊，我欲將𪜶交佇巴比倫王尼布甲尼撒的手；伊欲佇恁的面前刣𪜶。 |
| 29:22 | 猶大受掠的眾人佇巴比倫者，欲用此二人做話柄咒詛人講：『願耶和華互你親像西底家、亞哈互巴比倫王用火燒伊。』 |
| 29:23 | 𪜶佇以色列中做出見誚的事，淫𪜶厝邊的某，閣託我的名宣傳白賊、我所無命令𪜶的。知者是我，做干證者亦是我。這是耶和華講的。」 |
| 29:24 | 「論尼希蘭人示瑪雅，你著講， |
| 29:25 | 萬軍的耶和華──以色列的上帝按呢講：你曾用家己的名寄批互耶路撒冷的眾百姓及祭司瑪西雅的子西番雅，及眾祭司講： |
| 29:26 | 『耶和華有設立你做祭司，來替祭司耶何耶大，互恁監督耶和華的厝，通將一切悾憨家己稱做先知的人用柴枷給伊枷，用鎖給伊鎖。 |
| 29:27 | 現今亞拿突人耶利米對恁家己稱做先知，恁啥事無責備伊啊？ |
| 29:28 | 因為伊寄批到巴比倫給阮講：受掠的時欲久長。恁著起厝，來徛起；作園來食果子。』」 |
| 29:29 | 祭司西番雅就將此張批讀互先知耶和米聽。 |
| 29:30 | 對按呢，耶和華的話臨到耶利米講： |
| 29:31 | 「你著寄批互一切受掠的人講：『耶和華論到尼希蘭人示瑪雅講：因為示瑪雅對恁宣傳的，我無差伊，伊互恁倚靠白賊； |
| 29:32 | 所以耶和華按呢講：我欲刑罰尼希蘭人示瑪雅及伊的後裔，伊的確無留一人徛起佇此個百姓的中間，亦無通看見我所欲賞賜我的百姓的福氣，因為伊講悖逆耶和華的話。這是耶和華講的。』」 |
