走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 有話對耶和華到耶利米講： |
|---|---|
| 7:2 | 「你著徛佇耶和華的厝的門，佇遐宣傳此個話講：凡若屬猶大入諸個門，敬拜耶和華者，著聽耶和華的話。 |
| 7:3 | 萬軍的耶和華──以色列的上帝按呢講：恁著改正所行所做，我就互恁徛起佇此個地方。 |
| 7:4 | 恁呣通倚靠白賊的話，講：『諸個是耶和華的殿，是耶和華的殿，是耶和華的殿！』 |
| 7:5 | 「恁若一盡改正所行所做，佇人及厝邊的中間真正有行公平， |
| 7:6 | 無歹款待出外人以及孤兒寡婦，佇此個地方無流無罪的人的血，亦無趁別號的上帝來陷害家己， |
| 7:7 | 我就互恁徛起佇此個所在，就是我所賞賜恁的列祖的地，對永遠到永遠。 |
| 7:8 | 「看啊，恁倚靠白賊無利益的話。 |
| 7:9 | 恁偷提，刣人，姦淫，濫糝咒誓，向巴力燒香，亦趁恁平素所呣識別號的上帝， |
| 7:10 | 閣來徛佇我的面前，佇此間用我的名來稱呼的厝；講：『阮得著救啦！』按呢是欲互恁去行諸個可惡的事嗎？ |
| 7:11 | 此間用我的名來稱呼的厝恁看做賊巢嗎？耶和華講，看啊，我，我已經看見啦。 |
| 7:12 | 恁今著去我佇示羅的所在，就是我起頭設做求叫我的名的位，看我因為我的百姓以色列的罪惡怎樣款待彼所在。」 |
| 7:13 | 耶和華講：「今因為恁行諸個一切的事，我有對恁講，亦是早早起來講，若是恁呣聽；我閣叫恁，若是恁呣應。 |
| 7:14 | 所以我欲款待恁所倚靠此間、用我的名稱呼的厝，以及我所賞賜恁及恁的列祖的地，親像我早款待示羅一樣。 |
| 7:15 | 我也欲趕恁離開我的面前，親像我曾趕恁的眾兄弟，以法蓮一切的後裔。」 |
| 7:16 | 「所以，你莫得為著此個百姓祈禱；莫得為著𪜶出聲祈求，亦莫得替𪜶求我，因為我無欲聽你。 |
| 7:17 | 𪜶佇猶大諸個城中及耶路撒冷的街路所行的，你無看見嗎？ |
| 7:18 | 子兒拾柴，老父燃火，婦仁人摶麵做餅，獻互天后，閣對別號的上帝灌奠，欲激我的受氣。」 |
| 7:19 | 耶和華講：「𪜶豈是激我受氣？豈呣是激𪜶家己，致到𪜶的面見誚嗎？」 |
| 7:20 | 所以主耶和華按呢講：「看啊，我欲將我的受氣、我的痛恨傾佇此所在，就是傾佇人及精牲，以及田野的樹木及土地的出產，親像火𤏸𣍐熄。」 |
| 7:21 | 萬軍的耶和華──以色列的上帝按呢講：「著將恁的燒祭參加佇恁諸個祭，來食肉！ |
| 7:22 | 因為我導恁的列祖出埃及的日，論到燒祭及諸個祭我未曾對𪜶講起，來命令𪜶。 |
| 7:23 | 我獨獨吩咐𪜶此一項講：『恁著聽趁我的聲，我就欲做恁的上帝，恁亦欲做我的百姓。閣行我攏總命令恁的路，就通得著福氣。』 |
| 7:24 | 總是𪜶呣聽趁，亦呣俯耳孔，竟然照𪜶的計謀及剛硬的歹心，退後無進前。 |
| 7:25 | 對恁的列祖出埃及的日，到今仔日，我差我的眾奴僕先知到恁遐，閣逐日早早起來差𪜶。 |
| 7:26 | 𪜶猶久呣聽我，亦呣俯耳孔，反轉硬𪜶的頷頸，𪜶行歹比𪜶的列祖卡傷重。 |
| 7:27 | 「你著將諸個一切的話給𪜶講，總是𪜶無欲聽你；你叫𪜶，𪜶亦無欲應你。 |
| 7:28 | 你著對𪜶講：這就是呣聽趁耶和華──𪜶的上帝的聲、無受教督的國民；誠實無去，對𪜶的嘴絕斷。」 |
| 7:29 | 耶路撒冷啊，著剃你的頭毛㧒擲，佇光裸裸高的所在唱哀傷的歌；因為耶和華棄拺離開伊所受氣的世代。 |
| 7:30 | 耶和華講：「猶大的百姓行我所看做歹的事，將可惡的物祀佇用我的名稱呼的厝，拍垃墋伊。 |
| 7:31 | 𪜶佇便欣嫩的山谷起陀斐特山頭的壇，通佇火中燒𪜶的子、查某子。這呣是我所吩咐的，亦呣是我的心所想的。」 |
| 7:32 | 耶和華講：「因為日子欲到，此個地方無閣稱做陀斐特及便欣嫩的山谷，是欲稱做刣人的山谷。因為欲佇陀斐特埋葬死人，到無剩所在； |
| 7:33 | 閣此個百姓的身屍欲互空中的飛鳥及地上的野獸做食物，無人趕伊。 |
| 7:34 | 彼時，佇猶大諸個城及耶路撒冷的街市，我欲互歡喜的聲，快樂的聲，新子婿的聲，新娘的聲，攏總息，因為此個地攏欲變做拋荒。」 |
