台語聖經 | 社團法人台灣麥穗田使命協會

走到哪裡都有麥子

走出你的個人世界 WITH

走到哪裡都有麥子～

聯繫我們

聯繫資訊

新北市永和郵局238號信箱 (02)2926-5882 .0987-300-005 服務信箱：info@awheat.org 捐款支持

線上台語聖經

麥穗田首頁線上台語聖經

台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

詩篇第105章

章節快速選擇 :

上下篇聖經查閱：約伯記箴言回到目錄

105:1	恁著感謝耶和華，求叫伊的名，佇萬百姓的中間報揚伊的所做！
105:2	著向伊吟詩，向伊唱歌謳咾！談論伊一切奇妙的所行！
105:3	著因為伊的聖名來誇口！尋耶和華的人，心內著歡喜！
105:4	著求耶和華及伊的權能，常常尋見伊的面。
105:5	伊的奴僕亞伯拉罕的後裔，伊所揀雅各的子孫啊，恁著數念伊所做奇妙的事及伊的神蹟，及伊的嘴判斷的話。
105:6	（見詩。）
105:7	伊是耶和華──咱的上帝；全地攏有伊的判斷。
105:8	伊記念伊的約，直到永遠；伊所吩咐的話，直到千代──
105:9	就是及亞伯拉罕所立的約，對以撒所咒的誓。
105:10	伊閣將此個約對雅各定著做律例，對以色列定著做永遠的約，
105:11	講：我欲將迦南地賞賜你，做你產業的份額。
105:12	當時，𪜶的人丁有限，數額少少，閣佇遐做出外。
105:13	𪜶對此族行到彼族，對此國到別個百姓。
105:14	伊無容允甚麼人欺負𪜶，為著𪜶的緣故譴責諸個君王，
105:15	講：呣通犯著我的受抹油者，亦呣通歹款待我的先知。
105:16	伊命令飢荒降落佇彼個土地，將所倚靠的米糧一概斷絕，
105:17	伊佇𪜶的頭前差一人去──約瑟受賣做奴僕。
105:18	人用腳銬傷伊的腳；伊受鐵煉捆縛。
105:19	耶和華的話試煉伊，直到伊所講的應驗。
105:20	王差人給伊解開，就是治理百姓者，給伊解放。
105:21	設立伊做王家的主，管理伊一切所有的，
105:22	通隨意縛伊的人臣，將智慧教示伊的長老。
105:23	以色列也到埃及；雅各出外佇含的地。
105:24	耶和華互伊的百姓生湠多多，互𪜶比對敵卡強，
105:25	伊變換對敵的心怨恨伊的百姓，續用詭譎的計謀款待伊的奴僕。
105:26	伊差伊的奴僕摩西及伊所揀的亞倫，
105:27	𪜶佇對敵的中間行伊的神蹟，佇含的地行奇事。
105:28	伊命令黑暗，就有黑暗；𪜶無違格伊的話。
105:29	伊互𪜶水變血，互𪜶的魚攏死。
105:30	佇𪜶的土地田蛤仔生多多，連𪜶的王的密房亦有。
105:31	伊一下出聲，蝴蠅歸陣飛來，閣有虱母佇𪜶的境內滿四界。
105:32	伊落雹互𪜶做雨，佇𪜶的土地降落炎火。
105:33	伊亦拍𪜶的葡萄樹及無花果樹，毀壞𪜶境內的樹木。
105:34	伊一下出聲，蝗蟲就來，草蜢𪜶算得，
105:35	一盡食𪜶的土地的菜蔬，閣食𪜶田園所出的。
105:36	伊閣拍死𪜶國內一切的大子，就是𪜶氣力的起頭。
105:37	伊導𪜶出來帶銀帶金；伊的支派中無一個軟弱的人。
105:38	𪜶出來的時，埃及就歡喜；因為埃及曾為著𪜶來驚。
105:39	伊起雲做布篷，暝時用火照光。
105:40	𪜶一下求，伊就互鵪鶉飛來，閣用天的餅互𪜶飽足。
105:41	伊拍開石磐，水就淐出；佇乾地，水流親像河。
105:42	因為伊記念伊聖的話，及伊的奴僕亞伯拉罕。
105:43	伊導伊的百姓大悅出來，導伊揀的百姓唱歡喜的歌出來。
105:44	伊將列國的地賞賜𪜶，𪜶就承接許個百姓著磨所得著的，
105:45	欲互𪜶趁伊的律例，守伊的法度。恁著謳咾耶和華！

- 本章節結束 -

上一章下一章