走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 22:1 | 〔大衛的詩，交互樂官。調用「早起時的鹿母」。〕我的上帝，我的上帝！啥事放離我？啥事離開遠遠無救我？呣聽我喉叫的話？ |
|---|---|
| 22:2 | 我的上帝啊，我日時求叫，你無聽我，暝時求叫，我亦無靜靜。 |
| 22:3 | 總是你是聖，你是用以色列的謳咾做座位者。 |
| 22:4 | 阮的列祖倚靠你；𪜶倚靠你，你就拯救𪜶。 |
| 22:5 | 𪜶哀求你，就得著拯救；𪜶倚靠你，就不致見誚。 |
| 22:6 | 總是我是蟲，呣是人，互人譏刺，互百姓看輕。 |
| 22:7 | 凡若看見我的攏恥笑我；𪜶譊嘴搖頭，講： |
| 22:8 | 著將本身交代耶和華，伊通救伊！耶和華既然歡喜伊，伊通救伊！ |
| 22:9 | 總是你是互我出老母的胎者；我佇老母的胸前，你互我倚靠你。 |
| 22:10 | 我對胎裡出就交代你；對我出老母的腹肚，你是我的上帝。 |
| 22:11 | 呣通離開我遠遠！因為患難迫近，無有幫助我的。 |
| 22:12 | 有多多牛牨圍纍我，巴珊勇的牛四面圍困我。 |
| 22:13 | 𪜶向我開嘴，親像啲擘拆，啲大聲哮的獅。 |
| 22:14 | 我親像水傾出；我的骨攏脫輪；我的心親像蠟消溶佇腹內。 |
| 22:15 | 我的精力枯焦，親像瓦片坯；我的舌粘佇我的上徛。你下我佇死地的土粉。 |
| 22:16 | 狗的類圍我，歹黨包圍我；𪜶鑿我的手，我的腳。 |
| 22:17 | 我的骨頭，我攏會算得；𪜶啲看我啲相我。 |
| 22:18 | 𪜶分我的衫，拈鬮我的衣服。 |
| 22:19 | 耶和華啊，求你呣通離開我遠遠！我的氣力啊，求你緊緊來幫助我！ |
| 22:20 | 求你救我的神魂脫離刀劍，救我的生命脫離狗的類的勢力， |
| 22:21 | 救我脫離獅的嘴；你已經聽我，互我脫離野牛的角。 |
| 22:22 | 我欲報揚你的名佇我的兄弟，我欲謳咾你佇會中。 |
| 22:23 | 恁驚畏耶和華者著謳咾伊！雅各的後裔攏著榮光伊！以色列的後裔攏著敬畏伊！ |
| 22:24 | 因為伊無看輕，亦無厭賤困苦人的困苦，亦無對伊掩面；伊求叫伊的時，伊就聽伊。 |
| 22:25 | 我佇大聚會的中間所謳咾者是對你來；我欲佇驚畏伊的人的面前謝我的願。 |
| 22:26 | 謙卑的人欲得著食飽；尋耶和華的人欲謳咾伊。願恁的心活到永遠！ |
| 22:27 | 地的極頭攏欲數念，來歸順耶和華；列邦的萬族攏欲敬拜佇你的面前。 |
| 22:28 | 因為國是耶和華的；伊是萬國的主宰。 |
| 22:29 | 地上一切好漢的人欲飲食來敬拜；見若歸土的人──𣍐會保全生命者──攏欲仆拜佇伊的面前。 |
| 22:30 | 有後裔欲服事伊；主的代誌欲傳佇後代。 |
| 22:31 | 𪜶欲來亦欲傳伊的公義互得欲出世的百姓，知此個事是伊做的。 |
