走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 44:1 | 〔可拉後裔教示的詩，交互樂官。〕上帝啊！你佇古早，阮的列祖的時所行的事，阮親耳聽見；阮的列祖亦有對阮講起。 |
|---|---|
| 44:2 | 你曾用你的手趕列邦，來栽培阮的列祖；你苦楚許個族，來互𪜶發達。 |
| 44:3 | 因為𪜶呣是對𪜶的刀劍來得著土地，亦呣是𪜶的手救𪜶，就是你的正手、你的手骨，你的面的光救𪜶，因為你歡喜𪜶。 |
| 44:4 | 上帝啊，你是我的王；求你出令拯救雅各。 |
| 44:5 | 阮倚靠你，欲捙倒阮的對敵，阮倚靠你的名欲屯（thun）踏許個起來攻擊阮的人。 |
| 44:6 | 因為我無欲倚靠我的弓；我的刀亦啲救我。 |
| 44:7 | 獨獨你曾救阮脫離對敵，互怨恨阮的人見誚。 |
| 44:8 | 阮通日因為上帝來誇口，阮欲謳咾你的名到永遠。（細拉） |
| 44:9 | 總是現今你放拺阮，互阮受凌辱，無及阮的軍兵相及出去。 |
| 44:10 | 你互阮佇對敵的面前越轉身走；許個怨恨阮的人出在𪜶來搶提。 |
| 44:11 | 你互阮親像羊做人的食物，互阮四散佇列邦中。 |
| 44:12 | 你賣你的百姓亦無趁錢，所得著的價錢也無加添你的好額。 |
| 44:13 | 你互阮受隔壁國的凌辱，受四圍的人恥笑譏刺。 |
| 44:14 | 你互阮佇列邦中做話柄，互眾百姓對阮搖頭。 |
| 44:15 | 我的凌辱通日佇我的頭前，我的面的見誚遮蓋我， |
| 44:16 | 是因為彼個詈罵誹謗的人的聲，閣因為對敵及報冤的人的緣故。 |
| 44:17 | 諸個攏臨到阮，阮無𣍐記得你，亦無假影守你的約。 |
| 44:18 | 阮的心無背你；阮的腳步無偏離你的路。 |
| 44:19 | 你竟然佇山狗的所在壓傷阮，用死的蔭影遮蓋阮。 |
| 44:20 | 設使阮𣍐記得阮的上帝的名，抑是向別個神抬起手， |
| 44:21 | 上帝豈無鑑察此個事嗎？因為伊知人心內的隱密。 |
| 44:22 | 阮因為你的緣故通日受刣；看做親像欲刣的羊。 |
| 44:23 | 主啊，求你精神，啥事啲睏？求你起來，呣通永遠棄拺阮！ |
| 44:24 | 你啥事掩你的面，啥事𣍐記得阮所受的苦難及壓制？ |
| 44:25 | 因為阮的生命仆佇土粉；阮的腹肚粘佇地面。 |
| 44:26 | 求你起來幫助阮！帶念你的慈愛救贖阮！ |
