經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
136:1 | 恁著感謝耶和華,因為伊是好;因為伊的慈愛永遠佇啲。 |
---|---|
136:2 | 恁著感謝諸個上帝的上帝,因為伊的慈愛永遠佇啲。 |
136:3 | 恁著感謝萬主的主,因為伊的慈愛永遠佇啲。 |
136:4 | 感謝彼個家己行大奇事的,因為伊的慈愛永遠佇啲。 |
136:5 | 感謝彼個用智慧創造天的,因為伊的慈愛永遠佇啲。 |
136:6 | 感謝彼個舖地佇水的頂面的,因為伊的慈愛永遠佇啲。 |
136:7 | 感謝彼個創造大的光體的,因為伊的慈愛永遠佇啲。 |
136:8 | 就是日頭來管日時,因為伊的慈愛永遠佇啲。 |
136:9 | 月及星管暝時,因為伊的慈愛永遠佇啲。 |
136:10 | 感謝彼個拍死埃及人的大子的,因為伊的慈愛永遠佇啲。 |
136:11 | 導以色列人對𪜶中間出來的,因為伊的慈愛永遠佇啲。 |
136:12 | 用大權能的手及伸出來的手骨,因為伊的慈愛永遠佇啲。 |
136:13 | 感謝彼個分開紅海的,因為伊的慈愛永遠佇啲。 |
136:14 | 也導以色列對彼個中間經過的,因為伊的慈愛永遠佇啲。 |
136:15 | 將法老及伊的軍兵㧒佇紅海的,因為伊的慈愛永遠佇啲。 |
136:16 | 感謝彼個導伊的百姓行佇曠野的,因為伊的慈愛永遠佇啲。 |
136:17 | 感謝彼個拍死大君王的,因為伊的慈愛永遠佇啲。 |
136:18 | 刣死有名聲的王的,因為伊的慈愛永遠佇啲。 |
136:19 | 刣死亞摩利王西宏,因為伊的慈愛永遠佇啲; |
136:20 | 閣刣死巴珊王噩,因為伊的慈愛永遠佇啲。 |
136:21 | 將𪜶的地賞賜做業,因為伊的慈愛永遠佇啲; |
136:22 | 就是賞賜伊的奴僕以色列做業,因為伊的慈愛永遠佇啲。 |
136:23 | 伊數念咱佇卑微的位,因為伊的慈愛永遠佇啲。 |
136:24 | 拯救咱脫離咱的對敵,因為伊的慈愛永遠佇啲。 |
136:25 | 伊賞賜米糧互見有血氣的,因為伊的慈愛永遠佇啲。 |
136:26 | 恁著感謝天頂的上帝,因為伊的慈愛永遠佇啲。 |