經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
59:1 | 〔掃羅差人去埋伏大衛的厝,欲刣伊。彼時,大衛做此個金的詩,交互樂官。調用「莫得毀壞」。〕我的上帝啊,求你救我脫離我的對敵,安置我佇高的所在,得著脫離許個起來攻擊我的人。 |
---|---|
59:2 | 求你救我脫離做歹的人,閣救我脫離愛刣死人的人! |
59:3 | 因為,𪜶埋伏欲害我的生命;有猛人聚集來攻擊我。耶和華啊,這呣是因為我的過失,亦呣是因為我的罪過。 |
59:4 | 我雖然無過失,𪜶走來,備辦欲害我。求你精神起來幫助我,來鑑察! |
59:5 | 萬軍的上帝──耶和華就是以色列的上帝啊!求你起來,辦理萬國!呣通憐憫見若行奸詐的歹人!(細拉) |
59:6 | 𪜶下昏時倒來,喉叫親像狗,佇城裡四界行。 |
59:7 | 𪜶的嘴吐出歹話,嘴唇有刀;因為𪜶講,是誰聽見? |
59:8 | 若是你──耶和華欲笑𪜶;你欲凊笑列邦。 |
59:9 | 我的氣力啊,我欲向望你,因為上帝是我的高台。 |
59:10 | 我的上帝欲用慈愛迎接我;上帝欲互我看見我的對敵受報應。 |
59:11 | 莫得剿滅𪜶,驚見我的百姓𣍐記得。主啊,阮的盾牌啊;求你用你的氣力互𪜶四散,閣降低。 |
59:12 | 因為𪜶嘴的罪過及嘴唇的話,以及𪜶所講的咒罵及白賊,願𪜶佇驕傲的中間受掠著。 |
59:13 | 求你受氣,剿滅𪜶,剿滅𪜶到攏無去,互𪜶知上帝佇雅各的中間掌權,到佇地極。(細拉) |
59:14 | 𪜶下昏時,倒來;喉叫親像狗,佇城裡四界行。 |
59:15 | 𪜶欲走來走去,尋食物,若無得著飽,就通暝聽候。 |
59:16 | 若是我欲唱歌謳咾你的氣力,早起時欲大聲謳咾你的慈愛;因為你曾做我的高台,佇患難的日做我逃閃的所在。 |
59:17 | 我的氣力啊,我欲唱歌謳咾你;因為上帝是我的高台,是我慈愛的上帝。 |