經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
54:1 | 〔西弗人來對掃羅講:「大衛豈呣是匿佇阮遐嗎?」彼時,大衛做此個教示的詩,交互樂官。用絲弦的樂器。〕上帝啊,求你用你的名救我,用你的大權能替我伸冤。 |
---|---|
54:2 | 上帝啊,求你聽我的祈禱,俯耳孔聽我的嘴所講的話。 |
54:3 | 因為,外人起來攻擊我,強惡的人數想我的生命;𪜶無敬奉上帝佇𪜶的面前。(細拉) |
54:4 | 上帝是幫助我的,主是扶持我的活命的。 |
54:5 | 伊欲將我的對敵所行的歹報應𪜶;求你照你的誠實滅無𪜶。 |
54:6 | 我欲將甘心的祭祀獻互你。耶和華啊,我欲感謝謳咾你的名;因為你的名是好。 |
54:7 | 伊救我出一切的患難;我親目看見我的對敵抵著報應。 |