經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
79:1 | 〔亞薩的詩。〕上帝啊,外邦人進入你的產業,拍垃墋你的聖殿,互耶路撒冷變成土堆, |
---|---|
79:2 | 𪜶將你的奴僕的身屍交互空中的飛鳥做食物,將你聖的百姓的肉交互地上的野獸, |
79:3 | 佇耶路撒冷周圍流𪜶的血親像水,亦無人埋葬伊。 |
79:4 | 阮互阮隔壁國所凌辱,互阮四圍的人冷笑譏刺。 |
79:5 | 耶和華啊,你的受氣欲偌久,到永遠嗎?你的受氣欲親像火𤏸嗎? |
79:6 | 願你將你的受氣傾落佇許個呣識你的外邦,以及許個無求叫你的名的列國。 |
79:7 | 因為𪜶吞食雅各,互伊徛起的所在拋荒。 |
79:8 | 求你呣通記得阮的祖公的罪,來對阮討;願你的慈悲緊緊臨到阮,因為阮落到極卑微的地位。 |
79:9 | 救阮的上帝啊,求你因為你的名的榮光幫助阮!因為你的名的緣故救阮,赦免阮的罪。 |
79:10 | 啥事致到外邦人講「𪜶的上帝佇叨落」?願你伸你的奴僕流血的冤,互外邦人知互阮親目看見。 |
79:11 | 願囚犯的吐氣透到你的面前;願你照你的大權能保存許個擬定著死的人。 |
79:12 | 主啊,願你將阮隔壁國所凌辱你的凌辱,加添七倍歸佇𪜶的身上。 |
79:13 | 按呢,阮做你的百姓,你的草場的羊者,欲感謝你到永遠;欲謳咾你的名,到萬世代。 |