走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 37:1 | 〔大衛的詩。〕呣通因為做歹的人心內不平，亦呣通怨妒行不義的人。 |
|---|---|
| 37:2 | 因為𪜶親像草快快割，閣親像青翠的菜老去。 |
| 37:3 | 著倚靠耶和華來行好，踮佇此個土地，用誠實做米糧； |
| 37:4 | 著掠耶和華做歡喜，伊欲將你的心所求的互你。 |
| 37:5 | 著將你的代誌交代耶和華，閣倚靠伊，伊欲互伊成。 |
| 37:6 | 伊欲互你的義發出親像光，你的判斷親像中晝的光。 |
| 37:7 | 著靜靜佇耶和華的面前，寬心聽候伊；呣通因為彼號事事亨通的及彼號歹計謀得著成者來不平。 |
| 37:8 | 著息受氣，離開大受氣；呣通不平，驚了會做歹。 |
| 37:9 | 因為行歹的人欲受到剿滅；獨獨聽候耶和華的人啲欲承接土地。 |
| 37:10 | 因為閣霎仔久，歹人欲無去；你若詳細查伊的所在伊亦無去。 |
| 37:11 | 獨獨謙卑的人欲承接土地，因為平安豐盛大沈歡喜。 |
| 37:12 | 歹人設計謀欲害義人，閣向伊咬嘴齒根。 |
| 37:13 | 主欲笑伊，因為看見伊的日子欲到。 |
| 37:14 | 歹人拔刀開弓，欲打倒困苦喪鄉的人，欲刣死行做正直的人。 |
| 37:15 | 𪜶的刀欲刺入家己的心；𪜶的弓欲受遏折。 |
| 37:16 | 義人所有的少少，贏過多多歹人的富有。 |
| 37:17 | 因為歹人的手欲受遏折；獨獨耶和華扶持義的人。 |
| 37:18 | 耶和華知完全的人的時日；𪜶的產業欲永遠佇啲。 |
| 37:19 | 𪜶佇患難的時不致見誚，佇飢荒的日欲得著飽足。 |
| 37:20 | 總是歹人欲滅無。耶和華的對敵欲親像草埔的茂盛；𪜶欲消無，親像火熏的消無。 |
| 37:21 | 歹人給人借也無還；若是義人行憐憫，捨施人。 |
| 37:22 | 耶和華賜福的人啲欲承接土地；互伊咒詛的人欲受滅無。 |
| 37:23 | 義人的腳步是耶和華所安置；閣伊歡喜伊的路。 |
| 37:24 | 伊雖莽跋倒亦無到歸身摔落去，因為耶和華用伊的手扶伊。 |
| 37:25 | 我前少年，今年老，總是未曾看見義人受放拺，亦伊的後裔做乞食。 |
| 37:26 | 伊通日憐憫人，借人；伊的後裔得著福氣！ |
| 37:27 | 你著離開歹，行好，才通永遠徛起。 |
| 37:28 | 因為，耶和華歡喜公平，無放拺伊聖的百姓；𪜶永遠受保護，獨獨歹人的後裔欲受剿滅。 |
| 37:29 | 義人欲承接土地，永遠踮佇遐。 |
| 37:30 | 義人的嘴講智慧；伊的舌談論公平。 |
| 37:31 | 伊的上帝的律法佇伊的心內；伊的腳攏𣍐踏脫。 |
| 37:32 | 歹人偷看義人，數想刣伊。 |
| 37:33 | 耶和華無放拺伊佇歹人的手；當審判的時，亦無定伊的罪。 |
| 37:34 | 你著聽候耶和華，遵守伊的道路，伊就高升你，互你承接土地；歹人受剿滅的時，你欲看見。 |
| 37:35 | 我曾看見歹人有大勢力，閣發達親像艷的樹佇伊的本土地。 |
| 37:36 | 有人對遐經過，看啊，伊無去啦；我亦尋伊，尋𣍐著。 |
| 37:37 | 你著詳細看彼個完全的人，看彼個正直的人，因為和平的人有好的結局。 |
| 37:38 | 論到犯法的人，欲做一下滅無；歹人的結局欲受剿滅。 |
| 37:39 | 總是義人得著救是對耶和華；當患難的時伊做𪜶的營寨。 |
| 37:40 | 耶和華幫助𪜶，拯救𪜶；伊拯救𪜶脫離歹人，來牽救𪜶，因為𪜶倚靠伊。 |
