經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
5:1 | 〔大衛的詩,交互樂官。用歕的樂器。〕耶和華啊,求你俯耳孔聽我的話,鑑察我的心思! |
---|---|
5:2 | 我的王我的上帝啊,求你俯落聽我求叫的聲!因為我向你祈禱。 |
5:3 | 耶和華啊,早起時你會聽我的聲;早起時我欲對你排列我的心意,續欲瞭望! |
5:4 | 因為你呣是歡喜罪惡的上帝,歹者𣍐得通及你同徛起。 |
5:5 | 驕傲的人𣍐會徛佇你的面前;做歹的人,攏是你所怨恨。 |
5:6 | 講白賊者,你欲滅𪜶;愛刣人及奸詭者,攏是耶和華所厭惡。 |
5:7 | 論到我,我欲憑你豐盛的慈愛入你的厝;我欲存敬畏你的心向你的聖殿來敬拜。 |
5:8 | 耶和華啊,求你因為我的對敵,憑你的公義導我,互你的路佇我的面前正直。 |
5:9 | 因為,𪜶的嘴無老實;𪜶的心惡毒滿滿;𪜶的嚨喉是開開的墓;𪜶用舌諂媚人。 |
5:10 | 上帝啊,求你定𪜶的罪!互𪜶對家己的計謀跋倒;𪜶的罪過真多,願你將𪜶趕出,因為𪜶背叛你。 |
5:11 | 見若倚靠你者,願𪜶歡喜,願𪜶永永歡喜出聲,因為你庇佑𪜶;閣願許個疼惜你的名的人攏踮佇你來歡喜。 |
5:12 | 因為你欲賜福互義人;耶和華啊,你欲用恩惠親像盾牌四面圍伊。 |