走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 52:1 | 〔以東人多益來報掃羅講：「大衛到亞希米勒的家。」彼時，大衛做此個教示的詩，交互樂官。〕勇猛的人啊，你啥事為著做歹來誇口？上帝的慈愛永遠佇啲。 |
|---|---|
| 52:2 | 你的舌圖謀邪惡，親像利的剃頭刀，行奸詐。 |
| 52:3 | 你愛歹贏過愛好，愛白賊，贏過愛講義理。（細拉） |
| 52:4 | 詭譎的舌啊，你愛講一切吞食的話！ |
| 52:5 | 上帝亦欲毀壞你，到永遠；伊欲掠你，對你的布棚中搝出來，對活人的地將你拔出來。（細拉） |
| 52:6 | 義人欲看見來驚惶，亦欲笑伊， |
| 52:7 | 講：看啊，這就是彼號無掠上帝做伊的氣力的人，是倚靠伊的錢財的罪，佇邪惡家己徛在。 |
| 52:8 | 論到我，我是親像上帝厝內青翠的橄欖樹；我永永遠遠倚靠上帝的慈愛。 |
| 52:9 | 因為你行這，我欲感謝你，到永遠。我亦欲佇你聖的百姓的面前向望你的名；因為伊的名是好。 |
