走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 10:1 | 有災禍啊！許個設立不義的律例者及記載奸詐的判詞者， |
|---|---|
| 10:2 | 枉屈喪鄉人的案件，搶奪我的百姓中困苦的人的情理，用寡婦準做所搶的物，用孤兒準做所劫的物。 |
| 10:3 | 當降刑罰的日，有災禍對遠遠臨到，彼時，恁欲怎樣？恁欲走去求甚麼人救恁啊？恁的財寶欲留佇甚麼所在？ |
| 10:4 | 𪜶只有屈身佇受掠的人的下面，倒佇受刣的人的下面。雖然按呢，耶和華的受氣猶未消；伊的手猶原伸啲。 |
| 10:5 | 有災禍啊，亞述是我受氣的槌，手中抬我的痛恨做柺。 |
| 10:6 | 我欲差伊攻擊邪惡的邦國，吩咐伊攻擊我所受氣的百姓，搶伊所搶的，掠伊所掠的，將𪜶徛踏，親像街路的土糜一樣。 |
| 10:7 | 總是，伊呣是此號意思；伊的心亦呣是此個打算。伊的心內反轉想毀滅，剿滅多多國。 |
| 10:8 | 因為伊講：我的人臣豈無攏是王嗎？ |
| 10:9 | 迦勒羅豈呣是親像迦基米施嗎？哈馬豈呣是親像亞珥拔嗎？撒瑪利亞豈呣是親像大馬色嗎？ |
| 10:10 | 我的手已經到偶像的國；𪜶雕刻的偶像贏過耶路撒冷及撒瑪利亞的偶像。 |
| 10:11 | 我怎樣款待撒瑪利亞及其中的偶像，豈𣍐照按呢款待耶路撒冷及其中的偶像嗎？ |
| 10:12 | 主佇錫安山及耶路撒冷成伊一切所做者的時，講：「我欲刑罰亞述王心驕的行做及伊目頭高的榮光。」 |
| 10:13 | 因為伊講：我所成的事是用我的手的能力及我的智慧，我本有聰明。我移徙列國的地界，搶𪜶的財寶；閣我親像勇士，互坐高位的降做低。 |
| 10:14 | 我的手提著列國的財寶，親像提鳥仔巢；我得著全地，親像拾著所放拺的鳥仔卵。無有撇翅的；無有開嘴的，無有哮叫的。 |
| 10:15 | 今斧頭豈會對用伊來剉柴者家己誇口嗎？鋸仔豈會對彼個拖鋸者家己品嗙嗎？這是親像槌仔運轉彼個抬伊者，親像柺仔抬起彼個呣是柴者。 |
| 10:16 | 因為按呢，主──萬軍的主，欲互伊肥的變做瘦，佇伊榮光的下面欲有火𤏸起來，親像火燒一樣。 |
| 10:17 | 以色列的光欲做火；伊的聖者欲做火焰。佇一日的中間，將伊的莿帕及蒺藜燒了了； |
| 10:18 | 閣將伊的樹林及肥地的榮光，對神魂到肉體攏燒滅伊，勢面親像破病人漸漸衰敗。 |
| 10:19 | 伊的樹林剩的樹無幾欉，囝仔亦會記伊的數額。 |
| 10:20 | 到彼日，以色列所剩的及雅各家所逃脫的，無閣倚靠彼個拍𪜶的，是欲誠實倚靠耶和華──以色列的聖者。 |
| 10:21 | 所剩的，欲倒轉來，就是雅各家所剩的，歸佇全能的上帝。 |
| 10:22 | 以色列啊，你的百姓雖然多親像海沙，只有剩的倒轉來。衰敗的事已經定著，用公義來充滿。 |
| 10:23 | 因為主──萬軍的耶和華佇全地中欲行所定著的滅無。 |
| 10:24 | 所以，主──萬軍的耶和華按呢講：「徛起錫安我的百姓啊，亞述雖然用槌拍恁，閣親像埃及的款抬枴仔攻擊你，你呣免驚伊。 |
| 10:25 | 因為閣霎仔久，受氣就欲明白，閣我的受氣欲對𪜶的滅無來息。 |
| 10:26 | 萬軍的耶和華欲抬起鞭來拍伊，親像佇俄立的石磐拍米甸。伊的柺仔欲伸佇海頂，伊欲抬起，親像佇埃及一樣。 |
| 10:27 | 到彼日，亞述的重擔欲離開你的肩頭；伊的軛欲離開你的頷頸；伊的軛也欲因為抹油的緣故來毀壞。」 |
| 10:28 | 亞述到亞葉，經過米磯崙，放行李佇密抹。 |
| 10:29 | 𪜶經過隘口，佇迦巴歇暝。拉瑪人驚惶；掃羅的基比亞人逃走。 |
| 10:30 | 迦琳徛起的百姓啊，著大聲喉叫！萊煞的人啊，著俯耳孔！慘啊！困苦的亞拿突啊！ |
| 10:31 | 瑪得米那人閃避；基柄徛起的百姓逃走。 |
| 10:32 | 彼日，伊紮兵佇羅伯，比手向錫安城的山──就是耶路撒冷的山頭。 |
| 10:33 | 看啊，主──萬軍的耶和華用互人驚的威嚴來剉樹枝；長的欲受剉，高的欲降低。 |
| 10:34 | 艷的樹林，伊欲用鐵器剉伊；閣黎巴嫩欲對大權能者來倒落去。 |
