走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 9:1 | 〔大衛的詩，交互樂官。調用幕拉便。〕我欲全心感謝耶和華；我欲報揚你一切奇妙的所做。 |
|---|---|
| 9:2 | 我欲在佇你歡喜快樂；至高者啊，我欲謳咾你的名！ |
| 9:3 | 我的對敵越轉身退去的時，就佇你的面前跋倒滅無。 |
| 9:4 | 你已經替我伸冤，替我辯明；你坐佇寶座，照公義審判。 |
| 9:5 | 你有責備列邦，你有滅無歹人；你有擦滅𪜶的名，到永遠。 |
| 9:6 | 對敵到結局；受荒廢到永遠。你毀壞𪜶的城，連𪜶的記念亦無去。 |
| 9:7 | 獨獨耶和華坐位，到永遠；伊已經為審判安置伊的寶座。 |
| 9:8 | 伊欲照公義審判世界，照正直判斷眾百姓。 |
| 9:9 | 耶和華閣欲做受壓迫的人的高台，佇患難的時的高台。 |
| 9:10 | 識你的名的人欲倚靠你，因為耶和華，你未曾棄拺尋你的人。 |
| 9:11 | 著謳咾徛起錫安的耶和華，將伊所行的報揚佇眾百姓的中間。 |
| 9:12 | 因為彼個查辦命案者記得𪜶，無𣍐記得困苦人的哀求。 |
| 9:13 | 耶和華啊，求你憐憫我；你是對死門救我起來者，著鑑察許個怨恨我的人所互我抵著的苦難。 |
| 9:14 | 通互我講起你一切的好名聲；我欲佇錫安城的門為著你的救恩來歡喜。 |
| 9:15 | 列邦陷落佇𪜶所開的陷坑；𪜶的腳纏佇𪜶暗靜設的羅網。 |
| 9:16 | 耶和華已經顯明家己，伊已經行審判；歹人互家己的手所做的纏著。（細拉） |
| 9:17 | 歹人欲歸佇陰府，𣍐記得上帝的列邦亦欲按呢。 |
| 9:18 | 因為喪鄉人的確無永遠互上帝𣍐記得；困苦的人的向望的確𣍐永永無去。 |
| 9:19 | 耶和華啊，求你起來，呣通容允人卡贏！願列邦佇你的面前受審判！ |
| 9:20 | 耶和華啊，求你互𪜶驚惶；願列邦知家己不過是人若定。（細拉） |
