走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 80:1 | 〔亞薩的詩，交互樂官。調用做干證的百合花。〕以色列的牧者啊，導約瑟親像羊群者，求你俯耳孔聽！坐佇𠼻𡀔兵的頂面者，求你發出你的光！ |
|---|---|
| 80:2 | 佇以法蓮、便雅憫、瑪拿西的面前，展出你的權能，來救阮。 |
| 80:3 | 上帝啊，互阮倒轉，互你的面發出光，阮就得著救！ |
| 80:4 | 萬軍的上帝──耶和華啊，你向你的百姓的祈禱發出受氣，欲偌久啊？ |
| 80:5 | 你用目屎做食物互𪜶食，閣量多多目屎互𪜶飲。 |
| 80:6 | 你互隔壁國因為阮來相爭；阮的對敵相及啲笑。 |
| 80:7 | 萬軍的上帝啊，互阮倒轉，互你的面發出光，阮就得著救！ |
| 80:8 | 你對埃及徙一欉葡萄樹，趕出列邦，來栽伊。 |
| 80:9 | 你佇伊的頭前傾空土地，伊的根釘深，就生湠滿地。 |
| 80:10 | 伊的影遮密諸個山，伊的枝親像真好的柏香樹。 |
| 80:11 | 發出伊的枝，伸到大海，伊的藤，湠到大河。 |
| 80:12 | 你啥事拆毀伊的籬笆，出在一切過路的人挽伊？ |
| 80:13 | 樹林內出來的山豬蹧躂伊；曠野的走獸食伊。 |
| 80:14 | 萬軍的上帝啊，求你倒轉！對天俯落看，照顧此欉葡萄樹， |
| 80:15 | 保護你正手所栽的，及你為家己所堅固的枝。 |
| 80:16 | 伊已經受火燒，受刀剉；為著你的面的受氣，𪜶就滅無。 |
| 80:17 | 願你的手按佇你正旁的人，就是你為家己所堅固的人子。 |
| 80:18 | 按呢，阮就無倒退離開你；求你互阮得著活，阮就欲求叫你的名。 |
| 80:19 | 萬軍的上帝──耶和華啊，互阮倒轉，互你的面發出光，阮就得著救！ |
